Defamation Toh Kisai

DEFAMATION TOH KISAI !
By Vungzamuan Valte

vungzamuan valte new

THUMAPI
USA President Donald Trump nupi Melania Trump in The Daily Mail leh Mail Online Magazine thudiklou tangkoupih leh minsesak ahihdan London Court ah hekna bawl a tunaichin in Court in thutanna bawl hi. Ngaihdam ngetna (apology) asuahkhiak ban uah sumtang in US Dollar Million 3 vel ding liausak ua advocate gawihman toh sim in bangzah chet pha ahia chih genkhiak hilou in. Elton John in zong defamation case toh kisai in 1988 kum in Million dollar 1 ngah ngeita hi.

Defamation case kichi, mimal leh Company khawng te’n file thei ua, a tangpithu in mimal kisukminsiatna, mindaisakna, dikloutak leh belhchian-dawllou a kingawhna te khawng ziakin court case kibawlkhum sek tangpi uhi. Company te’n bel a product te uleh company sungthu toh kisai a kilawmloutak leh mipite muh a minsiatsakna atuahkhak chiang un reputation/goodwill/brand value nakpitak a kiamsak ahihna ah, sum leh pai a compensate/fine/liausak kia hilou in Criminal case toh bulhkhawm sek tangpi uhi.

Mimal toh kisai in ahihleh, mihing a piangkhia khat in a piantung apat kum tampi petmah a hinkhua zatsung in reputation kichi khat quality kichi hahkatna, sih-le-hin karah, zum-le-hiam karah, zum-leh-zah dawnlou in ahon sekkhia a ahonnei a, huai reputation bel khanvual, society, u-le-nau, seppihte, zi-le-ta leh gamsung banah leitung vangkhua ah, amah a dingin thilmanpha penpen asuak hi. Hiai minphatna/minthanna pen luhum-tawhum a hum kul veve a, huchia khawvel a khosakna ah Value nei leh dinmun nei takin hinkhua hon zangtou thei hi. Mihing khatin a minsiatna ding khat vahihkha hitaleh, a hinkhua a mang nawnlou ding melhemna (social stigma) maituah a, kuamah ngawh mawkmawk theilou ding hi. Himahleh, nungak khat, zawlgai loupi, kuahiam khatin zawlgai ahi chi’n minsesak mawk lehbel, mualphouna khasiathuaipi khat ahihna ah, nungak nu'n pu-pa danin liau-le-pan tuahtheihna ding thubuai bawlkhum thei a, sial-nuta liausak theihna ahi hi.

SOCIAL MEDIA:
Tulai khawvel ah internet ziakin kithuzakna ahoih a nop leng anuam ngeingut hi, himahleh, hiai internet tungtawn a thillamdang pipi hong omtou zelzel te’n lamdangtakin SOCIAL MEDIA kichi facebook, instagram, Whatsapp leh a dangdang simsenglouh phial ding a piangkhesak a, huaite ziakin khawvel pumpi ah buaina tampitak piangkheta hi. Privacy kichi omthei nawn taktak lou asuak a, mihingte khawhei-suk, khawhei-touh muhtheihna naipen leh nuampen asuak a, kithuzak pahpah theihna leng ahi hi. Hiaite medium of communication chikhat ahihna ah printed media sangin a kingang zaw a, fake news kichi khawng tampitak piangkhia a, kitualsatna, kithahna, thangpaihna leh nam-le-nam, gam-le-gam, khat-le-khat kitheihsiamlouhna te atun khanak sek hi. Mihing khat suksiatna dingin vanzat nuampenpen khat asuak a, picture kilawmlou taktak takkhiak a kimualphousak theihna bailam penpen medium ahi hi.

Tulai i khawvel a huihkhua tungtawn a kithuzaknate ah tongsan melmuhlouh a kikou, kinak, kitot leh kigensiat te nuam isa mahmah mai ua, KITAWLEM utna khagau/thlarau in ahon man a, fake account apat hangsan taktak in nasatak mai in iki-sumualphou khanak sek uhi. Hiaidan a paidan pen diklousakna lianpi ka nei a, kidam deuh thei leng chihhuai mahmah hinapi in alawh dingdan kitheibunlou suak maimah hi. Huchi in, khenkhat te’n police a FIR file in thubuai-labuai abawl ua, hunsawtpi daih ding thubuai asuahkhak ding lauhuaipi asuak hi. Singpi khai a ngaihdam kinget chihpen neplawtel ding ahihna ah DAN toh kituak a pai maimah ngai ding suakta hi, huaiziakin, hiaite bangchidan a vaisaitheih ahi a....banchilawh ding ahia? Chihte kikum zel le bang achi dia?

DAN IN BANG GEN AHIA....
Awle, hiaidan a kimelhemsakna te DAN (LAW) in bangchigen ahia? Chihlam sut sin le chidan ihi hi.
INFORMATION TECHNOLOGY ACT, 2000 (as amended) pansan in kikum zual le maw:

FAKE PROFILE: Social Media a fake profile zang a midangte gensiat a kousiat (etsakna dingin kizuak) chihdan pen harassment ahia, IT Act tungtawn in Section 66AA, 67 pansan in IPC (Indian Penal Code) Section 509 nuai ah thubuai bulhkhum theih ahi hi.

HATE SPEECH: Khat leh khat kikar a thubuai-labuai piangsak thei ding huatthu gen, Nam-le-nam kikar a buaina piang thei ding thudiklou puanzak, Pawl-le-pawl kikar a buaina piangsak thei ding zuau phuaktawm a tangkoupih, ginna leh biakna toh kisai a buaina piang thei ding thudiklou tangkoupih a puanzak etc te IT Act tungtawn in IPC Section 153A leh IPC Section 153B bulhkhum theih hi.

HACKING: Midangte E-mail Account hack sak a thudiklou genkhiakna ding a zang leh hacking bawl himhim IT Act Sections 43, 66, 66A,66C,67,67A,67B nuaite ah thubuai bawlkhum theihna om hi.

WEB DEFACEMENT: Midangte Web-site, Government web-site bawlsiatsak a thunamanlou chikchik leh porn khawng va koihsak pen IT Act Sections 43,66, 66F, 67 leh 70 pansan in thubuai-labuai bawlkhum theih hi.
Cyber crime dangdang te bel poimoh thousam mahleh eite’ toh kisai lawtel khollou ahihna uah hiaiteng kikum phot le....
Kuahiam khat in E-mail hiam, online hiamte tungtawn in hon bawlsia in hon melhemsak hitaleh IPC Section 499 leh 500 pansan in thubuai na bawl thei ding hi...A person who uses some words spoken or intended to be read, by signs or visible representation to make or publish any imputation about a person in order to harm their reputation is guilty of defamation in India....a person who is liable under Section 499 would be punished with simple imprisonment for up to 2 years, with fine or both...
Section 503 in Criminal Intimidation hichin define hi...Whoever threatens another with any injury to his person, reputation or property, or to the person or reputation of any one whom that person is interested, with intent to cause alarm to that person, or to cause that person to do any act which he is not legally bound to do, or to omit to do any act which that person is legally entitled to do, as the means of avoiding the execution of such threat, commits criminal intimidation.
Section 506 in Criminal Intimidation toh kisai in siamlouhtante tung ah kum 2 suangkulh tan leh fine or both chi hi.
Section 507 in Criminal intimidation by anonymous communication to kisai in siamlouhtante tung ah kum 2 suangkulh tan leh fine or both chileuleu hi.

CIVIL LEH CRIMINAL DEFAMATION!
DEFAMATION kichi CIVIL leh CRIMINAL in kikhen nawn leuleu a, civil ahihleh Civil suit kichi LAW OF TORTS zangin kiliausak theihna ahi hi. Sum-leh-pai a REPUTATION ichih mai, minhoihna leitheih hikei mahleh, minsiatna pen liahkhuhsakna dingin NGAIHDAM NGETNA (APOLOGY) omthei a, huaidan dungzui in sum kiliausak in zong maisak theihna omsam hi. Mimal’ minsiatna bel sum-leh-pai liausak in kimaisak theihdan omsam mahleh, Criminal case a ki file lehbel criminal case pen apai in paitou veve ding hi. Complaint bawltu in case a withdraw a kingaihdamna apian lehbel thukhenna kichiantak, mawhmaisakna leh beisakna bawl kul ding hi (case dismiss sak).

Hiai toh kizawitawn a poimoh mahmah khat leuleu bel, Section 153 of the Indian Penal Code in, Promoting enmity between different groups on grounds of Religion, Race, Place of Birth, Residence, Language etc te ziakin DAN toh kituak a huchidan kampau kilawmlou leh buaina tuntheitu ding thehzaktute tung ah thubuai-labuai bawlkhum theihna om hi, chi hi.
Hiaite banah, Card Fraud, Cyber terrorism, online sale of drugs, pornography, Phising, Theft of confidential information, Source code theft, Virus bawl a midangte system buaisak chihte khawng IT Act in huapkha vek sipsip a thubuai-labuai tuahtheihna ngenta ahi uhi.

COPY RIGHT LEH INTELLECTUAL PROPERTY RIGHTS!
Company te’n a Proprietary interest uleh a brand value (goodwill) kepbitna dingin sum tampipi seng ua, minsiatna hiam melhemna hiamte ngaikhawk mahmah mai ua, huchih hunchiang in a reputation uh kepbitna dingin DEFAMATION CASE CIVIL LEH CRIMINAL bawlkhum tangpi sek uhi. Sum tampipi liautheihna ahih ziakin Journalist te nasan pilvang thei mahmah mai ua, kanchiang, velchiang, cross check louh in company te minsiatna ding thu mawk suahkhiak louhial uhi. Civil leh Criminal Offence hituak tuak a, Intellectual Property Protection Law nuai ah case bulhkhum theih ahi hi.
Himahleh, Copy Right aneih uh ngai a, IPR ah bel Patented ahih ngai leuleu hi.

Arvind Kejrewal in Arun Jetley dikloutak a Delhi Cricket Association President ahih hun lai a nekguk takgukna om chia ngawhna abawl pen crore tampi liausak theih ding dinmun ah case bulhkhum hi a, politics thil ahihziak in ahong kingaidam maimah duam a?

FIR ki file khum kichi om zeuhzeuh mahleh, ei; district sung ah bel, a complainant te serious taktak lou aduam a, midang khak khawng in midang khat sik-le-tang khawng in FIR a ki file khum zanzan ua, defamation kichi mimal thil ahi a, a thuaktu (reputation mangsaktu) mahmah in a file dingdan ahi hi.
Social media i maingal mahmah mai ua, kihamsiatna leh kimelhemsakna dingin i hahzat petmah mai ua, hiai paidan hi kheklumlet ahih keileh, denchia case nei lemlum i om khak ding uh lauhuiapi suak hi. I theihdan leh muhdante mawk tangkoupih pahpah pen hoih penlou ding a, mimal kihuatnate social media a tangkoupih a KITAWLEM tupna lungsim ineihte uh khawlsan hunpetmah ta hi. Mi khenkhat chiamteh guk giugiau nei ki-om ngei dingin ka gingta a, fake hileh, bang hileh, zonkhiak zohlouh taktak omlou ahi chih thei ni.