Bluetooth Adapter or Receiver

User Rating: 0 / 5

Star InactiveStar InactiveStar InactiveStar InactiveStar Inactive
 

Bluetooth Adapter or Receiver

Written by Ginza Vualzong

Ginza

Technology a khantouh toh ki ton in thil thak phatuam bawl khiak in om sek hi. Tuni'n Bluetooth Adapter phattuamna i gen ding.

A tangpi tulai music system ten USB support tangpi ua, pen drive tung tawn hiam ahih kei leh audio jack toh phone thuah in la ki ngai thei hi. Pen drive a pan la i play chiangin LED display a omkei leh la i deih select haksa hi, khat khat a next next va mek ngai in om sek. Audio jack toh phone i thuah chiangin lah a gui sau louh ziak mah in phone toh music system aki naih ngai zel hi. Phone a thildang hih kawm ut te dia bang buai huai suak hi.

Hiai a tunga buaina te akipan suahtakna dingin Bluetooth Adapter om a, USB port a bulh in na phone hiam tablet hiam toh paired a, wireless tungtawn a la play theih ahi. Phone a ki pan awlsam taka la i deih deih i omna insung a kipan wireless a la play ziahziah theih mai dan ahi. A tangpi bluetooth in insung khat sung nuam takin huam thei hi. USB port omna khat pepeuh a zat theih ahih manin, car audio bang a zat theih dia, tua banah DVD player te bang ah.

A brand zil in Bazar ah Rs 500 akipan Rs 1500 tan man ding hi. Ken le ka zang a phatuam kasak ziaka kon share ahi. Kipak e.

bluetoothadapter