UPDATES:

S5 Box

ZOGAM.COM Login

Aizawl-Lamka-Imphal Helicopter Service ding ngaihtuah uh

Aizawl-Lamka-Imphal Helicopter Service ding ngaihtuah uh

Tuni 4th Aug.2016 at about 10:00 AM in Pawan Hans Ltd.te office, Guwahati ah M.Gouzamang Guite, EM, ADCC, Pu Siamzamuan Valte, Dy Director of Airworthiness,Civil Aviation Deptt,DGCA, M/o Civil Aviation, Govt.of India,LGBI Airport,Guwahati leh Pu Sarbjit Singh, Jt.General Manager ( Engg.& Mats), Pawan Hans Ltd. incharge of DGM te'n Lamka leh Aizawl, Imphal kal a helicopter service omtheihna ding toh kisai kikup khawmna nei uhi.

Hiai bang a Lamka leh khopi dang kikawmtuahna ding a helicopter service pat ding toh kisai in Pawan Hans Ltd.te bel ki thalawp mahmah uhi. Himah leh hiai bang service pattheihna ding in State Govt.panlakna ding liantak om a hihna a, hiai na a pian theihna ding in pan kilatou zel ding hi ahi chin EM in gen hi. Tuni pen kihouna masa hi phot ding a, a poimoh dangte kithuzak touh hi zel ding hi.

Kikawmtuahna nuamzaw sem nei leng i gam ah tourism lam bang leng puahtheih ding a, i mi leh sa tampi in hamphatpih thei ding in lametna lianpi kinei hi.

Hiai bang na piang thei d ding a kisai khiak zoh leh helipad mun ding a thawn in kipe ding hi.

Hiai toh kisai in Pu Siamzamuan Valte toh hun sawtpek apat agal ah kikup in ana omta a, tuni a taksa mahmah kimu a kikup theih a omna dia pan ana lakna te tung ah M.Gouzamang Guite, EM, ADCC in kipahthu gen hi.

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING