UPDATES:

S5 Box

ZOGAM.COM Login

Delhi SSPP in MTFD panpih sawm

SIAMSINPAWLPI
JOINT HEADQUARTERS, DELHI
 
Ref: SSPP-JHQ/Delhi/Pre
Dated: 15 April 2016
 
NGETNA
 
Siamsinpawlpi Joint Headquarters, Delhi in Manipur singtangmite a ding a Delhi mun ngei a apoimawh bangzel a kal ana suan a panla Manipur Tribals´ Forum, Delhi panpihna piakding hoih kisa hi.
 
Hiai ding in Delhi siamsin mi-le-sa te kiang a sum anuai a taklat a ombang donding chih thupuk hi a, hiai sum donna Delhi siamsin mi-le-sa te´n ana kithuahpih siausiau ding in Siamsinpawlpi Joint Headquarters, Delhi sik-le-tang in hiai ngetna kahon bawl ahi.
 
I theihsa bang in Manipur Tribals´ Forum, Delhi ahihleh tutung Manipur singtangmite Bill 3 deihlouhziak a kiphinna leh Solkal toh kihouna a ma honkaihtu ana hi gige uhi.
 
Amau te´n sum-le-pai a kiziat-kivei na ua poimawhna liantak nei gige ahihman un siamsin mi-le-sa peuhmah in, taksa a vakithuahpih in kal vasuanpih zoukei lehang leng hiai sum hong kidongding tungtawn a panlakna neikha hiding leh Manipur Tribals´ Forum, Delhi phungvuhtu hiding in Delhi siamsin mi-le-sa te kahon ngen in kahon chial thakthak ahi.
 
Sum donding zah hiaibang hiding hi;
1) Innkuan a om siamsin mi-le-sa te kiang ah Rs. 500 zel a don hiding,
2) Innkuan a om hilou, siamsin mi-le-sa te apan mimal khatzel a Rs. 100 don hiding.
 
Ka kipak. Siamsinpawlpi damsawt hen!
 
L.Khammuanlal,
President,
Siamsinpawlpi,
Joint Headquarters, Delhi.

sspp logo colour

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING