UPDATES:

S5 Box

ZOGAM.COM Login

Ka Gelh Utlouhte Ngen - II

vl mangzou“Nang kha na mit hatlou hilou inchin na bil hatlou eivoi. Huaiziak a mi’ lasak khawng gamsa ham bangmai a za na hih chu. Mitbelh na bulh sang in bilbah bat zaw ve. Newspaper a gelh sese di chihna hilou eihkha.” - Suanlyan Tungnung

Gelh utlouh ka hauhluat ziak a bangtan hiam ka khawl vangvang nung, zanlam a ka gelh utlouhte ngen ka hon gelh leh gelh utlouh ahong tam deuhdeuh ka chi. Ahimhim in, ka bil hoihkei tawp leleng bilbah hial zaw ka bat utkei, ka bat-uih kha di, zungbuh bang leng kibun-uih mai hi’nchin. Zi ka neihdek a Imphal bazaar a vak in, saipi omna lak khawng ah kitenna zungbuh ding ka va zong hi. Sanatui a luan (gold coated) kei a ding Rs. 50 a lei, ka zi a ding Rs. 30 man lei. Mi’n amuh chiang ua nalh sak-a-sa uh, “Koi a na bawlsak uh a, tam abei mah di maw?” khawng hon chi unchin, ke’n houh ‘5000 tuak chauh bei’ chi zawmah. Kiten nung kar 1 hiam a mual gai, vom gawp.

U Sangrual in U Hnunlian, “Hnuna, Hnuna” chi a samsam inchin, atawp a, “Khua a zakei rengreng” chi hiveh aw, ahitak a lah, aman U Hnunlian in a dawn lam zakiklou hizenpi. Huchidan type deuh a, kei’ bil hoihlouh ziak mah zaw hiding aka, mi’n nalh asak uh, siam asak mahmah uh la leh tumging khawng nalh ka saklouh. La leh tumging a lunglut mahmah khat ka hi a, lasak siamte leh tumging tumsiamte ka ngaisang in a tanchinte uh ka sim ut mahmah vanglak hi. Newspaper ka et chiang in leng milar (celebrity) te’ hinkhua leh hunzatdan kigelhna ka sim pahpah sek hi. Zanlam a ka gelhna ah, mi khenkhat in music tawh kisai a kipahpih kholkei uh chih thei mah le’ng kisiamtan ka sawmlouh ziak in gelhbehluat a ngaikei. Hileleng, ka thugelh ziak a facebook a hot topic khat apian ka kipak himhim hi. Aziak chu, heavy metal leh rock music khawng mi tamtakte’ muhdan leh, etdan tamtak lak a khat (another point of view) ka hon taklat kha, midang’ ngaihdan (angle dang) tawh a kibatlouh ziak lel ahi chih a langsak hi.

Kum 1993 in Singngat-te’n manta kihau mahmah hi. Ka u-te tawh manta paw ding in ka kuan sek ua, tamlaw mahmah ahihman in kikhong zoulou sim hi. Kou bel, a nei masa lam ka hih ziak un, Ngaipi in hon laksak teitei a Kg 40 val i puak leleng Rs. 13:50p khawng ki lawhzou hamham hi. Huchibang a khatvei, manta pua a ka kuan un numei khat ka tuakkha ua, a vanpuak a thungluat ziak in ka U Hnun in, “ Adim talou hia?” ana chi a ka nuih a zalua hi. Ngaihtuah himhim dih uh ‘adim talou’, gendan diklou hi na inchin op-a-awm hiveh aw. A seng neu in lian taleh, adim chu ta awmtak. A van tawmlua hiam, a pawtu’n adim a paw utlou chu hi peuhmah ding hi.

Kuki Students Organization, General Headquarters (KSO, GHQ) in zanzek a ahon phorhkhiak uh police lakna a thilsaidan leh singtangmite’ tanvou mun-awngte hukdimdan ding tawh kisai (police recruitment process, ST quota and backlog), sawtlam deuh apat ka lawmte khat tawh ka na houlim kha ngei uhi. Lakthakna (recruitment) kia ah hilou in kaisanna (promotion) tungtang ah leng huai haksatnate kituaktou vek ahi chih heutute’n ahon phawkbeh uh deihhuai a, huai ding a leng pan ahon lak uh deihhuai hi. Ban ah, police kia hilou in department dangdang ah leng huai haksatnate omtham ding in ka ngaihtuah hi. Hiaite kha nambing khat kia’ thiltuah hilou, singtangmi tengteng sukha thil (tribal interest/issue) ahihman in (KSO a neulua ka chihna hilou in) All Tribal…… level lampang in paizaw thei leh hiai sang in kongrou a su (effective) zaw diam? chih in om hi.

Bangteng hileh, KSO in hiai tan a pan ahon lakna uh kipahpih-huai mahmah a, thildang leng ahon saitouh zel uh lamet-huai hi. Hiai santak ah i ngaihtuah tel ding ua poimawh mahmah chu Singtangmite, mun-awng hudim zou ding a siamna nei ki-omlou taktak mah hia, huai mun-awngte a adim kitalou hia? chih eihchu. Kei ka siam ka chihna hi hetlou in, semtu tamtak chu siamlou deuh mah ki hi eive. Police Constable chiang bangleng matriculate post ahita a, huchi hinapi in, BA/B.Sc./MA tanpha i lut ua, constable kia hilou officer a lutte tanpha leng joining report, leave letter na-ngon gelh theilou bulom peuh i hi uhi. Kumteng in Board tuamtuam a exam-nate ah tampipi i pass ua, pass ah i lungkim ua rank/list of awardee ngahzou ding khop in i bei kei ua, siamna taktak i delh kei uh. Laisiam tamna district a om hang a tukum (2013) BSEM result a top 25 a khat leng tellou chih kha! Siamna Taktak poimawh hang.

Internet zang a shout box leh facebook khawng a chiakchiak te’n bel nick/fake ID chihte i thei mahmah ding uh. Newspaper kia simte khualna in gen lehang, minkhem zang leh mahni hihna sel a thugelh chingte himai uh a, mi khat in leng huchibang minkhem 3/4 neihtheih hi. Huchibang a minkhem 3/4 nei leng tamtak om ding un gintak-huai hi. Atangpi in huchibang te’n thusia khat hon phoukhia ua, mindang zang in amau mah in mawhpaih ua, selbuai ua, amah kia hinapi min tuamtuam zang in kina a (ua), huchi a midangte lawh in thubuai lianpi hon piangsak sek uhi. Ka gen dek na thei uhia? Etsakna dang – Mou in a tekpi nawkik di’n a sawl dia hia? Mi’ gam a teng hang a agam neitute hawlkhiak sawm chih omthei di’n ka gingta kei. Tekpi a lungsim asiatviau in chu, ‘ka mou in pai di’n ahon sawl’ chi in zuau a phuahtawm thei. Facebook leh Shout Box khawng a minkhem zang teltulte bangmai a, thusia khat vawkkhia a, huai mah mawhpaih khempeuh a kim-le-kiangte supatau pawl om ahi diam? chih ngaihtuahna ah omthei veh aw.

Ka thugelhte theisiamlou tamtak a om uh chih ka thei a, theisiam kisalua a akawklouh ding tantan kawksak leng a bei tuankei uhi. Thu khat ka hon vawkkhiak chiang in, dik hi a ka pomsa simtute hon pumvalhsak sawm teitei ka hikei a, keimah ngaihdan leh mivantang’ lak a leng huchibang ngaihdan nei om ding ua ka gintakte hon gelh ka hizaw hi. Huaiziak in, soiselna a om ding mah ahi a, hoihlua, siamlua, nalhlua chihte ka pahtakpen ahi teuhkei. Thugelh i sim apat in, ngaihdan i neih leh kum in, gelhtei in, phoukhetei zel lehang deihhuai hi. Huai ah, kuamah mimal in dem kei in, athu pen kina henla, a gelhtute bel kina kei lehang i gam/nam in masawn ding in ka gingta hi. Laigelhtu i tawm uh. Bangziak? Gelh ut-te gelhngam huailou, gelh utlouhte ngen gelh ngaisek hiven! A theisiamte’n k’on thupi tel apat in leng ka gen ut na man mai ding uh, a thupi na et lel un leng thuthaksaite leh laigelhmite’ zalen louhdan na ngaihtuahna uah a lutngal voi.

From This Moment On chih, Shania Twain’ la kha ka kitenna video ua unaunu Veronica Nianglunmawi in hon thunsak inchin, ke’n nalh salua. May 11, 2013 in moulopna khat ah ka va hawhkha a, tulai a eimite’ lak a lasak siam a lar tuak, Nemmuankim leh Muan Hangzo in hiai la hon duet taktak u’chu fuh ther-ther tak hiveh e. Lungsim taktak a kisak khum himai un leng ka na thei ka chi (ehem!). Pathian thugen siamte’n i pianthakna la, i kimuhsuahna bible chang chihte khawng kisuk-hatthak(refresh) na dia sak/sim zelzel ding a chih uh bangdeuh in, hiai la hi nu-pa hinkhua a ki-itna hatsak zel na di’n hoih mahmah hi. Khenkhatte’n love song naran dan in ngaihtuah mahle uh ke’n bel thupi ka sa mahmah hi, a kipiakkhiakna thute. Huaiziak in hiai la ka hon taklang ding.

From this moment on
(I do swear that I’ll always be there
I’d give anything and everything and I will always care
Through weakness and strength, happiness and sorrow, for better for worse
I will love you with every breath of my heart)

From this moment, life has begun
From this moment, you are the one
Right beside you is where I belong
From this moment on

From this moment, I have been blessed
I’ll live only for your happiness
And for your love I’d keep my last breath
From this moment on

I give my hand to you with all my heart
I can’t wait to live my life with you
I can’t wait to start
You and I will never be apart
My dreams came true because of you

From this moment, as long as I live
I will love you, I promise you this
There is nothing, I wouldn’t give
From this moment on

You’re the reason I believe in love
And you’re the answer to my prayers from up above
All we need is just the two of us
My dreams came true because of you

From this moment, as long as I live
I will love you, I promise you this
There is nothing, I wouldn’t give
From this moment, I will love you
As long as I live, From This Moment On

Mihingte’ adi’n nu leh pa a kineih ni apat i hinkhua taktak kipan ana hi ngut a, himahleh, mi tamtakte’n bel zi leh pasal a i kineih apat i ki-itna i khahsuah zawsop uhi. Nungak-tangval lai a kingai mahmah, vakhu nupa bang a kizuiden, ahihziak a kiten hial chiang a bangtan mah daihlou kitam mahmah hi. ‘Sintanpha in aw’ bang chimun zawzen, kineih chiang a kum 1 leng daihlou chih ding om mawk hi. Hiai hi ka ngaihtuah chiang in i nungak-tangval lai a i hoihna ngen i kilak (show) ziak uh ahi diam ka chi hi. Aziak chu, i hong kiten a, niteng/hunteng a i hong omkhawm chiang a, i hihna taktak, i mize diktak hong kitheichian hang a, a kituakloupi peuh ana kihikha sek. Huaiziak in, tumlam gamte’ chiindan houh hoihpi abatna om hi. Amau bel nungak-tangval lai in leng a kingaite chu tengkhawm (living together) mai ua, ta 2/3 a neihnung khawng un, ‘kituak hang e, eigel ding mah hi hang e’ a kichih chiang un kiteng pan uhi. A hoihlouhna bel tam, ‘a neulai in a nu-leh-pa a kikhen uh’ chih ding tamlua.

Eiloi, i nungak-tangval sung a kitheipawh mahmah lou, veih neilou bangmai a om ze-za, i hong kiten a, i hong kitheihchet taktak chiang a lah ‘hichi ding hon sa le ing zaw’ kichi phing maimah. Huaiziak in, nungak-tangval sung a leng kitheihpawh deuh a, veih khawng bangleng kisankhum tuartuar ding dan ana hi, eihkha. Khaih, hiai khawng zaw ke’n leng ka zawhlouh ngen ahi a, ka gelh utlouh ngen k’on gelh maimai hi.

©mangzouvl/May 24, 2013

COMMENT (2) PHA TA..  
  •  
  •  

#2#2 aihnake » 2013-08-16 13:50

Nuam pan pan eih delhi zomi te kampau le, abana ding ngak lah huai eih Ka Gelh Utlouhte Ngen - III

  •  
  •  

#1#1 vanlalrocket » 2013-08-07 17:23

http://www.youtube.com/watch?v=Bj085H4BzXc

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING