UPDATES:

S5 Box

ZOGAM.COM Login

Paite Lapau Dictionary & Paunakte hon khiak hi ding

Ahong tung ding December ni 18 in Shilong ah Phamsa Pu T. Gouzanang, B.A. B.Ed (Hindi) in kum 10 sung vingveng ana buaipih, amah khut mahmah a agelh khiak, gelhlou bu (excercise book) tampi bei a khangthakte'n lapau kepbit ding awlmohna ziak a tha-le-zung leh hun tampi a seenna "Paite Lapau Dictionary & Paunakte" kichi amah damlai in sutkhiak (publish) man in omkei mah leh a tapa T. Paukhochin' panlakna ziak in tunung zek chiang in (lemlouhna omkei leh ahong tung ding December ni 18 in Shillong ah honkhiak a om ding hiin thu suak in tak lang hi.

Manipur State Kala Academy Awardee Pu T. Gouzanang ahihleh eimite lak a lehkhasiam masa ahihban ah Manipur singtangmite lak a Hindi Graduate masapen leng hia theih ahi. Ama'n a damlai in i lapau, paunakte(pau-upa), tawndan leh khangthute a manthat ding pammaih sa mahmah in kuhkaltak in ahun tamzaw laigelhna leh khanglui thu theite houpihna in zang den a, a hun awl teng laigelhna in zang kichi hi. Ama'n thumakai a agenna ah, "namdangte'n lapau chih a tuam mawng in a nei tam kei ua, eimite i hihleh thupau(prose) leh lapau(poetry) nei mi i hi ua, lapau tuam mawng nei a, huai a thuchin-thutang i ut-ut gen thei leh sa thei nam khat i hi uh" chi hi.

Hiai laibu ah lapau thumal tengteng akigawm in 5591 pha a, khangthak lapau thei nai het loute'n le laphuah theihna di khop phial in la thutawn(sentence) sau loulou leh etsakna(example) toh kithuah hi. Author in laibu ana bawlsa publish a omte: Pu-pa Ngeina – Indongta Zuhawm Sahawm, Pau Kulmutte, Hindi-Paite Work Book, etc. ahi. Huaiban ah, amah khut mahmah a agelh (manuscript) a a nutsiat 'Lapau Dictionary' leh 'Paunak Bupi' ahihleh tha-le-zung leh sum tampi seng a a tapa (T. Paukhochin) in type khe vek a, akigawmkhawm a "Paite Lapau Dictionary & Paunakte" chia hong ki publish ding ahi hi.

Hiai laibu khangthakte' adia gou manpha tak ahihngei lam-et ahia, huaiban ah, eimi lak a lapau dictionary leh paunakte(pau-upate) kibawl masapen hidia le gintak ahi. Akigawm in pek 500 valzek pha a, aman ding ahihleh ' 500/- hi ding hi.no Thuchian kimzaw a theihbeh nuamte'n publisher T. Paukhochin contact no. 09856493669 --09856493669 ah thuchian kan theih ding hiin thu suak in tak lang hi.

lapaudictionary

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING