UPDATES:

Manipur Outer MP Election ~ Congress Party leh Manipur South District a Zomi te

Manipur Outer MP Election ~ Congress Party leh Manipur South District a Zomi te by Cole Sonn
colesonn
'Zomi te hailua sa ing Zomi kahi'~Lengtong Pauno  

I maban 17th April a Lok Sabha election omding ah, Party tuamtuam in candidate ding puang khe zou ta hi. A tallang deuh te:
 
1. Prof Gangumei Kamei(BJP),  
2. Kim Gangte(AITC)
3. C.Doungel(NCP)
4. Soso Lorho(NPF)
5. Mani Charenamei(Ind)
6. K.Zou(AAP) leh  
7. Thangso Baite(Congress)
 
Tutung candidate te i et veng2 leh, Main Party te lak ah Congress chihlouh siah in , Candidate te scrutiny hoihtak bawl masa ahi chih achiang mai hi. Pu Prof.Gangumei bang, ahih keh Pu C.Doungel bang en tale, society genlouh amau mimal in en lengle, a background uleh a credentials uh question haksa mah mah ding mihing ahi uh chih muhtheih hi.  
 
AAP te K.Zou bang en taleng, Tribal te, adiak a, Delhi lakvel a tribal students te cause leh rights buaipih den activists khat ana hi tawntung hi. Khentuam neilou in nasem, a nasep leh nekguk takguk a kibuallou a theih ahihziak natak a AAP inleng ticket a piak mah hidin ngaihsut huai hi. Igam a hiai Delhi lak khong dan a campaign a panlak ek2 theih bang hihenla, Pu K.Zou bang i Arvind Kezriwal di un thau nilh le tuh, thupi mah2 phek2 kha maithei hi. Ahih hang in AAP ichih teloi in hiai reservation lam toh kisai bang angaihdan utoh eiloi ngaihdan kituak kha khol louzel maithei.  
 
Pu Charenamei bang hih Independent candidate a MP ana ching viah2 khat ana hi mah a, a nasep leh mi awlmohdan i theih chet sem2 leh a deih huai na kithei sem2 hi. Lawmte khat in hichiin gen hi,'Central Govt apan in scholarship kamu ua, ahih hang in bang chi dan a process pai a, koi a bangchi sai ding chih buai mah2 lai in Pu Mani ki thuahpih na toh kamu thei ua, Kou amah theih ngei le hilou, Outer Manipur apan student kahihziak keleu a, hon hichi awlmoh lamdang kasa zozen' achi hi. Aman agen zel na ah, 'Hunkhat bang , Office khat a ka mi muhdi pa uh,dakkal 1 mah2 hong ngakpih a, amah Gari mah2 toh hong diangpih vial2 mai hi' chi hi. Huailou, Delhi lakvel a Eimi cause toh kisai ahi nakleh Pu Mani pahttuam dan theilou omkhol lou ding hi. Hichibang a panpih na lamet phaklouh a tuah ziak a kipah thu gen theih na sun chi a, a term nawn a Pu Mani adia vote khia Lawm pa sunte khat bang in eiloi khut mah2 ana thuak kha hiau mawk zel hi( Nuihzat huai lehlam mahbang zozen).
 
Atawp na a Congress te a Pa ,Pu Thangso Baite, the one and only Congress candidate igen ta uh olem. Churachandpur District hih a chik a chik a Congress chih akigen nakleh, kimin vek khin mah kibang maimah sek. Congress ahih nakle tuh vote di himai, 'Namniam te hun khe tu' , 'Christian te panpih tu chi in', huai a Pi Indira leh Rajiv Gandhi hunlai apan ina pi bawl mah2 uh Party ana hiden hi. Huaiziak mah le ahi dia, Congress Party in Churachandpur District adin hiai,huai hon hihsak chi a chih di thupi lua omkei mahleh, MLA teng2 bang Congress MLA ki phengphung maimah. MLA gentaak louh MDC te nasan Congress, opposition di om lou. Congress kha biak a biak bawl maimah ibang den uh abang hi. Huaiziak mah leng ahi dia, Congress in koihdan khat a hon koih in  'Aa hiai te pawl zaw, Candidate ei ut dan2 a kaih theih di koih lengle, Sih ngam a vote nadi uh ahi' chia Pu Thangso Baite hon sawl uh hidin kakoih mai hi. Congress in tutung a ,Adiak a Churachandpur mipi te hon bawldan heh huai vilvel kasa hi. CM Ibobi makaih in Congress Office ding Lamka ah hong ni in, CM pun ah, a Candidate pu nasep suah gending theilou ahi mai ding e, ''ama a asep sang a sem hoih zaw ding' chi leuh tel hi. Congress adi ana sephoih mipi adia nasep hoih hithei ngei mawng2 lou ding hi. Congress adia nasem hoih ahih aleh, MPCC President di khong in telching suk leu himai lou di adiam?. Huai ban ah Office hong a campaign bawl chi a 'ana vote un', ' na vote manpha uh ana pia un' 'hiai a sem a, huai a sep sawm a' ahih keileh ' na issue uh hiaite ,huaite hichiin ka sepsawm' chih paukam zaak di om mah2 tellou, CM gentaak lou a Pu Thangso bang inle, Manifesto leh Nasep di lam him2 genlou in Congress hoihdan leh thupi dan gen2 mawk, Congress candidate ahihziak a CHINGSA leh VOTE muvek dia hon koih mawk uh. Kisim moh huai deuh hilou hiam? CONGRESS in Churachandpur Mipi te 'Granted' a hon koih theih na uh bang ziak adiam? Congress Party in nasem hoih hileh, Delhi a Sheila Dikshit a thalkiak eu ou kei hialding. AAP te hong kipat dek in, Pi Sheila Dikshit in 'Hiai teloi, sawt adaih kei di uh, Politics paidan athei kei uh',chi in FlyOver khat le nih abawl muang in Campaign bang pibawl lou in om neknak, Kezriwal in a tutna apan khenkhe geih. Chohlua! Delhi ten Assembly a nasem lou, diktat lou leh Congress Party adia gin omziak a SEAT mu mai2 te a vote khiak theih uleh, Ei Churachandpur Mipi ten bangdia vote tei2 laiding? District khat, Organisation bang tam zozen, Omna mun a pau phan2, a langtang a Congress Party khat 'ut dan2 a kaihtal' sa. A mite zaw le thutuam, a Congress Party makai te mindset, ei loi hon muhna dan uh i ngaihtuah2 leh, lesson piak zek hun mah2 ta hin kamu. Churachandpur Mipi te 'Ka Vote nadeih uleh, Earned It' ichih theih uh hunta hilou hia?

COMMENT (5) PHA TA..  
  •  
  •  

#5#5 sonlalsingson » 2015-06-13 08:24

Thu gelh tupan ama ngaihdan gen in ka mu lel..a theih na bukim lou leh ground a reality issue pen a theihna kitasam mh2 in ka mu.Khanloh na dia bel grassroot level a politics pen I minam khosuah nadi omsun ahi tulai tak a..ei MP 2 lek neite issue toh mi MP 70/80 neite issue pen centre in bildoh jo tham a ei adia bel issue te MP level tan a tangkou lpih jpu di mi national parties te lak ah star elected member 1 lel le ki nei lou..

  •  
  •  

#4#4 samuelsektak » 2014-04-04 00:46

cole sonn na thu gelh kha na gelh hoihlua ,LAMKA Local News te a le suah din ana pethei le chin atam sem in simthei du hia maw?

  •  
  •  

#3#3 Cole Sonn » 2014-04-03 19:53

MP khat hi a, Parliament a 'Representative ' khat hi a, Mipi leh Society pressing issue te mipi te put up ngak ding mah adiam? Pu Mani Charanemei MP ahihlai in, Zodawn a Landmine issue leh, Burma lam a unau tampi matna thu toh kisai bang Parliament ah ana raise ngeita hi. Tunai zek a Delhi a Unaunu incident leh Racism case toh kisai bang ah Pu Thangso dai maha mawk. Arunachal leh Assam MP ten hon buaipih zaw uh bang maimah. Hiai toh kisai bangle le 'Congress' MP ahihziak a raise 'Theilou' or raise 'Ngamlou' get adiam?

  •  
  •  

#2#2 dawnkai » 2014-04-03 14:24

kupbeh le -

Aphual /amun a om ten issue phoulak di leh hiai /huai issue nahon etzui pih thei diam ? cih dan a ana genpih /ana zol tuan khollou bang le kihi mai thei hi.

En' issue nei masa le hang ..ahon utpih /utlouh pih uh hong kitel pah ding hi.

Ahim him thu in , ei Lamka bial(ccp dist) ading in bang pawimawh isa a le ?

Etsakna in :-

Education lam ah Post graduate ziltheihna cih bang
UPSC/SSC full fledged exam centre cihbang MPSC/MCS exam centre cihbang ,
Dedicated airport road (Lamka to Imphal ) cihbang,
Infrastructure projects viz.- Guite Road , Lamka -Moreh Road , cihbang
Border trade centre at Behiang cihbang ,
AR te lakkhiak di /thuneihna khengval lua cihbang ,
Town Development Fund
Mega water supply scheme for Khuga valley
Electrict zaw gen le agen uthuai kei ze zen phial ..leh,
Gas/LPG agency hawn beh di cihkhawng te vel mai mai bek issue kichian nei tei le chuh , ut le utlou a hon kamteh kha hamtang ding ua ..athu kipan tou tou himai di hia maw ?
(Independent / autonomy cihlampang te pawl ahih leh i theihbat awm kei a ).

(Dawnkai )

  •  
  •  

#1#1 liana » 2014-04-03 08:36

Dik lua...i gam & nam hon it pih thei mi mah i vote kuul hi. Kum nga sunga ana sep report mumal di le omlo kia hilo, manifesto nangawn gen ngamlo mi vote ipiak piak leh ei a vote tu te ahai ki hi lel maw!! Zomi Zogam hon it pih thei ding i vote kuul hi...

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING