Nisin Thuhiltu – 27 July 2017

User Rating: 0 / 5

Star InactiveStar InactiveStar InactiveStar InactiveStar Inactive
 

State Assembly session zaw leh Boundary Commission siamdaw hiding: Minister Karam Shyam

Imphal, July 26 *(Nisin Thuhiltu)*: A chiatha zing 11th Manipur Legislative Assembly-2017 budget session, Question Hour ah Opposition MLA RK Imo Singh in dawtna a siam, Revenue Minister Karam Shyam in a dawnhuna a chun, retired Judge mapui Boundary Commission in tu Assembly session zaw leh revenue district kisiam dawk thak te boundary dinmun etzuina ding leh Commission report piak dungzui ah government revenue districts thak te boundary hawmkhen ding hin a gen hi. MLA Md. Abdul Nasir in Manipur ah organic farming chiapina ding ah Government of India in fund released a bawl zat leh a kimatdan dawtna a siam Agriculture Minister V. Hangkhalian in a dawnhuna a chun, organic farming chiapina ding ah Nodal Department - Department Horticulture and Soil Conservation a pat Government of India in 2016-17 sung ah organic farming a ding ah Rs.3.8 crore fund release bawl in a gen a, organic farming nuai ahValley Districts pali ah Black Aromatic Rice (Chak-Hao) chiin ah um hin a gen hi. Opposition MLA K Ranjit in March 15 - July 1, 2017 sung ah State VVIP/VIP te total expenditure a dawtna a chun, Chief Minister N Biren Singh in State VVIP/VIP te a zintunna sen leh so (expenditure) Rs. 41,82,779 hin a gen a, State in zia hun chawmcha sung a chu VVIP leh VIP 41 zintun in a gen hi. Chuleh, Opposition MLA K Ranjit dawtna dang khat Chief Minsiter in a dawnhu kitna a chun, Police Stations leh CDO unit chuam chuam ah Inspector 41 te Officer-in-charge ding ah transferred leh posting order sua ah um in a gen hi. Morning session ah Speaker Yumnam Khemchand Singh in Financial Committees pathum Public Accounts Committee, Public Estimate Committee leh Public Undertaking Committee member ding te puanna a nei a, zia Committee member ding te chu Public Accounts Committee -1. Kshetrimayum Biren Singh, 2. Yengkhom Surchandra Singh, 3. D.D Thaisii, 4. Samuel Jendai Kamei, 5. Khumukcham Joykisan Singh, 6. Md. Abdul Nasir leh 7. Okram Henry Singh te a hiu a,
Committee on Estimates - 1. A K. Mirabai Devi, 2. Md. Fajur Rahim, 3. Oinam Lukhoi Singh, 4. N. Indrajit, 5. Ashab Uddin, 6. Lourembam Rameshwor Meetei leh 7. Surjakuma Okram te a hiu. Chun,
Committee on Public Undertakings - 1. Keisham Meghachandra Singh, 2. Paonam brojen Singh, 3. Rajkumarlmo Singh, 4. Sapam Ranjan Singh, 5. Thokchom Satyabrata Singh, 6. Alred Kanngam Arthur leh 7. Heikham Dingo Singh te a hiu.

State Assembly session ah Demands of Grants 4 pass
Imphal, July 26 *(Nisin Thuhiltu)*: Manipur Legislative Assembly session ah tuni’n Demands of Grants 4 pass in a um a, zia te chu a kigawm ah Rs 1727,37,73,000 a hi zo hi. Passed ah um Demand te chu - Community & Rural Development (Rs. 1040,46,46,000); Power (Rs. 519,39,96,000); Youth Affairs and Sports (Rs. 81,22,18,000) leh Minorities and Other Backward Classes & Scheduled Castes Department (Rs. 86,29,13,000) a hi. MOBC in-charge le hi, Chief Minister N. Biren in Opposition MLA K. Meghachandra, Md. Abdul Nasir, Md. Fajur Rahim leh RK Imo te dawtna leh MOBC fund release vaigei ah a umna tawh kisai ah gen leh sak a nei uh a hilchianna a chun, Government in scheme delay ding ah guanggalna bangma neilo a hidan gen in,welfare schemes te kituptak leh transparent tak ah implement ding ah panlakna um hin a gen hi. Community and Rural Development policy chung chang ah Opposition MLA N. Loken, K. Ranjit, D Korungthang, Kh. Joykisan, Md. Abdul Nasir, Km. Ak Mirabai leh Th. Lokeshwar te banah Treasury bench a pat P. Sarat leh T.T. Haokip te’n le sak a neina chung ua
RD & PR Minister Th. Biswajit in hilchianna a bawlna a chun, e-tender process tawh kisai ah muanmaw ding bangma umlo a hidan gen in, Government in department nuai ah works leh schemes implementation chung ah complaint um te kituptak ah enzui ding a hidan a gen hi. Youth Affairs & Sports Minister Letpao Haokip in Opposition MLA te’n State Sports Policy chungchang ah gen leh sak a nei uh a hilchianna a chun, kum 1992 ah State Sports Policy chiapi ah umta leh kum 2003 ah amend kibawl thak hin a gen a, zia policy dungzui a chu sports persons lehsports body te ding ah welfare schemes chuam chuam chiapi a hidan a gen hi. Chun, YAS department in indigenous games - Kang, Mukna, Thang-ta, Yubi Lakpi etc te promote bawl ding ah panlakna nei a hidan gen in meritorious sportspersons 70 te Government sepna piak ah umta leh department in games chi chuam chuam coach 21 ding ah vacant posts um te hukdimna ding ah proposal pelut zota a hidan a gen hi. Chuleh, department in a pawimaw dungzui ah PWD tawh kithuhiat ah archer L. Bombayla a ding ah Govt quarter arrange bawl piak ding a hidan gen in 'khelo india' scheme nuai ah block or sub-divisional or constituencies level ah play ground siam hawi thakna ding ah state leader te kithuapina a dawn hi.

Kargil Vijay Diwas 2017 mang

Lamka, July 26 *(Nisin Thuhiltu)*: State Home Department a pat thupiak dungzui in tuni’n BRGF Resource Centre, DC Office, Tuibuang ah Kargil Vijay Diwas 2017 matna a um a, zia hun a chun Churachanpur a pat District Level Officer (DLO) hunkhawp te banah DC Office a sem, department chuam chuam a pat staff te’n a uap u’i. Shyam Lal Poonia, IAS, DC Churachandpur in Kargil Vijay Diwas tawh kisai ah a genna a chun, Kargil gâl ah gam humbitna ding ah hinna pete hiat zingna ding ah India in kum sin leh Kargil Vijay Diwas a mat a hi dan genlang kawm in amau kipiak zaw na chu hiatmilo ding leh gam humbitna ding ah pan la te hiat zing pawimaw hi’n a gen hi. Lunkhomang Khongsang, MPS, Additional SP (Law & Order), Churachandpur in Defence Personnel te’n mipite bitna ding ah a kipiak zaw na teu tawh kisai a gen a, thil kibawl tapo gam a ding leh gamsung khantona ding a hi ngai hi’n a gen hi. Gam humbitna ding ah military personnel te’n theitawp sua in tu din mun a le China tawh gamgizul a kidin tena um zing in military personnel te’n theitawp sua ah gam humbitna ding ah panla uh hi’n le a gen hi.

Rationing Agent thak te orientation neipi
Lamka, July 26 *(Nisin Thuhiltu)*: National Food Security Act (NFSA) nuai ah Churachandpur District ah Rationing Agent, 2017-2019 sung a ding ah lâkthak a umte tuni’n DTC Hall, Tuibuang ah Orientation hun matpi in a um ua, zia hun a chun M. Ginzasuan, District Supply Officer (DSO) Churachandpur leh Jogen, Additional Director, NFSA, Manipur te’n District sung ah Rationing Agent lâkthak a umte’n maban ah na a sep ding dan un tawh kisai a ziltil ui. Orientation hun a chun, Fair Price Shop ah Rationing Agent te’n anchang leh sub-dealer te’n SK Oil a zuak ding dan uh, district sung ah PDS Systems function dan tawh kisai ba ah dealer te hiat ding ah pawimaw dang dang genna a nei ua, Churachandpur district sung ah Sub Division chuam chuam in zia tawh kisai ah July 29, 2017 chan ah kizil tilna nei ding uh hi’n a gen u’i. Zia dungzui a chun, zing leh Tuibong leh Saikot te’n training nei ding a hiu a, July 28, 2017 leh Singngat, Sangaikot leh Mualnuam banah July 29, 2017 leh Henglep leh Kangvai te’n nei ding a hiu. 2017-2019 sung ah Churachandpur District a ding ah Rationing Agent 430 lâkthak a hiu a, zia lak a chu Churachandpur AC a ding ah Rationing Agent 125, Saikot AC a ding ah 116, Thanlon AC a ding ah 38, Singngat AC ding ah 65, Henglep AC a ding ah 64 leh Tipaimukh AC a ding ah Rationing Agent 22 a hiu.

DFO in ama mimal sum tawh lampi siampha

Lamka, July 26 *(Nisin Thuhiltu)*: Lalpuithluaii Foundation School (LFS), Bungmual kiang lamkawina mun ah hunsin leh tui a kivei den ziak ah lampi haw khate a ding ah buai um mama a hina ah ngaikhawk tak in Khamsuanmung Thawmbing, District Forest Officer (DFO), District Southern Forest Division in ama mimal sum seng in zani’n Tipper leh JCB mang ah kawl-ek a buak hi. Zia lampi chu Tipaimukh lampi mang ah khualzin, Bungmual Reserbior ah tui la ding, passenger pua ah tai diesel auto banah LFS a kai naupang te a ding ah lampi pawimaw mama khat a hia, zia tak mun chu a kuak mama ziak in gua a zuk hun ah tui a kivei den sek in lampi hawkha keng a chia a hiloleh gari ah tai te a ding ah buai um mama a la suak hi. Lampi chu a chiata July 21 a khan bialtu MDC, CT Lian Guite leh Khaikhanthang (retired IRS) te’n etthâkna a la nei ua, a kisaipi department in a bawl ziang lo ziak in DFO in ngaikhawk tak ah ama mimal sum sêng ah a puaphat a hi.
NT 27july2017b

YPA GHQ in lampi siamphatna chiapi

Lamka, July 26 *(Nisin Thuhiltu)*: Young Paite Association (YPA) General Headquarter in Khawpi sung mun chuam chuam ah lampi siam phatna a nei chiapia zawm zel in tun’n Damkam Bazaar thang, Tedim Road ah kawl-ek Tipper 2 leh Ballu single Tractor 2 a sung ua, lampi kuakna lak a hukdim u’i. Lailam Veng lutsukna bul a lampi kuakna mun le ballu single sundim a hi ban in Tipaimukh Road Community Hall, Hiangtam Lamka ah le kawl-et tipper 2 sung in YPA GHQ puitu te mama in a huatzâk u’i. YPA GHQ in zani’n Tedim Road ah lampi kuak diak na mun, Zouveng lutsukna kiang ah kawl-ek tripper 6 a la sung sak maleh dawi gual a bat lo ziak in tuni’n ballu single tripper 2 sung sak kit in a siam u’i.
NT 27july2017c

Thingno phuna um di
Lamka, July 26 *(Nisin Thuhiltu)*: Shyam Lal Poonia, IAS, DC Churachandpur mapuina’ zing, July 27, 2017 sunnung dak 3:00 leh Mini-Secretariat Complex, Tuibuang ah thingno phuna um ding a hia, zia hun a chun SDO leh DLO zosia pang kim chiat ding ah hiatsak a hi ban un District sung ah Civil Society Organization chuam chuam le pang ding ah chial a hiu. A chiata July 14, 2017 ni’ DTC Hall ah Cabinet Meeting nei a hi hun ah Chief Minister N. Biren Singh in thingno a tam thei pen phu ding ah a la hiatsak tawh kitawn ah thingno phuna um ding a hi.

SAFA Independence Day Football Tournament kipan

Lamka, July 26 *(Nisin Thuhiltu)* : Singngat Area Football Association (SAFA) in kumsin leh a sai sek, Independence Day Football Tournament chu tukum 2017 a ding in tuni’n a kipan hi. Singngat Public Ground ah a 12 veina SAFA Independence Day Shield Football Tournament hawnna hun chu Suanchinpau Guite, MDC Lungthul in chief guest hina tawh uap in tournament hawnna le a nei a, opening match ah SAFC Singngat leh Blue Chip 26 AR Singngat te a kihel ui. 12th SAFA Independence Day Shield Football Tournament ah champion in Rs 30, 000 leh Running trophy sang ding a hia, Runner-up in Rs 15, 000 leh Running trophy a sang ding ban ua tournament ah mimal a ding Top Scorer, Best Player, Best Save Hand leh Men of the Tournament ti te le um ding a hi.

Evangelistic Week 2017 hawnna leh latna nei

Lamka, July 26 *(Nisin Thuhiltu)*: Ebenezer Academy, New Lamka nuai a Moral Religious Department mapuina’n Class IV a pat Class XII student te’n ni 3 - July 26 a pat July 28 sung ‘The Truth Shall Set You Free’ ti thupi tawh Evangelistic Week 2017 a nei ding chu tuni’n Rev. Ginmalsawm, Director of Social Development EBC in hawnna leh latna a nei a, Hebron EBCC ah Evangelistic Week hunpi matna’n a zui ngal hi. Zia hun a chun, Rev B Chinkhengoupau, Child Coordinator, EBC in naupang te lak ah thugenna le a nei hi. Evangelistic Week 2017 hun sung ah naupang te Pathian thu leh lâ ah puai huaina um ding a hia, a hung tung ding July 28 sunnung dak 2:30 leh Pastor H Jamkhanpau, Local Pastor, EBCC Hebron in a khakna nei ding a hi.
NT 27july2017d

KZP GHQ in Felicitation program mang ding
Lamka, July 26 *(Nisin Thuhiltu)*: Khangthah Zuun Pawl (KZP) (The Simte Students' Association) Gen. Hqtr. in a hung tung ding 29th July, 2017 Kiginni dak 11:00 AM leh Simte Inn, Simveng ah kum 2017 sung ah Cl-X, XII & Degree Level examna ah lawtinna chang te kipakpina program mang ding a hi. Zia hun chu lawtinna nei zosia, nu-leh-pa te tawh pang kim chiat ding ah chialna a bawl in Marksheet xerox copy le pelut ding in le in KZP GHQ in hiatsakna bawl hi. Chuleh, KZP ngaina zosia zia hun chu uap ding in KZP GHQ in chialna a bawl a, program hun sung ah "KI-LONG" kiti Simte Music Video Album hawnna leh latna le um ding a hi.

Zu leh Tobacco product tamtak man dawk

Lamka, July 26 *(Nisin Thuhiltu)*: Churachandpur District police Department nuai ah Drug Cell in khamthei dodalna a chiapi zing tawh kitawn in tuni, 26 July 2017 in Sub-Divisional Police Officer,SDPO Churachandpur/ Thanlon mapuina’n Churachandpur District sung mun chuam chuam ah Rs 100000 ah sim man ding Zu leh Tobacco product a man dawk ui.

Lengual Concert um ding
Lamka, July 26 *(Nisin Thuhiltu)*: United Khawzim Brothers' (UKB) saina "Launching of the Silver Jubilee Preparation -cum- LENGUAL CONCERT" kiti July 28, 2017 (Friday) nitak lam dak 5:30 leh Vaiphei Community Centre, Bethel Veng, New Lamka mun ah um ding a hi. Zia Concert a chu Lamka khawpi sung ah laa-sathiam ah minthang - Muana Hangzo, Bliss Lhingboi, James Arjun banah VAA te’n mipi chawk lim ah zaila awi ding a hiu.

Manipur Hockey (MH) in "Best State Unit" title dawng ding
Imphal, July 26 *(Nisin Thuhiltu)*: Manipur Hockey (MH) chu "Best State Unit" for the year 2017 ding in Hockey India panel member te’n recommend a bawl hi. Hotel Rockland CR Park, New Delhi ah 7th Hockey India (HI) Congress hun ah "Best State Unit" for the year 2017 ding ah Manipur Hockey (MH) recommend a hidan puandaw ah um a hi. HI ceremony a hileh tunung sawtlo ah um ding a hi. "Best State Unit" for the year 2017 dawng te chu trophy, certificate leh cash prize Rs 1 lakh piak hisek a hiu a, kum 2012 a khan le Manipur Hockey in zia title chu a la dawng hi. A langkhatlam ah Manipur Hockey in a chiata zing Sports Authority of India, Bangalore ah junior women national coaching camp coach ding ah Thokchom Anuradha Devi nominate a kibawlna chung in kipakthu a taklang a, zia camp chu July 9 a pat August 26, 2017 tiang ah um ding a hi.

State in 18th Kargil Vijay Diwas nit

Imphal, July 26 *(Nisin Thuhiltu)*: Manipur Government saina’ 1st Manipur Rifles Banquet Hall ah tuni’n 18th Kargil Vijay Diwas mat in a um a, zia hun a chu Kargil War , 1999 ah thina a la tuak sepai te zana piakna a um hi. Chief Guest hina tawh hun matna uap PWD& IPR Minister Th. Biswajit in a thugenna a chun, gamsung a ding ah hinna phal ngam ah panla sepai te panlakna pakcha kawm in Kargil war ah India sepai te chu panlakna chu mipi te’n ki-letsakpi ding a hidan a gen hi. Chuleh, sum leh thalaw dawina ziak mai ah sepai te gal do hizawlo ah gamsung ah muanna leh chamna a um theina ding ah galdo hizaw a hidan uh gamsung mipi’n geldaw thak ding pawimaw in a gen a, Manipur a payt sepai 7 in ni 74 sung Kargil War ah thina a la tuak un a gen hi. Hun matna uap Minister for CAF&PD and Revenue, Karam Shyam in Presidential speech hun ah a genna a chun, Kargil Vijay Diwas mat a hi sekna ziak chu gamsung ah kipumkhatna leh muanna a um theina ding ah Kargil War ah sepai ta panlakna suklatna hin a gen a, police te’n dan leh thupiak a etzuina chung ua pakchatthu le a gen hi. Zia hun matna chu Minister for Forest and Environment, Th. Shyamkumar, Chairman of Hill Area Committee, T.T. Haokip, Parliamentary Secretaries K. Robindro leh H. Dingo, Chief Secretary R.R. Rashmi, DGP L.M. Khaute leh top civil & police official te’n a uap ui.