Bureaucrat-te kaibuai kei ni!

User Rating: 0 / 5

Star InactiveStar InactiveStar InactiveStar InactiveStar Inactive
 

Kupbehna:
Bureaucrat-te kaibuai kei ni!
-Upa Chinsum, New Delhi, Columnist Zogam.com
[This email address is being protected from spambots. You need JavaScript enabled to view it.]

chinsum   

Manipur Express editorial, a tunga thupi kipia pansan a gelh, 16 April 2015 issue ah hongtuang. Na kipahpih bilbel ka hihman in, kipahpih suklatna in kupbehna akhil-khil in saulou aw:-

(a) “Organisation aza asim phialte’n program tuamtuam nei zihzeh uh a, amaute’ adingin program poimawh mahmah hikha ding, ahihziakin, i khua-le-tui leh i maban ding uh etna in i program zatdan uleh paidan tuamtuamte etthak a poimawh dia’m…” = Himah ei. Kipawlkhawmna I ngaih poimawh luatna in innkuan sung kicimatna kiamsak, keusak hiaihiai ahihkhak diing pilvanhuai in zong etthak tuak mah hi. The World Bank, Washington DC a va seemkha I heutute khat in hici’n gen: Orientation session ka neih lai un world bank staff-te kianga a gen pen uh ahihleh – nasep tam ding hizaw lou in, innkuan leh family life a poimawhdan thu ahi.. “work life balance” a chi ua, nasep kia awlmawh lou a, innkuan leng awlmawh a poimawhdan a gen tam uh. Hiai gamte nasem tam ding/ lai sim tam ding chih khawng a kisawlsawl ngai nawnlou uh ana hive... ci vengveng phet.

(b) “I lakah… flag-off program kichi tam petmah a, tualou in seminar leh workshop chi tuamtuam leng ahunkhop omsek hi. Music video honna leh laibu thak honna banah khawmpi chi tuamtuam leng tamtak om ... District Administration tawh kisai in Deputy Commissioner (DC), Suptd of Police, SDO, MCS officer tuamtuamte, SDPO, OC leh SDC omte khuallian dinga i zatsek uh hoihlua hinapi in huai in i gam bangzahta a hon sukha hiam…” = Eivo’i maw. Hibang a thil hih khiukheute tomkha kipahna, tomkha lungkimna, a tua leltak delh leh buaipih a hun zang beibei, a khantou (sawt pang) lama hun pekha manglou hih khak diing pilhuai amah ve.

(c) “Mizoram state, Chief Minister, Cabinet Minister leh MLA (politician-te) program banghiam ah khuallian (Chief Guest) …, amaute’n khuttawi lian nei ngeilou uh a, mipite’ mamawh bang hihiam chih dotna bawlkawm uh a, na area uah development bang hiam ka septheih ding uh chih kankawmin huai semkhe sek uhi.” = Hici dingdan ahi. Mipi ai-awh I heutute’n mimal taksap kibanglou taktakte hon huksak kim zou ngeilou diing uh. Tangpi phattuampih theih diingte bangbang ahia, tuate hihtheihna di’a solkar in fund bangci neih, I palai in bang honci pii sawm (zatpih sawm) cihte enkhawm a, panghuan I hih uh leh khantouhna lampi tawn kihi diing. Tua hihtheihna di’n, mimal khat ciatte’n i khut in hih diing amuh (thil hoih, thil phatuam) bangpeuh theih-patawp a hih a, mihing masate khelhna a apuuk ma pek ua namkip na hita theology of work a I kiik khiukheu uh kuul hikha diing hi. A seemlou in… (nang gen in).

(d) “Manipur ah bel politician-te khuallian dinga chial ahih chiangun a sum tampe zouzou mipite’n kipahpih mah bangin kilang a, i ngaihdan uh kilehbulh adia’’m chih theihin om hi.” = Tangpi-tangta theih a mimal hiam pawlpi hiam sum kipiak oih cihte ciin a neih sang in(kinep sang in?), Khuallian nei a I kikhop sek nate veng sung/ bial sung khantouhna di vaiguan (developmental program/ scheme) bangbang om ahia, tuate sepkhiakna bangtan tungta, I Khuallian cial in bang khawng sepkhiak di’a koih nei-a tuate bangci sep sawm…, cihte dotna leh kitheihsiam-sakna hun (mass education/ awareness prog) dan in pai thei leh, tua I khan dan rate uh tangpi sang in I khangtou kin zaw di uam?

(e) “MLA/ Minister-te’ lawh a tamlaw kholkei hi. Koi hiam program ah Rs 1 lakh ahihkeileh Rs 50,000 a piakna dingun amau khalawh a sawk uh ngai hi.” = Dik lua. Amau sakhau sawk senglouh hun, tua sawk a phat theih vuallouh hun bang a tun ci’n (a teelcingtute’n tua dinmun a I koihkhak mawk ciang un), gamsung puahna diing leh khantouhna di vaiguan a sum om bikhiahsate hon-eu/ honsawk cheuhcheuh uh a; tua in a tut ahihleh khantouhna di vaiguan omsa kiseemkhe lou bang, kiseemkhia sunte, sum kidaih louh ziaka sepkhiak ginalou (poor quality/ finishing) bang hithei zel, a tua’ zar mipite’n alompi a loulam-tuilam leh I khawpi sunga thuak tou ek zel I himai di uam? Pilvanhuai mah e, maw?

(f) “Chief Guest in sum tawm sum tam hon piak zawhpeuh ualeh i gam adia development scheme/ fund bangzah mangthang hiam chih i sui ban hetkei uhi.” = Suui tuak, ngaihsut tuak ngut aka. Mangkangte’n, “Sum/ Dangka singkung a gah hilou ahi” na ci ua, “An athawn cih om tha-hah kei (There is no free lunch as such)” cih khat na neilai uhi. Muhna lam leh senna lam (Revenue/ Receipt leh Expenditure) aton helhel thil hi a, a thawna muh dana I ngaih khenkhatte le, “MLA/ MDC/ Minister in honpia” I cih mawk khenkhat bang le koilai hiam a kiamna (a seengtu om) na zel ahi. “I kiam punna’n I ngai…” ci a mimal hamphatna di’a I ngaihsutte bang le I hon chaan ngam kisamta hithei ahi - khantouh taktakna di’n.

(g)  “Chief Guest/ Guest of Honour leh adangdanga mawhpuakna lenkhate’n, tua bang hun a organiser-te’ kianga sum piak ding, atuam a govt in sanction abawl gintak huailou hi.” = Amen. Government rule book/ transaction of business rules kici sek a Chief Guest/ Guest of Honour head omlou, omna di san le solkar in theilou/ kuul salou hi diing hive’n maw… Selah.

(h) “Politician-te bel mipi’ palai ahi ua, khuallian, khualzahtak-huai, innpipa leh adangdang dinga i zat leleng thil hithei mah ahi a, function khat a sum hon thawhkhiak toihtoihte uh tawpsan theile uh hoih mahmah ding.”  = Thawhkhiak nei thei khuallian/ khualzah-takhuai leh mipite kal a kitheihsiamna liantak hong om a, mipi ma-a sumtang thawhkhiak/ luikhiak ngot sanga phatuam zaw diing public policy & program banah implementation & monitoring mechanism kichuptak I neih kuul hikha ding. Or, tua bang a omsa zui ngun deuh di’a I kipatthak uh phamawh hithei. ‘With God all things are possible” Laisiangthou in a cih lai a, “Together we can” cih vual pansan a mite’n kikhekna lampi a tot theih uleh, e’n Vanglian TOUPA biate’n zong hih thei in zui thei ve ni hang e, guai. Tak-heh!

(i) “District Administration leh bureaucrat tuamtuam i neihte, viz. DC/SP/SDC/SDPO leh adangdangte khuallian dingin chial keithei phot in, special invitee danin chial hizaw leh bang achi dia?” = Hoih di. Amau (U-lian)te apan I lamet/ kinep ding tuh, amau siamna leh puakkhak lam (expertise knowledge and their subject/ area of responsibility) tawh kisai, mipite bang piaksawn theih or sinsiamsak diing ahon nei ua? cih lam hileh, siamna, pilna leh teina a neihte uh hong kitaathiam lai zaw-mah diing un, a thu ngai nuam + zar zou nuam a mipite kituh nainai maimah diing kihi thei daih. Maw-le? Jai Hind!

(j) “District adia vaihawmna taktak lentu DC/SP leh adangdang official-te ahih ziakun nautang program lama a hong kilat tamluat chiang un bangzahta a, office a a file-te uh pending a om ding hiam?” = Ngaihsut vengveng diing, cial tawm diing. I cial vanglak lehlah, amau puak khak lam mipite theihsiam-sakna hun  lemtang (awareness campaign/ program) dan a paisak vet diing ci le maw. Tamil Nadu a District theih khak khenkhat ah, Mipite lungkimlouhna ngaihkhiak ni (Public grievances hearing day) cih khat nei ua, Seppatni sunma lam teng, tua di’n sehtuam uhi. Tua hun in District a lianpen (District Collector) tel in Department tuamtuam a seemtute’n mipite’ muisiat-khasiatna ngaikhia in, kimaituah mahmah a ngaihkhiak/ vensakna leh dolkhaat kaihkhawmna nei sek uhi.  Hiai le, “Together we can”.

(k)  “Mun gamlapi apan district a vaihawmna leente mu dinga kuante’n sum le pai bangzah seeng ding uhiam, tha-le-zung bangzah aseeng ding ua chihte ngaihsut tham ching … amau awngsut in district sunga khantouhna leh dan leh thupiak ngenteltak leh zalentaka a etkai theihna dingun kai buaibuai kei lehang mipi adingin phatuam zawlou ding adiam chi ut lampang i hizaw hi.” = Eivo’i, ci ciat in, “let us make a beginning” ci ni maw. Simtute, Vanglian TOUPA’N hon panpih hen!

……..
“Ramakrishna Mission” May 1, 1897 a pankhetu, a Mission patkhiak tuni tanpha a detdou leh bukpha mahmah, Swami Vivekanand’ thugen pawl khat ngaihsun mah:-
Anything that makes you weak physically, intellectually and spiritually, reject as poison.
Talk to yourself at least once in a Day… Otherwise you may miss a meeting with an EXCELLENT person in the World.

If money help a man to do good to others, it is of some value; but if not, it is simply a mass of evil, and the sooner it is got rid of, the better.

-------01052015-------