UPDATES:

Paukhansuan Khuptong in Election Office honna nei

Paukhansuan Khuptong in Election Office honna nei

Lamka 14 February 2017: A 11-veina Manipur Legislative Assembly Election a 58 Churachandpur (ST) Assembly Constituency a North East India Development Party (NEIDP) Candidate, Paukhansuan Khuptong in tuni, February 14, 2017 a Nomination a File zoh toh kiton in sun dak 12:00 in a tenna inn, Chingkangpa’ Avenue, Nehru Marg ah Party Flag khaikhiakna leh Election Office ding honna nei hi.  Upa S. Vungsing in thumna in hun patna bawl a, S. Lalpu Guite makaih a Salphate sunna om in, Paukhansuan apan thugenna om hi.  

W. Khenlindra Singh, Member Secretary, NEIDP in hiai hun ah Party Flag khaikhiakna nei a, M. Somorjit Singh, General Secretary, NEIDP in Paukhansuan adia Election Office ding honkhiakna nei in, Rev. Dr. Lalmuoklien, Senior Director, EAC in Party Flag leh honkhiak aom Election Office ding Pathian’ kiang ah thumna in lan hi.  NEIDP lam apan hongpaite’n thugenna nei ua, N. Thangchinhau in huntawp a kipahthu genna nei in, Rev. Vanmawia in thumna in hun khakna bawl hi.

Paukhansuan Khuptong in hiai hun ah Churachandpur District a mi tamzaw Christian ahih dan gen a, Party Symbol pen Christian-te adia gen liantak nei in, Mosi in Israel tate Egypt apan a piikhiak hun a vanzat phatuamtak a zang a Tuipi San galkaipih ahih dan gen hi.  

Tuni a Paukhansuan in hun zatna North East India Development Party apan Brojendro Yumlembam, Proaganda Secretary, N. Nilakumar Singh, Spokesperson, AK Deepanand, Treasurer, T. Ravikumar Sharma, General Secretary, M. Somorjit Singh, General Secretary, Kh. Jonando, Special Secretary to President, Koijam Roshan, Executive Member, W. Khenlindra Singh, Member Secretary leh L. Suraj, Assistant Propoganda Secretary te’n auap ban uah deihsaktu tamtak in leng uap uhi.

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING