BOYCOTT PUANKHUM, I DINNA LAI LEH MABAN - II

User Rating: 0 / 5

Star InactiveStar InactiveStar InactiveStar InactiveStar Inactive
 

Sutzopna...

BOYCOTT PUANKHUM, I DINNA LAI LEH MABAN - II
- Upa Chinsum
This email address is being protected from spambots. You need JavaScript enabled to view it.

upanchinsun

"I nget ding bangbang, I lungkimna tan I gen zawh chiang in Manipur tribal min hilou in Jesu min in 'Amen' chi ni. Ama'n ka min in Pa kiang ah ngen un chi hi.... Tu in limlang a ki-en bang lel in I thilnget uh I mu milmial ua, denchiang in bel a tak in I hinpih ta ding uhi. Hiai I thilnget uah hiai thil thumte a omden ding hi: Ginna, Lametna leh Itna. Hiaite lak a a thupi pen Itna ahi. Ki-it tuah chiat ni." – Pastor Thangrawnlian

Manipur assembly house a Dan bawl pawlte adi'n special session nisim 31.08.2015 in sap-in a om, Speaker-pu in Bill 3te hihsuk mialmial in minit tawmcik sung in a zawhpih, cih I theihdan tangpi uh ahi. Bill passed lai a omkha MLA khat in thuthak saite kianga a gen: The three bills were passed in all of six minutes without any discussion. "The first was introduced at 11.38am and passed at 11.40am, the second was passed at 11.43am and the third at 11.44am," said Samuel Rishom, who had been elected from Ukhrul. Further, he said, they were told in advance not to raise any questions. "We said we wanted to raise a point of order which is our right but this was not allowed by the Speaker," he added. - The Telegraph (May 21, 2016 issue). Eheu!

3 Bills tawh kisai gen leh sak hong-om vingveng, Ningombam Bupenda Meitei in a dotna, Press Secretary to the President of India, Rashtrapati Bhavan, New Delhi (Shri Venu Rajamony) in nisim 20.06.2016 in dawnna hibang pia: "...only one Bill i.e. The Protection of Manipur Peoples Bill, 2015 passed by the Manipur Legislative Assembly was received in the Rashtrapati Bhavan from Ministry of Home Affairs. On the recommendations of Home Minister, the President has withheld the assent to the Bill on 11.05.2016. No other bill of Manipur Legislative Assembly has been received." Muanhuaitak apan thu kiza dan in, President of India in a hentaang (withheld) Bill, leh Bill dang nihte Dansiam (legal and constitutional experts) te veelchet-thak di'n Phualpi solkar (MHA) in State solkar ah Nilaini, 08.06.2016 in thonkik zou, cih ahi. Wow & Ebenezer!

Bill thak introduce diing tawh kisai Dansiamte'n ahon veelchet ciang un a sukkhak di mite (stakeholders) hon dong khial kei diing uh cih kinephuai. Tua hun a a tot teitei diing, India Danbupi a tuang linlen tuh Hill Areas Committee (HAC, singtangmi MLA teng telna) ahi. Nikum August 31 a Manipur Assembly in Bill 3 te a passed, Special session a puaklut ahihma in stakeholder teng dot (consult) masak ahi kei, Assembly house a Speaker in a luikhiak hun in zong deih leh deihlouh, pom leh pomlouh tungtang kinialna di (debate) hun hon ahikei, cih te kiphinna a I pansan, phualpi solkar zaktheih lam point khenkhat ahi. Hicitan hon makaihtu TOUPA hi.

Tu in le'ng, Phaijang mite a fel viau uh leh, Bill thak introduce diing draft proposal HAC kiang a tung hak kei maithei. Tua hitaleh, I deihdan tak uh bang ahia? HAC tha piak hun, henna khau om ahihtak leh le phel hun (general amnesty puan hun) amai dia'm? JAC-ATB, ATML, MTFD or Numei pawl ci'a, i ut ciat uh kiban gensiak sang a genkhetu or vawksuah di deuh bang omtuam a, a kinusia/ ensan omlou a thu kikup, geelkhawm hunta ahi, lawm. Tuntupna/ Louma kikhat, Phaijangmite kipahna di lel a ei-le-ei kikalh khak cilcel theih ahihmanin.

I buaina political issue, gam leh leitang thu ahi, I ci. Tua I cih rualrual in pawl cih, viz. JAC-ATB, ATSUM, MTFD, ATML or Numei pawl in I gen theih ciat khat a om - SoO group te tawh kihouna nei mengmeng di'a Solkar nawh (pressure piak). Amaute Manipur singtanggam huam political demand I neih maphutu, solkar theihpih leh pom pawlpi hong hiphot uh hive'n! Talk or dialogue a party hiphalou leh Forum a lut banloute'n I mazawn ciat I kigensiak, I kinol siak mawk un thil pai didan nawngkai sak dekdek, Matthai 12: 25 a Jesu Khrist kammal, "Every kingdom divided against itself is brought to desolation, and every city or house divided against itself will not stand" diksaktu a pang simsim houh I dia'm, hon cisak hi.

Hiai I gen kawm in, JAC-ATB, ATSUM, MTFD, ATML, Numei Pawl leh mipi te hih di omlou ci bel hi zenzen lou I hi. Tua pawl I gente'n mipi tawh pilvangtaka kal suan a, thu vek a I gamtat ciang in solkar tawh kidawlpha ciang I heutute tha guan in, Phualpi solkar tawh a kihouna uh pai hoih diing hi leuleu hi. Tua I lunggulh pen uh, separate administration, singtangmite a tuama kivaihawmna I cih political solution khat ahi hi. Pressure group omlou a political demand pai hatlou, solution om mai hetlou hi zel eih kha. Tua tak ah, political solution om theihna di'n mipi, heutute leh palaite kalsuan khawm ngai hi. Huaiziakin, heutute leh mipi lam poimawhna (importance of leaders vis-à-vis pressure group) nelhsiah di omlou, pankhawm ngai ahipen ve.

JAC-ATB in, against the three Bills tungtang hilou Autonomy or 6th Schedule or UT or State vagen kaaitouh a phatuam dia'm? Casual leave application ah, earned leave or sick leave or study leave cihte gawmkhawm tou tale'ng, a phattuamna omlou diing hi. Autonomy/ Separate administration demand tawh kisai hong hih cia'n, SoO groups leh State & Central Government (tri-party) in hon genkhawm di uh. JAC-ATB in Autonomy/ Separate administration lampang thute public campaign a bawl kawma Mipi Lam Ai-awh (MLA) heutute khut a piaksawn dan leh piaksawn hun a theih poimawh, huan, MLA-te mah in zong tua pressure group apan hong kivik mipi lunglutna leh deih pen State solkar leh Phualpi solkar a guanlut dan asiam poimawh lai diing hi.

6th Schedule vis-à-vis Local adjustment a kigen cia'n Phaijangmite pumngawhna leh mawhsakna nei sim ciat I bang uh. Hiai adjustment poimawh mah hilou hia? 'Local adjustment' I gen ci'a kawksak fuh nailou I mai di ua aw. Apprehension a Meiteite'n I gam hon eu khiaksak di ngen a gingta hi le kilawm! Manipur Assembly a debate a neih lai ua, Single ADC diing maw, 2 ADCs diing, or 6 ADCs (existing) hizaw diing, ci'a discussion na nei uh hive aw. Eisung, a tribal teng mah ki-adjust or theigaw-lawng khat a thun bang thei nailou hanga, tua ziak a I singtangpa lungtup/ lunggulh in mailam nawt thei nai taktaklou ahizaw dia'm?

1. Single ADC theory - Ei ki-adjust thei hile tuh power sangtak Bodo Teritorial Council (BTC) bang a Six Schedule nuai a om theih di'a, Imphal a over-dependent louh dan om thei diing abang hi.
Phutkhakpah buaina: Naga leh Kuki kal lemlou/ mamlou banah, Naga mipi in, "Single ADC tup-le-ngim a neilou ka hi uh," ci pinpen zel.

2. Two ADCs theory - Naga ADC leh Non-Naga ADC akawk di'a, huai kawm in Kuki leh Naga kal 'gamgi thu (jurisdiction) ah' buai veve di abang.
Phutkhakpah buaina: Non-Naga te sung la? Administrative Hq. mun di tungtang, ei sung kilok/ kitok thei lai di abang maw.

3. Existing 6 ADCs – Sixth Schedule nuai-a hong om, power piakbeh hita leh nupi-papi, atek-akhang kipak di kihithei.
Phutkhakpah buaina: Imphal importance leh Imphal a taisuk-taitouh ngaihna bei tuanlou di'a, tua I buaipihte kouzanna/ kilamdanna lua piang tuanlou diing bang zel.

TOUPA kipahlam bawl kha-a Single ADC, Six Schedule a khawsa khawm di'a EI-LE-EI kisaifel (adjust) thei bang hile tuh Meitei resistance/ control pen buaipihhuai lawmlawm lou di'a, BTC inle University tan bang control pha sam uh hia... Sian' huaina tawh, tua tan I tun (kithutuah) leh bel, Autonomous Hill State leh full-fledged State naitou guai di hi zel maw. Hiai thil kivolhdan I gen pen Meitei laisiamte'n phawk ban mahmah diing dan uh ahi. Ahia, a gen manman in I zaugente thutuam, ei singtangmi sung kilem thei (local adjustment fel thei) bang hile tuh singtangpa lungdeih State solkar inle nial/ nang taktak thei sam lou di, Phualpi solkar favour le ngahlai di kihithei eive. Nam-le-gam it, gen thei pappap leh hahpan tam I bat hang a, eilak kilemlou/ theigaw-lawng khat a thun bang loupi a zaw mailam nawt haksa deuh maithei hiveh aw. Let His will be done!

Zomi National Congress vanglai in, UT muh ci'a helicopter a tuang kawma jawngtah lawh di thu kigen khat om. Tulai in Sixth Schedule or Autonomous Hill State or full-fledged State, I muh cia'n_____ Nang ngaihdan bang ahia? "Our task now is not to fix the blame for the past, but to fix the course for the future" Pu John F. Kennedy, America president len ngei in na ci hi. LIKE!

Ommuan Lunggel

 Unau Kuki, Zomi leh Hmar representative (MLA) te ban ah MP pu tel in dawhkan khat kimvel ah Isai 1: 18 - "Come now, and let us reason together" sepkhiakna I nei thei dia'm? I neih theih leh, tua a tel di'n Innpi teng, JAC-ATB, ATSUM, MTFD, ATML, Numei Pawl te leh namchih apat representative kisam khawm in neutral location khat ah kimaituah sin le bang aci di'a?

 Kigal ngikngik a, melmapa mun-ot sangin mun khat ah kimaituah mah in kici zialzial in, a kuul leh kina or kikawk ek-ek le, hoih deihna EI-LE-EI sung di hilel ven! Ei' deihdan leh muhdan ciat I gen diing ua, midang ngaihdan le i ngaikhe bok di ua. Banghiam khat meeting point or agreed point om theihleh, tribal interest lungtup mualsuahna di'a pankhawm theih lai veve diing ahi.

 Mai sa/ mai san zen a I kimaituah, kitauhtuah ek-ek, kisual sim gawnggawng tan I tun uh leh le GAMLEI IT VANG HI ci di I ka hia. Huci'a meeting point or agreed point om thei mahmah lou ahihleh, genbei, kipha khen di himai hi. Attempt at reconciliation hun khat nei thei le'ng I cihna ziak, collective effort mah poimawh, aloutheilou ahi. Let the weak says I'm STRONG, Let the poor says I'm rich...

 Langkhat kia en gegu a, a langkhat lam chance pelou I hih khak leh vaihawmdan dik (kibukkim) hithei lou diing hi. Democracy ah i om ua, i representative te muhdan leh ngaihdan diklou ahihleh le kimaituah a genfel theihna chance omlua ahi. Tua chance I suam nop kei bilbel leh bel, 2017 election tuh di'a kithawi simsim leh cin (elect/ select) diing kineemte' maban zong vaak/ eng tuan biiklou diing hi. Khatvei honggel lai un, I gam di'n hongpaal un.

 Political demand I neih uh tawh kisai Pu Satyendra Garg, IPS, JS (NE), MHA, GOI makaih in Phualpi solkar, Manipur solkar leh SoO nuai-a om pawlpi makaite'n June 15.06.2016 (Nilaini) in DELHI tualpi ah genkhawmna panta uh. Ebenezer! Hiai pen pressure group JAC-ATB, ATSUM, MTFD, ATML, Numei Pawl te'n bawh huan fuh poimawh e. UPF/ KNO makaite kia I piak bawl zenzen leh DIK LOU di, hibang a hun hoih leh hun manpha mu nawnlou maithei I hi. Political demand I cih zenzen, tribe/ community khat hiam section khat hiam in muhtheih di zat hilou, banah ei State/ area hon ai-awh khalou thugen siam kuahiam, a.k.l. MP bangzah hiam leh eite hahkatna tawh back-door entry pian a laihsuah theih guih diing zat zong hilou hi.

 Heutute i vek khawzaang ua, i.e. MP/ Ex-MPs, MLA/ Ex-MLAs, MDC/ Ex-MDCs & civil society makaite (Saptuam heutute tel in) kithumuh a, aknou ciakciak, "Nu phula di Pa phula di, sangak dai kaai di..." ci a kuankhe netnette banga kinusia/ ki-ensan cihte omlou a i pankhawm vek theih ua leh, tua pen TOUPA deihlam hi di, Psalms 133 Thu dikna eite'n mu di. I pankhawm kei teitei ualeh New Lamka hiam Rengkai hiam Tuibuang hiam luah teng in ei aituam hamphatpih theih di'a 6th Schedule kingahlou himhim diing ahi. Selah.

 "..Tuni'n mipi lam hi in heutu dinmun a ding khate hileh kuapeuh kingaihtuah thak ni. I tung ua Toupa a kipah leh huai gam ah ahonpi lut ding, huai gam bawngnawi leh khuaizu a luang gam ahi. A kipah kei ngeingei leh chu a boycott thuak khate adingin huaise mahmah inteh. Leitung apat atuam mawngmawng, separate Administration vangam lut khalou di'a boycott a omkhak ding ahi alauhuai pen. Hong un Toupa lam ah I kik nawn ding uh. Ama'n hon botzanta mahleh hon damsak ding hi. Ama'n hon liamsakta mahleh, I liammate hon tuam ding hi. Amen." [Pastor Thangrawnlian, AMAN HON PI KA KIPAK HI (June, 2016), "Pathian in Boycott Puankhum Dup Mai", peek 211-212, beu tawpna].

Ngaihtuahna an di'n:

(i) The true Christian is like sandalwood, which imparts its fragrance to the axe which cuts it, without doing any harm in return. - Sadhu Sundar Singh.

(ii) Ccpur district a Khristiante I buaina uh, Khristian 'kici', a kicih thawhlel I tamluat ziak uh ahi dia'm ci I hi. 'Kicih' atuam ahi a, (Jesu Khrist sinsak) 'hih/ zuih' a tuam ahi. - Rev K. Kamchinkhup (TUAILAI 2010 ah).

......
15.07.2016