UPDATES:

Exodus Bung 20 Chang 12

EXSODAS BUNG 20 CHANG 12  ~ K.Lianthansang @K Thansang Zomi
sangquptongVok in ‘EK’ duhlua himahleh, EK tamlua le gaituanlou hi. Thamlou in, ek tamna mun,”EK-BUUK kuak” khawng a akiat khak chiang in, ne (eat) mawngmawng lou hi. Tua mahbang in, en le zuih zohlouh di pi, thu tampi gen sawmlou ihi. “ Khau saulua kikai awk “ I chih sek bangdeuh un, thu saulua le ninghuai maimai bang hi. Himahleh, “ Phulun pawtna di, Leikha in a keivang “ chihdan pian deuh in, ka tuailaipih-te’, SIATNA tuamtuam apan a EXSODAS (Peemkhiatna) hong tuntheihna di khop ka KEIH-VANG zohkhak leh chi’n thu tamlou siatkhiat kon sawm hi.

“Ka meh uh bangbang kihuankhawm a chih le kathei kei a, kane kei di, lim le lim mahmah kente “ chi inlan ne-kei gige mawk lechin, gilkial a si di nahi chih thudik ahi. Tua mahbang in, “ hiai thu zaw a TOPIC mahmah le BIBLE lam ahi a, asim anopkei di(tulai ate paidan)” chi inlan, simkei mawk lechin, nang’ GAWTMUN na lutna ‘chance’ apan, na  EXSODAS (Peemkhiatna) na di kuaman awlmohtak a hon KEIH-VANGSAK lou hial di uh ahi. Tua thamlou, GAWTMUN a na Peemlut zawk khak di lauhuai mahmah hi.

I TOPIC uah lut leuleu le, EXSODAS BUNG 20 CHANG 12 na ah, "Na nu leh na pa zahtakin: TOUPA na Pathianin a honpiak gama na nite a sawt theihna dingin" chih, zuauthu hilou kigelh ahi chih, mit(eye) neiteng in I muh uh ahi. A chih leh Nu leh Pate bang chi zahtaak di….???

NU LEH PA-TE ZAHTAAK DIDAN TAMLOU:

1) THUMANNA A ZAHTAAK:
Nu leh pa-te thu bangbang I mang chiang a ZAHTAAK kichi ahi di? Ei mah ngaihdan kigensiak le, kikalh(kiseel) nakhop a phakha dia, I Laisiangthou mah uh dawngsak ziau ni. Bible in, “……bangkim ah nanu leh napa-te uh thu mang un, huai tuh Toupa pahtaak lam ahi” chi’n (Kol. 3:20 ah) honna hilh khinta hi. Huai omdan tak bel, nuam isak-te kia mang a, nuam isak louh-te manglouh di hilou ahi chihna ahi. Hiai a agen kia hun salou in, Ephesate 6:1    na ah,” Naupangte aw, Toupa ah na nute uleh na pate uh thu mang un: huai tuh thil dik ahi ngala”  ana chih behlap hi. Nu leh Pa thuman, THILDIK ahi chih I muta uhi. Mihing-te iki et vengveng leh I ZAHTAAK te uh thu kimang hilim ve aw maw? Na Nu leh Pa na ZAHTAAK leh a thu uh naman ngeingei di ahi.

2) ‘MINPHA’ KHUKSAK A ZAHTAAK:
Nu leh Pa-te’, ’MINPHA’ khusak I chih chiang in, a min di uh adang nalh taktak Phuahsak chih hilou ahi. Tate’n, I gamtatdan, omdan, sep leh bawl, I nek leh dawn tanpha a Nu leh Pa-te ‘Minpha’ khusak a Pahtawi theih ahi hi. Lohchinna tungtuan hiam, Zukham, Damdawi kham, kisual, chihkhawng a I omchiang un; “ Amin bang? A nu leh Pa kua? Bang khawmi(Veng) ? Bang BEH?” chih te mite kidot masak pen hi pahpah sek hi. Huaiziakin, Nu leh Pa-te ‘MINPHA’ KHUKSAK A ZAHTAAK thei ding in, I omdan leh gamtatdan uah PILVANG ni..!

3) DEIHTHOHTAK A KEP A ZAHTAAK:

I Ngeek uapan a, Nu leh Pa te’n zan tampi ihmulou zeen a honna kep uh leh khoi uh I hivek ding uhi. Huai ziak tak a MIHING suak ihi uh chih thei masa ni. Tua ahihmanin, I nu leh Pa-te uh a hatnawnlouhchiang ua, en I kep thuk sam ding uh ahi. Numei khenkhat in, a Pasal’ Nu leh Pa it tak a kemtheilou…! A Pasal a iit leh chu, a Suangtu te a iit semsem di hi awmtak..! A Pasal’ singhawm leh Suanghawm khawng a piang ahihleh bel thutuam…!
“Puansia thuap leh Teekse thoih” kibang ahi chih I phawk ua, hoihtak a I etkol chiang ua le, sawt daihlou uh ahi chih I theih ua, deihthohtak a I kep ding uh kisam hi. Pasal khenkhat in, Zi aneih chiang ua, a suangtu-te simmoh mawk..! Huchi di zaw hilou deuh hi ve aw..! “ Ka nu leh Pa hailua, kikem theilou “ na chi kha de aw, nang leh nang ki taw-leem hidi nahi. Aziak ahihleh, “ Mihai kemtheilou “ himaimah di nahih chiang a, nang a di’n “ Mipil kep “ kichi van a gah toh kibang ding a, Pathian in nang kepsiam di’n, bang chibang ta(children) hon pep het diam awww?

Mahni sang a haizaw kemtheilou-te a haizaw uh chihna ahi. Huaiziak in, I haizawklouhna ding un, I nu leh pate uh deihthohtak a I kep ua, lungkimtak a I Mualliamsak ding uh ahi. Huchi hileh leivualzawlna le kidong deuh ding hi.

Writer's Note:
“A tung a Point tamloulou THUM I gen-te uh banah, Laisiangthou in, “ Na Nu kia hiam, Na Pa kia hiam na zahtaak ding ahi “ chilou ahihman in, Ei honsuangtu-te PIL in HAI tale uh, I zahtaak ding uh Pathian thupiak(Order) ahi. I zahtaak-te thu kimang ahihmanin, PATHIAN  I zahtaak leh a Thu I mang ding uh”.

2811-(KAKIPAK)-2013

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING