A day with Pu CT Lian and his team

User Rating: 3 / 5

Star ActiveStar ActiveStar ActiveStar InactiveStar Inactive
 

A DAY WITH PU CT LIAN AND HIS TEAM
By Vungzamuan Valte

Ni 31 December 2017 in kumtawp picnic chihdan deuh in, H'onble MDC pu CT Lian in mi bangzah hiam a fish Captive Culture bawlna mun Buallian khawtaw lam ah, Khuga Dam tuisiang kikel mun ah hunawl nuamtak hon zatpih hi.
Mi 30 vel khawng kahi ua, Delhi apat leh India khawpi mun tuamtuam apat Christmas Season nuam zangding a innlam paisuahte ahon chialkhawm kahi uhi.

Buallian khua ah veilam a petkhia in gamlakpi ah gari toh tuaksuk nungnung in, km 2 ding khawng i taisuk leh tuipi gei a mun nuamtak kitungsuk hi. Huaimun ah cottage khat bawl a chowkidar te giahbuk leh ngakhoina toh kisai a apanmun ahi hi.

Buallian hausapu toh kitheisiam kawmtak a ngakul tuitung a om, tuisung a ngakhoina bawm 20 foating boat dan a kikhihtaang sung ah ngasa tampitak khoi hi.

Huai floating ngakul sung a ngasate mantawm in amun a buk sung ah ka huan ngal uhi. Ngasa kg 9 ngut ka huan helhul ua alimdan chituam mahmah ngeingut hi, fresh water fish ahih banah, a ngate fresh lai ( ahing) ahih ziak leng ahi ngei ding.

A gam nuam mahmah mai a, sing leh louhing mualpang leh mualtung a hing dipdip te imuh in mit taisak mahmah mai a, lunglawpna lianpi hon pia hi.adaywithctlian02

Amun nitaklam nitumkuan in lunglenhuai mahmah mai a, a scenic beauty mundang toh teh in foreign gam ding banghial thok hi. Inn long ( boat) engine nei Pu CT in a bawltawm ah ama pilot nanuai ah ka tuang nainai ua, lungkimhuai salou ki omlou hial hi. Taikuang long omsam mahleh maingap luat ding ahi kei, dam tui gintak sangin a thuksuk guih a kiaklup theihna naichik ah om mawk hi. Guam thuktak tak tui in tummang ahihna ah athuklam teh dingin mun khenkhat bel mautawm 3 khawng tum zou mahmah ding hi.

Ann nek hun in kikhopna nuamtak, thu gen ngaihnophuai taktak kiza a, host pu apat a thultupte leh a sepsuah dante genkhiakna ngaihnophuai mahmah leh inspiring taktak kiza hi. Hamphathuai ichi ding a, hiai captive fish culture koi apat a sinkhiak hi hiam? Chih dotna pen aman hichin dawng hi " tui ching demdom a zatna ding ka zonzonna lam ah, internet apat ngasa hichidan a khoi theih ahi chih ka muhkhiak ahi" chi hi.

A tung ah kipahhuai leh hampha ka hihdan uh kipahthu te gen in maban ah kalsuan dingdan leh mipi tamzaw ten hichidan a innovative tak a nekzonna amuh theihna ding khawng uh, lampi kawkmuh leh makaih a poimohdante gen in ka Halelui juajua uhi.

Ann nek hunin, dak 4.30 agin toh kituak in thumna toh ankuang latna pu Tunzamang in nei a, khomui zul in ann nekhin in innlam chiat khawmial siat luat ma in ka zuan siausiau uhi.

Hiai hun a interaction nuam kasa mahmah ua, Pu CT in hihhoih leng kasa ua, maban ah ahong lohchin touh zel leng ka deihsak uhi.

A man with a vision. A man with innovative ideas. A restless soul with a restless body ahi kachi a dik asa thousam un thei ing. Taksa damthei ahi ding a, alang alang ah septheih leh zontheih leh bawltheih hau mahmah mai hi. Tawlngalou a phia phia mai ahi a, azi Moii inle zui zou sa mahmah ing, ann huan vutvut maidan ahi.

Pu CT pen awlmohhau ahi a, MDC te ki camp le ngaihsak manlou hial hi. A nesepte i et chiangin diverse lawdeuh ahi de aw...chihtheih in om a, thil khat le nih ah concentrate thei hileh tuasangin lohching zawtham dingin gintakhuai hi. A team te nu Chingnu, Nu Biak leh adangdangte tung ah kipahthu lawmte sik le tang in ka gen hi.

Himahleh, i gam kivaipuakdan itheihsa hiven, ahong lohchin sim takin a buaisak thei khawng om mawkmawk uh hiding hiven, zan dt 19.1.18 in abuk leh a ngakul phelkhia in tuitung ah km 3.50 taipih in mundang ah kisuankhia hi. Investment bawl kichi haksapi ahi a, huchia alohching ahong om dek patpat chiang ua hawlkiak zel ding ahihleh, investment bawl man omlou ding hi. Tha tampi bei ahi a, hun tampi mah bei ahi a, sum tampi mah poimoh ahi hi. Kitheisiam tuah siausiau a khosakna i bawlkhiak uh poimoh lua hi.

Hiaidan a ngakul floating bawl penin environment lam ah suksiat luat nei dingin gintakhuai lou a, mi tampi ten bawl souhsouh le, dam tui mipite a hilel ven, azang phatuamtu leh a hampha kihi mai dingdan ahi. A mawkna a ichinsak meuh mouh sangun. Khuga dam nga in brand value neikhin ahihna toh, Moirang nga nawlkhin in, Imphal Bazar ah Dam nga supply suk souhsouh le Meiteite anetu ding tam uh hilel ven 🤔

Once again, thank you and your team for the wonderful opportunity given to us. May the good Lord Bless CT and his team with lots of success in the days to come.
Asalam Aliakum!

adaywithctlian03