Hornbill News | 06 May 2013

User Rating: 0 / 5

Star InactiveStar InactiveStar InactiveStar InactiveStar Inactive
 

hornbill news logo* Olympic Medalist MC Mary Kom pasal Onlar Kom in District sung a Huihpi ziak a vangsiatna thuakte panpihna pia.
* Langkhanpau Guite Chairman ADCC in Huihpi ziak a vangsiatna thuak te panpihna ding in, March khaloh advance a la in pekhia.
* Thingkangphai khua ah 51mm bomb puaklou muhsuah in om.
* ADCC Chairman makaih in District Disaster Management Authority Committee leh SDO/BDO ban ah DRDA Staff te'n Meeting nei.
* Loubawlmi te ading Fertilizer kapna (Sprayer) 800 hongtung.
* One Day Seminar leh Youth Congress 57 Henglep Assembly Constituency a kilaklutna Mass-Enrollment neih in om.
* SSA State MIssion Authority leh Shija Hospital pangkhawm in Mukka neite bawlna hoihna Operation neih hiding.
* DI leh AI of School te'n amau Block chiat Inspection bawl ding.
* Zingchiang Missionary day ahihziak in Hornbill News hong suaklou ding.

Tanchin Kimzaw

Churachandpur District sung huihpi, vuahpi leh gialpi in naktak a, a nuai nung in tenna inn tamtak kisia in innkuan tamtak niteng khawsak dan nakpitak in hihbuai hi. Tenna inn kisia leh vangsiatna thuak innkuan te kithuahpihna ding in District Disaster Management Authority Committee leh District Council in theihtawp suah in panla ua, tuni sun nitum in Langkhanpau Guite Chairman ADCC Officer Chamber ah Meeting nei uhi. Tuni sun dak 12 in Langkhanpau Guite Chairman ADCC Office ah Olympic Medalist MC Mary Kom pasal Onlar Kom in vangsiatna tuakkha te panpihna ding in amau innkuan min in District Disaster Management Authority Committee Chairman Maniram Sharma IAS incharge Deputy Commissioner khut ah anntang bag 10, allu bag 2, chana tang bag 1, sathau tin 2 leh a sum tang in sing 1 pia hi. Onlar Kom in a thugenna ah, a Zi MC Mary Kom in tutung a district sung a siatna hongtung awlmoh petmah in amah taksa mahmah in hong ennuam mahleh taksa damlouhna ziak in hong en theilou chi a, tamkei mahleh hihtheih tawk chi in vangsiatna tuakkha te nektawm ding peding in honsawl chi hi. Hiai hun ah Langkhanpau Guite Chairman ADCC inleng vangsiatna thuakkha te panpihna ding in amah March khaloh advance a la in sawm-a-khat lakkhiak nung in District Disaster Management Authority Committee te khut ah pekhia hi.

Thingkangphai khua ah naupang kimawl te'n dai kawm ah bomb puak nailou 51mm khat mukhia ua, police te'n vala in kemlel uhi.

Tuni sunnung dak 1 in Langkhanpau Guite Chairman ADCC makaih in amah Office Chamber ah District Disaster Management Authority Committee leh SDO/BDO ban ah DRDA Staff te'n Meeting nei in, huihpi vuahpi thuahte panpihna piak dingdan leh IAY hawm dingdan ban ah, MGNREGS leh GPS tawh kisai genkhawm ua, IAY ahihleh waiting list dan a paisaklou a, a poimoh dan dungzui a hawm ding tungtang kikumkhawm uhi.

Autonomous District Council Churachandpur ah lei hoihna (fertilizer) kapna Sprayer 800 hongtung a, tunung sawtlou in District Council member te'n loubawl mite kiang ah, a piakkhiakna neihsawm ua, huai ding in Deputy Chief Minister Gaikhangam chial sawm uhi.

Youth Congress 57 Henglep Assembly Constituency in tuni sunnung dak 1 in T Manga Vaiphei tenna inn Red Cross road ah One Day Seminar leh Youth Congress 57 Henglep Assembly Constituency a kilaklutna Mass-Enrollment nei uhi. Hiai hun ah Resource Person T Manga Vaiphei MLA in " Congress history ideology and values" chih pansan in thugen a, Rohoso Vice-President Manipur Pradesh Youth Congress (MPYC) in "Aam Aadmi Ka Siphaihi" leh UPA Govt. achievement, programme and act" tawh kisai gen a,Thanglet Baite President Manipur Pradesh Youth Congress Outer Manipur in "Roles and responsibilities of office bearer, team work, election preparation" chih tungtang gen a, Chungsei Haokip President Youth Congress 5-Saitu A/C Sadar Hill in "Pehchaan" tawh kisai gen a, Sunita Enrollment General Secretary Manipur in "Enrollment of the Indian Youth Congress" chih pansan in thugen hi. Hiai hun Demmang Haokip Vice-Chairman ADCC, Genneikhup Executive Member ADCC leh Paolal Haokip MDC Henglep in uap uhi.

Sarva Shiksha Abhiyan (SSA) State Mission Authority leh Shija Hospital pangkhawm in school naupang kum 6 akipan kum 18 kikal te lak a mukka neikha te bawl hoihna operation neih sawm uhi. Huchi bang a, tanu-tapa mukka neikha nu-le-pa te'n May 10, 2013 tan in mahni kisaipih Deputy Inspector of School te kiang ah min piaklut theih ding hi.

Directorate of Education (S) leh Hill District teng a ZEO te'n May 3, 2013 a Meeting aneihna ua thupukna dungzui in Deputy Inspector of School leh Assistant Inspector of School te'n amau block chiat inspection bawl ding ua, SSA free text book, uniform leh mid day meal tawh kisai ban ah proxy teacher a om leh omlouh tungtang leng enkhe ding uhi. Proxy teacher musuah a omleh report bawl hiding a, a tung ah FIR bulhkhum hiding hi. Huaiban ah Block teng in short term leh long term planning bawl in ZEO ah submit ding ua, ZEO in Directorate ah submit ding hi.

GAMDANG THU

Dhaka khawpi sunga building kichipna thusia in khawvel a lungphawnsak nungin Hifazat-e-Islam pawlte kiphinna in Bangladesh gamsung tokliing gawp nawn hi. Zan a kipan Dhaka khawsung ah hiai pawl apan mi siingtamtak ten Anti-Blasphemy Law kichi Muslim sahkhua musittute tunga thutankhumna dan khauhtak bawl ding deihna a kiphin gawpna lam a police tawh a kibeihna uah mi 14 in sihlawh uhi. Tuhun tanpha in solkal in bangmah ngaihsakna a piak nailouh banah hiai Islam pawlte leader Allama Shah Ahmad Shafi pen lenna zangin sepaihte Dhaka apan Chittagong khawpi ah sepaihte’n tuah khe mah leh mat dan in gen nuam lou uhi. Hiai buaina in daihlam a nawt louh banah tuni’n leng Dhaka khawpi nawl ah Police 2 leh border guard 1 sih beh hi’n a kigen banah, buina enkaitu ding sepaih siing khat leh saang 5 duty lel uhi’n kigen hi.

Malaysia election neihna ah ruling coalition pawl in zawhna tang nawn uhi. Prime minister Najib Rajak makaih Ruling party Barisan Nasional ten seat 133 lak a seat 112 mu in parliament luah dim nawn uhi.

Mitam tak sihna thu ah kigolh hidia muanmawh Beate Zschaepe kichi Munich court ah dinsak in om hi. National Socialist Underground pawl apan member omlai sun hidia gingtak pen in kum 2000 leh 2007 sung in Turkey mi 8, Greek mi 1 leh Police numei khat that hi’n ngawhna om a om banah bomb 2 vei sukpuakna tel in Bank 15 val luhkhe tu a telkha hi dingin leng kigen hi.