UPDATES:

S5 Box

ZOGAM.COM Login

Phone screen bang chi kepbit ding?

Phone screen bang chi kepbit ding?

Written by Ginza Vualzong

Ginza

Tuni in lawmte mi nih in phone sukia ua, a phone screen uh kitam sak a hih dan uh gen kha uhi. Ka houlim na ua kipan in phone screen kepbitna (protection) toh kisai aware lou tampi ki om dingin gintatna hon pia hi. Phone screen a kitap chiangin lungsim a nuam hetkei a, tua banah screen thak khek na dingin sum tampi sen beh ngai hi. A tangpi in smartphone screen te a thak in Rs 5000 - 7000 vel man a, tawm lou hial hi. Tua banah na kiang nai a Service Center a om kei leh a bawl hoih na dingin hun sawtpi lut zomah ding hi. Ahih leh bang chi pan lak ding? A nuai ah theihdan ki kum le chi i hi.

Galaxy S 4 Drop Test

1. Phone tuamna (case or cover)
Nin huai na sa mai thei na a, phone cover in phone vengbit pen a theih ahi. Cover chi nih om a Flip Cover leh Back cover. Flip cover in a mai, a pang leh a nung teng tuam kha a, back cover in a nung lam leh a pang te tuam hi. Flip cover in protection tam pe pen a theih hi a, back cover in le protect veve hi. Bazar leh online shopping te ah design tuamtuam muh theih a, nang toh ki tuak ding cover na mu ding. A tangpi in Rs 150 toh Rs 1000 ki kal khong in muh theih ding hi. Kei zat na kipan in Nillkin leh Pudini cover te quality hoih kasa mahmah a, huchi lou brand dang a hoih tampi le om tham hi.

2. Screen Guard.
Tu chiangin screen guard te pan thei mahmah ta a, screen guard a ki thuah lam le theihlouh phial a pan dikdek ta hi. Screen guard chi nih om a - plastic a ki bawl Screen Guard leh glass a ki bawl Tempered Glass ahi. Tempered Glass pen glass a ki bawl hi a, bang hiam chia phone na kiat sak leh na phone screen pen kek lou in hiai tempered glass pen kek masa zaw ding ahi. Tua banah tempered glass in touch toh kisai in superior glass feel plastic sangin nei zaw a, zat nuam zaw tham hi. Tua ziakin Tempered glass pen screen guard sangin mantam zaw hi. A tangpi in ordinary screen guard a brand tuam dungzui in Rs 50 akipan Rs 200 kikal man ua, tempered glass ahih leh Rs 150 a kipan Rs 500 lakvel man hi.

3. Phone toh chabi kuah khom louh ding.
Chabi toh phone a ki ngeih het kei a, sakhau khat a i kuah khom leh chabi in phone screen giit se ut mahmah dan ahi. Pocket tuamtuam a kuah a hoih ding.

4. Bathroom toh phone.
Bathroom a dailen kawm khong a phone khoih nuam mahmah hi na pi in, kiatsak a baihlam mahmah a. I kiatsak chia ki sik vulvulna tampi om nak khem hi. Tua ziakin bathroom a phone tawilut louh chu damdoi hoih mahmah ahi.

Smartphone man tam pipi a lei hang a, a screen protect sese lou chih bangzaw risky mahmah bang sa ka hi. Siing val val a i lei ngam leh i phone protect na di Rs 500 khong tan bek sum sen ngam ding ahi.

Hiai teng khong kon share thei a, phatuam nasak  ka lamen. Kipak e.

nx5 glas.tr ns01

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING