UPDATES:

GINTAKHUAI VEK KEI

GINTAKHUAI VEK KEI:

Written by Vungzamuan Valte, Columnist Zogam.com

vungzamuan valte new
A zei leh Zeilou:
1. Dawood Ibrahim, India government adia melma lianpen zei mahmah, manmoh hial uhi; CBI Director, Ranjit Sinha a zeilouh ziakin ui-ekkhu mah bang!
2. Election hunin a zeite mah sum sengvaklou in chinghiau zel ua; a zeilou te`n tampipi leiba toh, chinlouh toh ekteh tut hner hnur uhi.
3. Politician kisa a election tuh mawkmawk om hamtang uhi; a zei te kizukkik ua sum luak toih sek uhi; a zeiloute makhai hilai dere kisuah uhi (sungte vote kia khong mu).
4. Nekguk zeite`n sum omlouhna ah huih apat dikkhe thei ua; a zeilou te`n amai ua om gegu mangsak thithe uhi.
5. Nungjuihna lam azeite` bosspa sangin chettheizaw ua; a zeiloute bel sihngam in ginomna toh zuausuak veve uhi.
6. P.A. zei vanglak te`n bosspa theilouh in sum muhna ding na tampi sem ua; a zeilou te`n bosspa athawn in vakthau uhi.
7. Nungak a zeite`n tangval teng kingaisak thei ua; a zeilou te`n khat leng simoh mahmah uhi.
8. Tangval a zei vanglak te`n nungak kop neunou thei ua; a zeilou te`n khatzong mumoh hiai ua, amuh sunsun uh khahsuah zawsop uhi.
9. Nupi a zei vanglak te`n ngaihzawng neithei mahmah ua buaise lou uhi; a zeilou vanglak te`n ngaizawng loupi tung ah minsia uhi.
10. Papi a zei vanglak te`n buaiselou in nungak nou thuzoh thei ua, ngaihzawng neithei mahmah uhi; a zeilou te bel khaitawn zenpi in minsiak tuak uhi.
11. Tuailai pawl a azei vanglakte kum 40 nungin minthang semsem ua; a zeilou vanglakte tuaidawnlai nangawn in kihum chuih chuih uhi.
12. Nungak a zei khavanglak te`n sawmvei zavei minsiat pih louhial ua; a zeilou te`n zankhat thil le hilou minsiat pih uhi.
13. Belsuan khuk zei vanglak te`n tampipi suangsawn thei ua; a zeilou te`n bawsak peihpuih se, suangsui buk nuam chitchiat uhi.
14. Numei sing lak a zei vanglak te`n ngahpah ziau ua; a zeilou vanglak te`n sunkhua in zong tom ngah zoulou ua, kisuan moh hial lai uhi.
15. Numei sing-ek zei vanglak te`n zoupah zungzung ua; a zeilou vanglak te`n veihteh zenin ek mah le uh, ek neen neng nung leltak uhi.
16. Numei kichei zei vanglakte kilawm pahpah ua; a zeilou vanglakte a kichei chei hang un kahngaibawmpi mah bang veve uhi.
17. Tu, hei, tem, singnawtna, singatna...zatdan a zei vanglak te`n tawldamtak in hih ziauziau lel ua; a zeilou vanglakte`ekteh zen a apan hang un kisuliam neng nung zawsop uhi.
18. Gari apat pawtkhian dan a zei vanglakte kilawmtak in pawtkhe hiau thei ua; a zeilou vanglakte bangteng toh tuakkhe lumlum khanak uhi.
19. Laisim dan a zei khavanglak te tawldamtak in pangthei ua; a zeilou vanglakte kikou kongkong zenin pang mah le uh phatuam diak lou hi.
20. A zei te`n tempaina lam thei ua boh pah thithit uhi; a zeilou te`n teknung vuainung nasan in a tempaina lam uh hamhaih laitel uhi.
21. Exam chia a zei te`n a poimoh masate dawngpah thithit thei ua; a zeilou vanglak te`n a theilouhpi uh sual nilouh sek uhi.
22. News paper simdan zeite`n a poimohte sim masa ua; a zeilou te`n nileng leng in sim sim uhi.
23. Zu dawn dan zei te`n taksa damna dingin dawn thei ua; a zeilou te`n sihna dingin dawn uhi.
24. Nungak heel zei vanglak te`n atuihang hawp kawmthei ua; a zeilou vanglak te`n khetbuk tuak uhi.
25. Siamgan zei vanglak te`n ki-gan gai hial thei ua; a zeilou vanglak te`n kawngna veithawn leltak uhi.
26. A zei vanglakte nekzonna lam ah zulhnau kawmpi in saptuam upa orden kaiziau uhi; a zeilou vanglakte bel, phun numnum kawm in sum kisengthawn chichi ua, primary ah kesuk zel uhi.
27. A zei vanglak in election lai a alangte sawkthei veve a, tuitum mahmah thei hi; a zeilou laklohte bel kimelma den, mu peih lou, zak zong za peihlou chilai dep.
28. A zei vanglak te`n a veihsan` teng uh midang ngohzou hithet uhi; a zeilou lakloh te`n miveihsan teng amoh kipuak uhi.
29. A zei vanglak te`n theihgegu in mikhemzou uhi; a zeilou lakloh te`n a siamtanna uh leh a dikna nasan uh genmoh kikei uhi.
30. A zei vanglak te`n zuaugen in nekzong theihial uhi; a zeilou laklohte zuaugentu a ngoh in om zihzeh uhi.
31. Wa-nom-bah bawldan zei vanglak te`n boss te hehlai zong nuisak siusiau thei uhi; a zeilou vanglak te`n mi lungkimtak aom hithiat lai mei-am bangsak thei zouzen uhi.
32. A zei vanglak te`n mi sum neksak kawm in nuihmai toh paikiksak thei uhi; a zeilou vanglak te`n sum neloupi in zong mi thengpai bongbong kawmin paisak khanak uhi.
33. A zei vanglak te`n vanzuak khotlouh chih neilou uhi; a zeilou vanglate bel ekzuak mah bang.
34. A zei vanglak te`n pulpit leh mipi mai ah maingal un khabesep siam mahmah uhi; a zeilou vanglakte bel tate birthday nasan ah adinkhiak leh gending teng bei, lengmang hiau.
35. A zei vanglak te`n gari nuamtakin hek hanhan ua; a zeilou vanglak te`n kumsawm hek le u`zong kitawm bobouh, khaw-ul kai phung in hek veve uhi, zite tuanngamlohna chihmahtak.
36. A zei vanglak te`n kamkei banga hehbaih zong bengdai pahpah uhi; a zeilou vanglak in bel hehna tokthou semsem, table top kitam phenphung, tutna leng, kongkhak puakdum, vanztlai leng.. chihdan tam.
37. A zei vanglak te`n saguh, savun, saseh, sasat ahiding dan chetchet in nuamtakin aat duamduam, sat taihtaih, hawk duamduam uhi; a zeilou vanglak in sat-thaang nengnung, kek nemnum, sathem belhkawm lemlum, tawl zawmah. Eh! Na sasemdan diklou chia kinakna suakthei hi.
38. A zei vanglak te`n bus nuamtakin boh chetchet thei uhi; a zeilou vangkakte bel leivui baak ek himai.
39. A zei vanglak te`n zite hehtongkhong zong thoidam pahpah uhi; a zeilou vanglak in bel nawkiksak thithe, sap sap ngai dingin.
40. A zei vanglakte neilou deuh danin om khelkhal thei uhi; a zeilou vanglakte bel a neipen bangmai in pau zungzung uhi, mi theihlouh khak ding bang laulawtel maimah, show suk ziahziah lel.
KHAIH! ZEI LAM LE KINEILOU A MAIMAH KA!!!!

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING