PAPA, BANGZIAKA KA U-UTE KAAPLUM MAWK UH A?

User Rating: 0 / 5

Star InactiveStar InactiveStar InactiveStar InactiveStar Inactive
 

PAPA, BANGZIAKA KA U-UTE KAAPLUM MAWK UH A?
~Vanlallian Valte

vanlallianvalte

"India Maangkaangte'n London zuanta, India ei a hi.." ahih nung kum 69 chingta. Zalen gam chihmahtak lamtuamtuam ah khangtou hulhul. International Monetary Fund (IMF) in India khovel a gam khangtou sot pen 10 lak ah telbaan sak hi (2014). Himahleh, khovel ah zaw zalenna taktak omlou hi. Zalenlou kisakna leh thuneihkhum chimtaakna in simlei zelsuak. Super power USA nasan le helpawl huhamtaktak te ziak in mangbang thou uh ahi. Manipur a tribal te khasiatna chituam hi: lamchiteng a kibatpihlouh te toh tengkhawm in hon nelsiah uh. Neksiat a om in; pupa gamlei suh et kia'n en tawntung uhi. Sik-le-taang a kamka di lah neilou, vengbittu te thaukaap siamdaan 'show' khum in om hang! British colonial system in hon opkhum lailai! Khuak in, "Ehe-he... vial de!" chimahleh ka lungtang in, "Tribal unity" ngaihnat-huai mahmah hon tungsaktu Pathian' lemgel ahi!" chichi. Paw-tham hilou, lunggil taktak a kipumkhatna hileh ichi.

India Government in North-East leh Jammu & Kashmir a helpawlte (zalenna sualte) betdaihna diin 1958 in Armed Forces Special Power Act phuan hi. Hiai act in a sukkhakna mun a omte leh midang lungpikhual tamtakte'n nasatak in soisel ua, Draconian Law chih minloh in om hi. Manipur phaizang ngial ah deihlou a kiphinna uang diak. Ken le hiai daan pentak zaw 'harsh' sa in, deihlou pawlte lungtang in ka gum sam hi. Ahia, Lamka a agamtatna uh huhamhuai lou ahi diam? Special session of Manipur Legislative Assembly in 31 Aug 2015 a chopchilh bill 03 a passed: (a) Protection of Manipur People Bill, 2015; (b) Manipur Land Revenue & Land Reforms (7th Amendment, 2015); leh (c) Manipur Shops and Establishments Bill (2nd Amendment, 2015) te khuva banga nunnem i chi thei diam?

Deihlouh thil i tuahte'n hunpaisa a deihhuai thil i limsak louh dan uh muhna diin mitte vansak ta. Pathian zia theisiam sipsip kei mahleng, Aman hon mu in, i aw uh zaa ahi chih bel ka theichian hi. Hon mangngilh zenzen loupia! Laisiangthou deihna bang in i thuak zoh louh haksatna i tung ah tungsak lou ahi chih mangngilh kei ni (1Cor 10:13). A mite avau a thu apia a himahleh deihtelna pen mihingte tung ah a koih hi (Jos 24:15). Khantouhna om theihna dingin tupna neih, deihtelna kichian neih, kipiakna leh chihtakna chihte tellou a piang theilou ahi. Pathian in michih-chichih ngaihtuahna, theihna leh thupukna bawl thei diin khuak chiimtak hon guan. Huai azangdikte Khristian hi sese kei le uleng nam khangtou suak veve uhi. Tulai khovel in ahun leh amun toh kituak a hindan siamte 'changkang' chi hi. Pangkhawm semsem, ki-ittuah semsem leng hon lamkaihtupa Pathian in lamkim a hon nuse lou di ahi. Huan, damna diin paracetamol huntawk nawn lou a, anti-biotic hattak a etkol kisam hihang.

Omnop ngellouh leh lungtang a puaknat neihkop zaw a A-AW-B kei ngeimai! Nisim 31 Aug 2015, kichiangtanlou a sepna mun a ka sep, kum 21 chinni ahihlam le ka phawkbun kei. Face-book, teltuam website khenkhat leh msg khawng thaikual a ka omlai in lungsim ah Nigerian proverb, "No matter how long the night is, the day is sure to come!" chih in hon lawng. Mangbat lungziin leh khuisat vungvung hunte om zel mahleh, lungtanga mihangsante'n hun haksa pen le thuak mualsuah naak-naak uhi. Hun haksa leh lungzinhuai zaw zanmial bangmai lah ahi a, beihun nei hi. Nelson Mandela in khovel paidan khenkhat khenlamdang lunggulh in nei hi. Maban limchizaw - deidanna himhim omlouhna deih in mangmat pih; huchibang hong tunni om di ahi chih gingta chinten. Lunggulhna neih amah diin thagui khauhpen ahi.

Ziing khat ka inkuanpihte'n inlam buaina toh kisai photo leh video clip ka download te en uh hi vial venchin, ka tanu -Tete Zomi in, "Auntie kholai fangte le joker thou uh black dress ngenngen a silh ua. A favourite colour uh ahi di maw? Uncle dawr-neipa'n 'rice' akoihna te (saiip) peuh asilh mawk ua..." chi bilh-belh hi. Anaunu Biabiak Paite in, "Papa, bangziaka ka U-ute a kaaplup mawk uh a?" chi. Aw! nanzoh vuallouh luankhi ka biang ah luang ziahziah e... "Papa, na mittui a pawt mawk a" hon chi zel ua,"Na U-ute kaaplum mawk uh hiven!" chi kawm in ka dinkhiaksan mai ve! Heiha!

Gensawn-chin paukam dorzon khat:
1. Where there is no vision, people perish - Prov 29:18.
2. Citizens should be the strict teachers who will tell leaders they have a lot of homework to do - Chetan Bhagat.
3. A patriot must always be ready to defend his country against his government - Edward Abbey.
4. Real patriotism is a willingness to challenge the government when it's wrong - Ron Paul.
5. True patriotism hates injustice in its own land more than anywhere else -Clarence Darrow.
6. Let us form one body, one heart, and defend to the last warrior our country, our homes, our liberty, and the graves of our (fore) fathers - Tecumseh.
7. I saw courage both in the Vietnam War and in the struggle to stop it. I learned that patriotism includes protest, not just military service - John F Kerry.
8. Once you take a decision, universe conspires to make it happen - Ralph Waldo Emerson.
9. Choices are the hinges of destiny - Edwin Markham.
10. Resolve and thou are free - Henry Wordsworth Longfellow
11. The only thing that I dread: not to be worthy of my sufferings - Fyodor Dostoevsky.
12. No matter how long the night is, the day is sure to come! – Nigerian proverb