Khimzing Meipi Nuai ah

User Rating: 0 / 5

Star InactiveStar InactiveStar InactiveStar InactiveStar Inactive
 

zosonSeppatni zingkal a ngeina bang a office kaiding in Ring Road ah Dhaula Kuan manoh in gari in ka taitou hi. Zinglam dak 9:30 vel a office a tunpah a, nasep ding a lom a omte sepkhiak ding dan ka ngaihtuah hi. December ahihziak in vot sim siksek a, mei kai ziiziai hi. Gari tuan chiang a ka chiin sek Joyce Meyer thugen ngaih ka hon panta hi. Lampi a awng thawl tel mai, tai liam zungzung in Delhi border ka tung suk pah hi.

 

Delhi sung meipi sah mahleh street light vak hoihtakte ziak in gari heek haksa lawmlawm kei hi. Himahleh Bahadurgarh ka tun in sah in ana sah hi. Street light lah vaklou Khua lah vakta hi awmtak in lampi meipi in tuam ngou ngeingoi maimah hi. Ka gari light tengteng ka hih vak hang in ka lampi paina ding feet 3 nangawn chiantak in ka muthei kei hi. Speed 20 km/hr khawng in ka kitholh suk ninilh hi.

 

Office timing a tun ding ka kilam etna teng thawn suak ding hita. Ka sana ka en a, zinglam dak 8:30 hita. Ngeina bang hileh vak phingpheng a 100 km/hr a taina ding a lampi hoih ahi.Himahleh hattai theih ding dinmun ahi hetkei hi. Lampi feet 5 beektan kimu chiang le aw! Lampi indicator a nuh ngoute beek uh muleng zaw aw! Koi a bang ka chitel dia? Ka lampi zuih dik na hia chih leng ka theikei hi. Munkhat ah lamnawl a gari khollai bang ka va phukha dek thepthup hi. Ka mangbang petmah hi.

 

Ka gari tohlet ka hong a , dak khe kawm a heek a phatuam lawtuan kei. Meipi sah law mahmah ahihman in. Chikchiang in koi lampam ah ka taikhe kha de aw chih bang ngaihsutna hong lut hi. Mailam manoh haksa lua ahihman in kik uthuai ka sa , himahleh kik mawk leng ka nung lam a meipi ana theng tuan hetlou ding hi. Ka nung leh ka ma ah meipi in hon tuam kimvel hi. hi.Mangbang lua ka hihihman in Pathian kiang ah panpihna ka ngen lolop hi.Bangdia meipi then hun ding hisap a kuan zekai deuh mailou ka de aw chih bang in ka kimohsa dek hi.

 

Hiai bang hun a ka lam etna omsun meipi then ding ahi. Himahleh loh ding dan omtuan lou ahihman in meipi kawm lak ah sih le sih dam le dam in ka pilvan theih tawp in ka tai nitnit hi. A haksatdan zaw gensiam a haksa . Ka ning e, ka utnawn kei chia gari lamnawl a nusia a khe a pai vengveng theih ana hilou. HIhtheih omsun awlawl a meipi phuttouh ngai hi.

 

Ahi dakkal thum ka hong tai zoh in ka tungthei khong hi.Ka office ka tun dek in meipi ana theng a, vak singseng lak a tai zenzen nuam hina maizen e!

Hiai ka thiltuah ka ngaihsut chiang in hinkhua a lesson hoih mahmah ahihdan ka mukhia hi.

 

LIFE IS NOT ALWAYS SMOOTH: Hiai lampi tamveipi ka totsa himahleh meipi in a tuam chiang in hamhaih mahmah in ka om hi. Ka lampi tot dek ka gintak ana bang hetlou hi. Hinkhua ah nuamlou, gintak hetlouh a nuamlou thil tuahtheih gige ana hi.  Hiai hun tuah chiang in lamdang sakna bang omthei hi. Huchibang hun ah thil omthei mah ahi chih pomsiam baih  lungsim damhuai pen hi.

 

JUST DRIVE ON... Hinkhua ah mangbang kisakna, liangvai leh genthei kisaknate , maban neilou kisakna, lam etna neilou kisakna hunte in hon tuam chiang in i lohthei bangmah omlou sek hi. Kiktheih hiam tawptheih dinmun a hinkhua omlou hi. Huaiziak in huaite palsuahna ding in ei hihtheih bangbang a DRIVE ON teitei ngai ahihdan hon musak hi.

 

HOPE: Meipi zing nuai ah gari ka heek in ka lam etna bel meipite ka tai khen hun hong omding ahi chih ka kinepna ahi. Hinkhua ah haksatna , gentheihnate in beihun neina ding ahi chih HOPE neihngai hi.

 

HELP OF DIVINE: Ka ma feet thum le mulou na pi km 100 val bang ka heksuak theih Pathian hon panpihna ahihna ka muchiang semsem hi.Hinkhua ah panpihtu bei kisak hun bang, siamsinna ah lohching hak kisakkhak nate bang, it mahmahte hon nutsiat ziak a khavatna bang, damlouhnate ziaka kingaihsiatna bang, innsung khosakna abeidong kisakna bang omthei hi. Huai hunte ah Pathian in thuakzohna,dohzohna, lungduaina,tha hatna ahun hun in michih hon guanchiat hi.

 

STEADY MY HEART –KARI JOBE

Wish it could be easy
Why is life so messy
Why is pain a part of us
There are days I feel like
Nothing ever goes right
Sometimes it just hurts so much

 

But You're here
You're real
I know, I can trust You

 

Even when it hurts
Even when it's hard
Even when it all just falls apart
I will run to You
Cause I know that You are
Lover of my soul
Healer of my scars
You steady my heart (x2)

 

I'm not gonna worry
I know that You got me
Right inside the palm of your hand
Each and every moment
What's good and what gets broken
Happens just the way that You plan

 

And I will run to You
And find refuge in Your arms
And I will sing to You
Cause of everything You are
You steady my heart (x2)


kari jobe