UPDATES:

S5 Box

ZOGAM.COM Login

Numeite panlakna leh Numeite adia chouna (challenges)

Numeite panlakna leh Numeite adia chouna (challenges)

By Ninglun Hanghal

ninglunhanghal

Manipur singtang gam a dia district lian pen leh progressive pen Churachandpur district a teeng mipi te august 31 ni apat ni nih/ni thum sung veel diing meikuang huu in hon tuam a . Patau daak te ging veng vung in , sepaih te'n thau kap a hon thuk pah ngal in, mi kua te'n a hinna uh ana taan loh uh hi. Adiak in district headquarter Lamka a teeng te niteng hun zat na leh paidan hon su buai in hon lung buai sak mah mah hi.

A ni thum ni veel apan in Numei te , adiak in Nupi te hong ki pan in "situation under control" in hon koih thei uh hi. Hiai peen nupi/numei te jiak hilou ahi chi lou i om diing un agin huai kei. Pahtaak na kam pau , thu leh la te in numei te leh nupi te nasa tak in ki pahtawi/kipah pih in om hong om uh.

State solkal in assembly a passed uh Bill thum te deih lou chi in Numeite/nupi te'n hon tang kou pih in "separate administration" chih kam mal/ kam pau tan bang hon ki kou pih ta uh hi. Mipi in ki pak ta mah hiin in ka thei, adiak in mun dang a om te leh, numeite panlaak na solidarity hong luut te in nasa tak in agaal a te leh a mun a te adding in inspiration a hong hi ahi.

Nuakna/dharna leh protest te ki sunzom tou zeel in, Numei teng teng pang in a diak in Zomi Mothers Association, Hmar Women Association, Kuki Women's Union leh Mizo People's Council ( women wing) te makaih na in systematic tak in ki sun zom tou zel hi. Creative tak tak, torch rally, human-chain chih te bang hon pan khia uh. Hiai te khong amun a om te sang mah in a gaal aom te hon su tha thou sak mahmah. A thum na ate uh leeng manghilh di vual ahi kei.

Motivation nasatak, "political awakening" chi khat hong om in mipi nautang bang i vek pi in 'pangkhawm' in chik mah a om thei lou leh om ngei lou dia I ngaihtuah, 'unity' nasa tak om in political revolution hong om thei ding bang in ki lang hi. Manipur singtang gam mipi te bang political voice khat in luang khom thei kei mah le hang , solidarity leh ki unau na khat hong piang thei hi. Hiai unity peen political hi sese lou in emotional unity leh emotional integrity gen na ahi.

Himah leh, khakhat bang a hong val ta a, mipite ki gim chiat in , impatient leh stress hong om ta. Banah, saupi gen ngai lou in I theihsa vek bang in "heutute" resignation in honsu liing in , Bill thum te leh 'separate administration' demand movement chih te sang mah a nasa zo in hon su lung liap hi.

Hiai ah nasa tak in "numeite" chih kam mal, muhsit na leh, demna ngen ahong hi ta. Numei te panlaka na leh gamtat na tung tang a ngaih dan , ka na zak dan in chi nih a om hiin a muh theih. Khen khat ten numei bang zah hiam te'n "heutute resignation" tung taang a phut na uh a paitouh pih uh support bang in kilang a, huai lou a dang te'n hiai numei pawl te phuut touh pen dik sa lou uh hi.

Khen khat in numei te'n resignation phuut luih sawm pen uh "social reformation' chi dan in hoih sa mah mah a bang uh hi. Ahi a "reformation" chi khat zo ahi mah hi. Hiai 'resignation' phut luih sawm te , a khen te gen dan in amau a suak hi lou in, a taw sawn om hi dan in gen uhi. Himah leh numei te peen a mau ngaihtuah na nei thei lou, amau a pan asuak hilou diing hial a koih pen a dik tuan kei zel ding.

Ahi a , Bill thum te deih louh na leh, separate administration demand na tel in, Numei te poimohna , panlaak nate ki gen non lou, phet lou in ki gen kha ngei lou hi. "Numei te mah mah " chih pen kigen gen mah leh, chiam nuih bawlna , kou na leh sim mawh na lam ngen in ki kawk hi.

Amatawng a pang in hun sawt pi ana pang ta uh. A panlaak na te uh recognized leh acknowledge ding ahi. Hu chi leh movement peen haat zaw sem in maban ah thil hoih tam pi hon tun thei diing hi. Numei te , ZMA , HWA, KWU, MPC( women wing) te'n tutung a thil tung te "opportunity' a la in , hun hong pai zel diing ah , numei te adiing in awakenening hoih tak leh kal suan na a hat sak zawk sem diing ahi. Maban ah leeng hiai sang mah in chouna ( challenges ) a hong om diing. Numei te'n mimal kaal leh, pawl tuam tuam kal hiam a thil tung te jiak in lung ke mai lou in , maban ah kal suan zel in pan hon la thak uh hen.

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING