Manipur Express - 05 January 2015

User Rating: 0 / 5

Star InactiveStar InactiveStar InactiveStar InactiveStar Inactive
 

Ni 3 paisa sungin uihai in mi 19 kei liam
Lamka, Jan-4: Uihai natna (rabies) omlam theihkhiak ahih nungin leng Lamka khawpi sung leh muntuam tuam ah January 1-3, 2015 kikal in, ui keih liam mi 19 vel District Hospital a casualty ah puaklut in om uh a, doctor-te’n damdawi zangin enkol uhi. Ui in akeih liamte bel January 1, 2015 in mi 3 - Lalhmangaiha (6) of Zion Street, Lamka; Jesper (6) of Rengkai leh Haumang (50) of Suangsibok hi uhi. January 2, 2015 in mi 8 – Nemneiching (12) of T.Kanan Veng; Gouminlal (40) Molsen; Kimnunhoih (2) of Molsen; Chingngaihlun (32) of Molsen; Jangmang (45) of Molsen; Pauminlun (11) of Molsen; Danial (5) of Salem Veng, Lamka leh Esther (2) of Patlen hi uhi. Huailou in Jan 3 in mi 8 - Chingzavung (52) of Bungmual; Silvia (5) of Khumujamba; Minlun (11) of Sangpicha; Sennu (6) of N. Molhoi; Nenem (23) of Bungmual; Lhingpichong (16) of M. Songgel; Niangthianhoih (5) of Bungmual leh Purnima (9) of Thingkangphai hi uh a, amaute Dist. Hospital a casualty puaktun ahihnung un Doctor/Nurse-te’n damdawi zang a kap in pawtkhe nawn uhi.
Ui natna om ziakin District Magistrate in khawpi sung ah ui leh ganvulh khahzan phallou a, ui khahzante a kituahpih bang action lakkhum hiding in thupuan bawl a, huailou in YPA New Lamka inleng amau area sungah ui khahzan kham bikbek in, khawlai a ui om peuhmah khetlup hiding chi’n thupuan bawl uhi. Huailou in PKT Street Development Committee in leng amau vengsung a ui omte khempeuh a neite’n khahzanlou in khau akhih chiat dingin thupuan bawl uh a, ui khahzah ahih ziaka mi a keih a leh ui neitu in sen le pan teng pawkhe vek ding a, ui in a keih/pet ziaka si a om leleng ui neitu in a mawh paw ding hi’n thupuan bawl uhi. Ui in natna avei chiang in aneitu leh midang leng khen tuamlou hi’n kigen a, tunitan a ui in a keih liamte leng mi tamkhopte a neitu (owner) mah hi uh a, tuaziakin tulai in ui a maingal louh poimawh chi’n mi tamtakin gen uhi.

Haulianlal Guite, IAS kaisang
Lamka, Jan-4: Haulianlal Guite, IAS, s/o Dr. Thangchinkhup Guite of Mission Road, Hiangtam Lamka in a sepna Mt. Abu ah January 1, 2015 in Senior Scale ah promotion mu hi. Haulianlal Guite, IAS in Mount Abu, Rajasthan ah Sub Divisional Officer (SDO/SDM) len a, transfer ahih hun in ADC (or equivalent) post len ding hi’n kigen hi. Haulianlal Guite bel UPSC Civil Service ah rank 33rd la a, singtangmi lak adia sangtaka zou masa pawl hi’n kigen hi.


Car in Electric Post phutan
Lamka, Jan-4: Saikot ah tuni nitaklam dak 4.00 velin Car (No. MZ01E/8770) in lampi nawl a om Electric post phuka in kitan a, car sunga tuangte bel liamlou uhi. Gari in electric post a phutkhak zawh in huai bial ah electric supply buai in mei vaklou hi’n kigen hi.


e-Dist Project training ding list piakngai
Lamka, Jan-4: Deptt.of Information Technology in CCpur district a deptt tuamtuam apan mi1zel e-Dist.Project Training piak sawm a, SDO leh deptt 20 te’n Jan 5, 2015 tan in computer siam mi1 chiat select in DC office ah submit dingin BO, HQ DC office in theisak hi. Huaite ahihleh DEO (Employment); DSWO(Social Welfare); ZEO; Med Supt, Dist Hospital; Election Officer, DC’s office; SDO/CCpur;
SDO/Henglep; SDO/Thanlon; SDO/Parbung; SDO/Singngat; ADC/Pherzawl; BDO/Henglep; BDO/Lamka; BDO/Saikot; BDO/ Samulamlan; BDO/Sangaikot; BDO/Singngat; BDO/Thanlon; BDO/Tuibuong leh BDO/Vangai hi uhi.


State Level Workshop omding
Lamka, Jan-4: Dr. Suresh Babu, IAS, Principal Secy (Health) makaih in Jan 7- 9, 2015 sung Imphal a Hotel Nirmala ah 'State Level Workshop-cum-Review Meeting of Health Management Information System/Mother & Child Tracking System' om ding a, Ministry of Health & Family Welfare, Govt of India apan official te’n sinsak ding uhi.Workshop ah Manipur district teng akipan CMO; DFWO; DPMU-te, Block Data Manager-te leh HMIS Asst teng telding uhi.


67th Zomi Nam Ni Sketch kidemna
Lamka, Jan-4: 67th Zomi Nam Ni-cum-Mithun Festival a Competition Sub Committee-te saina in VK tawna College ah Jan 10, 2015 sunnung dak 1:00 apan High School student te’n Sketch competition neiding uh a, huai ah Zomi Leader khat peuhpeuh lim gelh kidemna om ding hi.


State Level Workshop omding
Lamka, Jan-4: Dr. Suresh Babu, IAS, Principal Secy (Health) makaih in Jan 7- 9, 2015 sung Imphal a Hotel Nirmala ah 'State Level Workshop-cum-Review Meeting of Health Management Information System/Mother & Child Tracking System' om ding a, Ministry of Health & Family Welfare, Govt of India apan official te’n sinsak ding uhi.Workshop ah Manipur district teng akipan CMO; DFWO; DPMU-te, Block Data Manager-te leh HMIS Asst teng telding uhi.


S. Kamkhanthang muhkhiak in om
Lamka, Jan-4: S. Kamkhanthang Ngaihte apaisa Dec 25, 2014 a khualzinlai a omna kitheilou mun tuamtuam zon ahihnung in tuni zinglam in Sonapur (Guwahati) ah muhkhiak in om hi. Guwahati khawpi leh Assam state sung mun tuamtuam zongin pawl tuamtuam leh mimal tamtak in Christmas ni akipan buaipih uh a, huai hunsung in Railway Protection Force (RPF) Post, Travelling Ticket Examiner (TTE) office leh Government Railway Police (GRP) office ah Missing Notice a taklat hi a, azi leh a tanaute’n Sonapur ah ava zonna uah damtakin mukhia uh a, himahleh a lampaina in a khe langnih bawk gawp hi’n kigen a, hospital puaktun a om in enkol uhi.


SUUNNA :
Mrs. Chingenhau (48) s/o Suankhanthang of Lanva, zan nitak dak 10:00 velin kalna in si a, tuni’n kivui hi.

manipurexressicon