UPDATES:

Nisin Thuhiltu - 10 April 2017

Nisin Thuhiltu - 10 April 2017 | via Zogam.com

 

'Meeyamgi Numit' ah date 15 mat hidi: CM Biren Singh

Imphal, April 9: Manipur Chief Minister N. Biren Singh in tuni Reception Function, Khwairamband Keithel ah a thugenna a chun, Manipur ah BJP-led coalition State Government in elected leader leh top bureaucrat te ding ah a lemchangzaw ding gelna thasin (every month) date 15 chu 'Meeyamgi Numit' (People's Day) ah mat ding lemsa a hidan a puang a, date 15 sin leh public in Chief Minister, Minister, Commissioner, Secretary, Deputy Commissioner leh SP te kimupi thei ding, complaints ahiloleh a haksatnau tut thei ding uh a hidan a gen hi. Zia ding a chu tunung sawtlo ah formal official order sua hiding a hidan gen in state government chu mipi te interest ah panla ding ah kipezo mama hin a gen hi. UNC-sponsored economic blockade, Churachandpur issue leh NH-37 issue te chu Chief Minister ding ah a kitiam nung ah ngaikhawk pen te lak ah thil pathum hin a gen a, Churachandpur JAC tawh kihona le a hawilam ah chiatha zel a hidan genkawm in ni tamlo zaw leh sukfel hiding in a gen hi. Imphal-Jiribam highway ah repairing works le kipanta a hidan a gen a, ama mimal tak ah lampi dinmun leh work progress dinmun te tunung sawtlo ah entha ding a hidan a gen hi. Imphal city ah van zawkna mun leh pollution banah traffic buai mun mama na tawh kisai chu MAHUD Minister in sukven theina ding ah panlakna nei zing in a gen a, haksatna um te tunung sawtlo ah sukven ding a hidan a gen hi. Hill district headquarter zosia women's market khat chiat sak hiding a hidan le a vel ah genlatna nei in Prime Minister Narendra Modi mapui Central Government zia women market sakna ding tawh kisai a chu fund le sanctioned zota hin a gen hi. Council of Higher Secondary Education Manipur (COHSEM) nuai ah Class XII examinations ah Physics subject question paper a leaked thu le ngaikhawk mama hin a gen a, independent body in thil umdan khualna nei ding leh a kigawlkha te Government in mawk ah kawilo ding a hidan a gen hi. Hun matna uap MAHUD, Forest and Environment and Horticulture and Soil Conservation Minister Th Shyamkumar in a thugenna a chun Imphal city leh Ima Keithel sukthianthona ding tawh kisai ah numei van zuak te leh public in kithuapina peding in chialna a bawl a, Works, RD&PR, Commerce and Industries, Power and IPR Minister Th. Biswajit in a thugenna a chun, Ima Keithel No.2 & 3 ah repairing works te zaw pai hiding leh Tombisana High School complex ah market ding kisiam le zaw pai hiding in numei van zuak te a thu tiam hi. Zia reception function chu Minister 3 te banah Imphal Municipal Corporation (IMC) Mayor Shri Soram Sunil leh senior women vendor Ch. Ibemnungshi te'n le a uap ui.

meeyamginumit

"Ni Gup Gal" kiti lekhabu hawng

Lamka, April 9: Excel Foundation Academy, HQ Belam Veng ah, Churachandpur ah tuni sûnnung dâk 1:00 in "Ni Gup Gal" (The Six Days War) kiti lekhabu Mangkhuo Gangte in a zik chu hawn in a um hi. Zia hun a chu Joseph Gangte, IRS in Chief Guest hina tawh a uap a lekhabu hawnna nei in, Rev. Mangkhokam Gangte in lekhabu latna a nei hi. Chief Guest Joseph Gangte, IRS in a thugenna a chun,nam sung khantona ding ah a chiakhawm mipi te'n panlak chiat ding a nawp thu gen in, lekhabu hawn ah um chu literature lam ah khantona chi khat a hidan genkawm in lekhabu ziktu pakcha mama a hidan a gen hi. Hun matna uap Dongjakai Gangte, Chief of Hilltown in a thugenna a chun, tuni ah lekhabu kihawng chu Nam a ding ah thil lopi tak hin a gen a, tubân leh lekhabu zik tu'n a zik zawm zel ding a nawp thu a gen hi. Chuleh, Gangte Literature Society hiatpina tawh Gangte pau ah lekhabu zik te'n lekhabu a siam ding uh a nawp thu le taklang in chialna thu a gen hi. Lekhabu ziktu Mangkhuo Gangte in a thugenna a chun, a lekhabu zikna ziak chu Israel te gâldo thiam dan leh Pathian thupiak kipel ngailo a hidan te suklat a nawp ziak ah a zik hin a gen hi. Chuleh, "Ni Gup Gal" (The Six Days War) kiti lekhabu chu a tam theipen in a sim ding uh dawina ziak ah aman tawmcha Rs 80 bep ah chawk thei ding hi'n a gen hi. Lekhabu hawnna hun chu kochuam leh lawiupa chuam chuam mi 200 tuam in le a uap ui.

nigupgal

Pherzawl District Development Committee in CM kimupi
Lamka, April 9: Pherzawl District Development Committee in zani a khan, December 8, 2016 ah Manipur Government in District thak 7 a siamdaw te lak ah khat Pherzawl District sukpitinna ding leh Infrastructure, District Level Officer Posting ding chung chang in Manipur Chief Minister N Biren Singh kiang in Memorandum piakna leh Hmar Thansuapuan silsakna le a nei ui. Chun, Pherzawl District Development Committee Chairman - H.K. Joute, Secretary- L.Thanzam Pulamte, Info. & Public Relations Timothy Z. Zote, Lalhrillien Zote, MDC, Committee Member ten Manipur Chief Minister N Biren Singh tawh kihona le a nei ua, zia hun chu V.Hangkhanlian, Minister, (Agriculture, Vety& Animal & Husbandry, Manipur in le a uap hi. Kihona a nei masang ua Timothy Z. Zote, Chairman, Saikot Sub Division Demand Committee in le Chief Minster kiang ah Saikot Sub Division siamdawna ding tawh kisai ah memorandum piakna nei in a kigen a, Chief Minister in etzui hiding ah thutiam bawl in a kigen hi. Chuleh, Pherzawl District chu Government of Manipur, Secretariat, Rvenue Department's Order No. 16/11/2015-R dated 28/1/2017 dungzui ah DDO Code No. 0227014 piak thak ah um in le a kigen hi.

Parking Lot ah puang
Imphal, April 9: Commissioner (Transport), Govt. of Manipur vide U.O. No. 1/2/Com(Tpt)/2016 dt. 5th April, 2017 ah hiatsakna a bawl dungzui in H. Rosita, Director of Transport, Manipur in u/s 117 of the M.V.Act, 1988 nuai ah thuneina kipia mang in Nagamapal- Naga Nallah leh Khuyathong -Maharani Bridge kikal ah mun awng chu LMVs, Two Wheelers & Three Wheelers te ding ah " PARKING LOT in a puang hi.

Pocket Size Bible
Lamka, April 9: Vaiphei pau ah kizik Thuthung thak Bible (pocket size) ki siamthak dawite'n KSP office Tuibuang ah muthei ding ahi. Aman Bu khat ah Rs 90/- a hi.
Gospel Concert
Lamka, April 9: Laizon Lom saina' a hung tung ding 29th April 2017 leh famta (L) Demmang Haokip, Chief of DM Veng banah Ex-Vice Chairman, ADC Churachandpur hiat zingna ding ah Gospel Concert um ding ti a hi. Zia hun a chu, Mangcha & Hechin of Gangpijang , Lhainei, of Buite Veng CCPur , Esther Sitlhou, of Leimakhong, Naemy of Mongbung, Neicy of Canan Veng, CCPur, Hengkot Male Voice, CCPur, Manglun Haokip leh Kim Mongbung te'n Live ah perform bawl ding a hiu a, Mr David Kakap, Rock Guitarist in Live ah music bawl ding ti a hi. Chuleh, chial ah um Heritage Academy students te'n le perform ding a hidan uh Artist incharge, Concert Comt. Laizon Lom in a taklang hi.

Bandh, blockade ziak ah kum 2016-17 sung ah Manipur in Rs 2,616.23 cr mansua
Imphal, April 9: Manipur Press Club, Imphal ah tuni Hermontlang village, Churachandpur district mi social researcher Serto Tondana Kom in survey report a taklatna a chun, Manipur ah March 31 tiang ah bandh, general strike leheconomic blockade te ziak ah kum 2016 leh 2017 sung ah Rs 2,616.23 crore loss um in a gen a, state sung ah bandh, general strike leh economic blockade um mun mama na chung ah manna (loss) nasatak um in a gen hi. Serto Tondana Kom in kum 2015 a pat independent survey a bawlna tawh kisai report a taklat zing sek a hi. Kom in bandh, general strike leh economic blockade tte ziak ah kum 2016 sung ah estimated economic loss Rs 1,672.9 crore tung in a gen a, kum 2017 ah March 31 tiang ah Rs 943.33 crore loss um zo in a gen hi. Zia a hun kipia sung ah Manipur in ni 116 bandh or general strike maitua leh economic blockade 103 days banah ni 11 bandhs leh general strike leh economic blockade ni 76 sung maitua hin a gen hi.

TULAI THIAMNA MANGA PAWIKHAWINA LAK AH CHINGTHEI IN
REV. K. LALA
Tulai Computer khawvelah I umtak ziakun a ki hiat langsal penchu; Computera midang pawikhawina (Cyber Crime) chungchang hi a hi ta. Zia hin a neitu phalna le hilova Computer leh Internet mangah thu leh thil lem thawtdawte, midangte minsiattheina dingah thu thedalte, lekha pawimaw (data) suk danglam piakte, gukdaw ah suksiat piakte zosia hi a huap hi.
Chun facebook manga thilhun thawt ding ka hin ka hun thawt theina ding in paisa hun thawt masa'n aw ti tawbangte hi kithepna'n mi khenkhat in amang sek tau a. Chitthei angai ta a hi. Zawlnei Danial in a genlawkna hun nunung a hiatna a pun ding thute ituak pan tau a hi(Danial 12:4). Hun tawp a nai ta, thiamna manga ithilbawlteu zosia hung kilang ding a hingala. Zia ziak achun midangte pawikhawitu hilo in m8idangte panpitu hizawk ding itup zawk diu a hi.

Dangka sum ngainat takluat ziaka midang hinkhua suksiata, hinna lakpiak dante lakah zu chawpawl dawnsakte lau um dan; America gam ah zudawn ziaka kumsin in mi nuai khat (1,00,000) vel thisek a hiu a. Tulathatte za a 66 chu zu ziak a hi.pawngsual za zel ah 50 leh gukcvhatziak za zel ah 70 chu zu ziak a hi. Kum 16 a pat 24 kikal mite thina tampen le zu khamziaka motor tuaksiat ziak a hi.

Mithiamte sutdan inzudawn mite za zel a 20 chun a ziteu chungah khut thak a ching un, za zel ah 40 te chun kilawm lotak in aziteu a hank hum sek ui. Tangval khat khailup ding pa chun "zu dawn hi a khawkpuai la tiu maw) zu no tin a hin khailupna ding khauhual a um ah, nun setakin ei siama, tual ei thasak a.Zu a hin thina a um hi. Ka gawl khailupna ding khauhual hi zu ziak a hi a ti a hi.zukham mang te hi Bible in vangam kailona di a gente lak ah pang a hi. (I Korinth 6:10) kuate a hiu em lungngai sekte, kuate a hiu em thubuai neisek te kuate a hiu em a ziak umlo ah liamna tuaksekte zu chawpawl dawnsekte a hi sek ui(Thuching 23 : 29-30) ti in.

SETAN MATCHAK MIHINGTE MELMA ZU;
Mithiam minthang H.W Gibson in a lekha ziak dan a chun zu hin a hi dan a kigendan a chu; "History a pawikhawitu lianpen ka hi'n khawvel ah kidona thugosia sanga tamzaw kathat ta'n, mi ka hisia'n inkuan tamtak sulung ngaitu ka hi'n khanglai tamak kinepna bei ah siamtu kka hi'n, mi tamtak lamsuk lamto zawt saktu ka hi'n, miching hingawltu ka hi'n hinkhua tamtak ka hisia'n hisiat zelle ka thiltup pen a hi'n ka min chu zu a hi ti'n a ziak a hi.
Zu chu mibanglo a ha siamtu a hin, nupa'n kikhensaktu leh chaga siamtu le a hi. Ziaziak a chun Setan in thiamna manga mite pawi akhawi dan henailote'n hiatchianna phapen a hi. A la chingkha te'n le sim in, a ching khanailo te'n le patep keilo ding a hi. (thuching 20:1) " uain hi nuizabuk a eisiamtu a hi'n zupi hi kisualzakna a hin, zia thepah umte chu mipil hilo a hiu" ti hi changvawp in nei leu hen phana.

PAIKHAWINA LAKAH CHINGTHEI IN
Thiamgau lemte lak ah chingthei in; zia chu belam vun sil in la kiangua a hung sekua, a sunglam u bo chu ngeigawlsan tawbang a hiu.9Mathai 7:15).

Tuanthu pakhat kigen sek a um ah, khatvei chu nngei khat hi belam hawn lakin a ta, amau haw nekgua keilo in a tave a, Belampu'n le a tillama chun a entha zinga . Ngei chun nithum sung tiang in le belamte khat chale ne keilo in a um a. Belampu'n le a belam te venpitu khat in a ngaita mai a. Nikhat chu belam pu'n inlama chiana ding khat aneita mai a. Nikhat chu Zia phat a chun ngei kianga chun a belamte chu a nusia ta, Belampu a chiamang zo phat a chun Ngei chun hun lemchang phapen mu in a kiheta, Belamte chu a pet ah, a neta, Belam hawnte chu a taizak tau a. Belampu a hung kit phat in ngei chu a taimang ta, ti hi.

Belam vun silte lak ahin, chitthei angai takzet a hi. Thugentu khenkhat te hin Pathian thu a chiapi danteu danglam beklo ah kilang in a gen thei sek ua, numei khenkhat te'n thagau nei mama gualin angai bai sekua, umna kochuam pawtsan nawpna hial nei thei a hi.
Tulai thiam,na nei chi chuam chuam taksa hiselnna susiathei bep lungthim hibuai thei lamdiklova eipui mangthai theite lak ah mi ginum tak ding ah ingaite lak in chitthei angai takzet ta a hi. "La umdan di chu Lalpa chungah nga'n la; a ma chu ging in la, ama'n hi siksek na'n a'(Sam 37:5) A men.