UPDATES:

S5 Box

ZOGAM.COM Login

Zomi Khangthu (History)

(Speech delivered by Lun Valte on Bangalore Zomi Nam Ni Celebration 2013)
lun valteBang hang a hun paisa(History) sut ding ? - History hong ki repeat lou diing cih kuama’n gen theilou – Hong kipanthak(repeat) taleh hihkhelhsa bang a hihkhelh nawnlouhna diing a khangthakte’n i hihkhelhte i theih uh poimoh hi. Tua i theih ciang in maban ah lamdik (right direction) i tawnthei diing a, thupukna(decision) dik i la theita diing hi.

Tuni in Hun paisa thu toh kisai THUTANNA(judgement) gen diing a kisa i hikei a, THUPUKNA (decision) lak sawm leng i hikei a, Makai masate’ ideology/philosophy leh approach record a omte i theihdandan hon report/reproduce diing ka hi a, Journalist hikei mahleng tuni a gensawntu(reporter) bang a hong pang zual dingdan ka hi.
Heutute’n amau hunlai a hoihpen diing a agintakdan ua hon pi ahi ua, amau hon pina ciangciang tu a ei khangthakte’ dinmun ahi. Hoih i sakkeileh ei’ hun a bawllem diing a Pathian in hunlem (OPPORTUNITY) hon pia ahi. Tua kipan kum 50 leh abaan a i tu-le-tate’ dinmun diing tua ei khut a kinga ahi chih theih poimoh i sa hi.
Dotna: Zomi in History i nei a hia ? Zomi i cih zanzek a kipan hilou amaw ?
Dawnna: Kum zathum(300) vaal paita a Zomi ana kichi khinta i hi a, mite’ hon theihdan leng Zomi mah ana hi. Pong Chronicle kichi Meiteipau a R.B Pemberton in 1830 a aletna(translate) ah Chin/Kuki chi’n kigelh lou a, Zomi mah in hong kiciamteh hi.
Zomi’ History sut diing kichiantak (record) i neitham uh hi. Tuate tuni’n i sutvek sengkei diing. Etsakna di’n -

18th CENTURY

a). FIRST ANGLO BURMESE WAR : “Treaty of Yandabo” – 1824-26.
Zomi history a diing a poimoh pente’ lak a khat ahi. Hiai toh kisai tuni’n i sut mankei diing.

19th CENTURY

b). ZO GAL 1917 – 1919 : Kuki Rising cipawl zong om. Zomi history a diing a poimoh pente’ lak a khat ahi. Class la a kihilh(teaching) diing i hihlouhman in hiaipen leng i nawlkhin phot diing hi.

c). 1947- PANGLONG CONFERENCE: PANGLONG AGREEMENT

- February 1947 at Panglong, Shan territory, A mass meeting was held on the 20th February ,1947. The meeting was attended by Zo representative from Tedim, Falam, Haka, Matupi, Mindat and Paletwa Districts. In the meeting it was decided to unite these six districts as the Chin Special Division and the date February 20 was adopted as Zo National Day.
- Panglong Agreement was signed on 12 February, 1947
Hiai leng Zomi history a diing a poimoh pente’ lak a khat ahi. Hiai leng tuni a diing in maih phot leng i chi ahi.

Tuni a i sut utpen ahihleh Re-Unification movement toh kisai a panlakna deuhte ahi. Aziak ahihleh tulel a i dinmun uh leh hihna uh hiaite’ movement ah tampi ana kinga a, a hoihlam leh hoihloulam sut detdet uthuai i sa. Himahleh sinlai i deihman in tutung in ahoihlouhnate(negativity) uh leh kiakniamna ziakte uh sut tam zoding hihang. 1950-1980 kikal in kigawmna (Re-unification), Zalenna (Independence) - India leh Burma ukna nuai a zogam kikhensa kigawmna ding toh kisai a panla atampen hun ahihman in tuate sut deuh leng i ut hi.

1950-1990 -KIGAWMNA (RE-UNIFICATION) GALVAN TOH SUAL DIING A PANLAKNATE:

a).BURMA-Anti-Communist Freedom League(ACFL): 1957 kum a phuh ahi.
- Heutu tallang deuhte - Pu Soncinlian(MP Tedim), General Thualzen, Damkhohau,
Hrangnawl (MP Haka).
- Dampi gam ah Camp sat ua huai pen Tuisan Camp kici hi.
- 1964 in volunteer te group thum(Falam-Haka-Tedim) a khen in Burma Police luh diing in kisa uh hi. Haka ah Hrangnawl maikaih in mi 20 pai ua, Rih khua a Burma Army Platoon khat omna Camp luh ua, lohchingtak in luhzou uh hi. Haka bel luh zoulou uh hi. Aziak ahihleh a tupdan uh a thuguk saipawl in ana theih ziak un Army te ana kigingman uh hi.
- General Thualzen makaih in volunteer 700 val Tedim a Police station luh ding in kuan uh hi. Burma Army North West Command Colonel Colonel Vankulh leh Chin Special Division(Tedim, Falam, Haka, Matupi, Mindat/kanpetlet, Paletwa) a Commissioner Thawngcinthang te’n Zo suante’ a ding a haksatna tun zoding ci’n ana khou uh hi. Tuaban ah akipiakkhiat(surrendered) uh leh ngaihdam (amnesty) diing uh ahihdan ana genpih uh hi. Hiaimun ah avek phial un kipekhia uh hi. A kipekhia teng ngaihdam naak sang in Anti-Nationalist ci in Monywa Jail ah khum vek uh hi. A makaite ahihleh kipekhe lou ua gamnuai mah ah kibu uh hi.
- A nung in Burma Army te’n tuisan camp valuhkhia uh hi.

b). BURMA -Chin National Liberation Front(CNLF): 1964 a kiphut ahi. President Soncinlian, Secretary Pachungnung Parte, leh External Affairs Minister Damkhohau ahi uh.
Amau pawl mi 40, Pachungnung Parte makaihna in India gam a pawlpi, Tunkhopum a te pawl Chin Re-unification-Chin Liberation Army(CR-CLA) te toh training khawm diing in kuan uh hi. Jampi khonawl a Guest House (Bangla) a akingakna uah Burma Police te’n va um ua, mankhe vek ua Mungjua(Monywa Jail?) ah khum vek uh hi.
Hiai mun ah Pachunun Parte lel suakta hi. Amah pen khosung a mehding leh antang lei a kuan toh Burma Army te amau pawl luh ding a kuante toh khosung ah kituak uh hi. Amah Parte toh ka houlimna uah “keipen hon theitumlou uh ahihman in ka kipeel ua, ka nung etleh ka lawmte sepaihte’n a a-um uh ka gaalmuh” chi hi.

c). BURMA-Chinland Independence Organization(CIO): 1962 kum a kiphut ahi. Heutu tallang deuhte ahihleh - Thangkhansuan, Thangzapau, Haukhankhup, Salai Aunghte, Salai Myoaye leh Lianmang Lianmang ahi uh.

- 1966 kum in hiai CIO pen Zomi National Front(ZNF) ci’n khek uh hi.
- Amau pawl Kachin Independence Organization(KIO) te’ lak a training ahi uh. Himahleh Tedim area a a-om sung un bangchichi hiam in Government in bengdai hi.

d). INDIA- Chin Re-unification – Chin Liberation Army (CR-CLA): December 23, 1962 in kiphut a, President Tunkhopum Baite, Chief of Army – Lt.Col. Sonkhopau Suantak (ama zoh in K.Vungzalian), Lt. Col.Ngullet Baite -Home secretary, Paukhohau Khuptong – P.A. to President. Nengzathang Valte Southern Command, Northern Command ah Mr. Guite ahi uh.
- Amau sugnu Police station leh Singngat police station luhman ua, huaizoh East Pakistan ah training nihvei kuan man uh.

Note: A chiangzaw sem Laibu a hong kibawl diing ahihman in, ngak ni.

e). INDIA – Mizo National Front (MNF): 1961 a kiphut ahi. Heutulian tegel ahihleh Laldenga(President), Vanlawma(secretary). 1986 in Mizoram state mu ua, himahleh Manipur South District a te ana ki-utlou.

f). INDIA – Kuki National Army – UK (Demkhosiek Party) – Hiai toh kisai document ki base na ding ka muh nailouh ziak in a detail kon taklang theikei a, na hon ngaihsiam uh ka hon ngen hi.

Hiai a tung a pawlpite’ tup kibang vek hi. Zo suante India kumpi leh Burma Kumpi vaihawmna nuai a i gam sehnih kisuah pen gawmkhawm nawn diing chih ahi.

Zo suan i hi cinapi in Nomenclature(sakmin) Chin/kuki/Mizo/Zomi thu ah kithulual theilou ua, kihazatuah ua, tungnun kituh in aguktak leh a langtang in kinawk uh hi.

KIGAWMNA(Re-Unification) ATHU TOH PANLAKNATE:

- 1960 PNC memorandum to Pandit “Re-Unification of the Chin People”
- 1961 Haukholal Thangjom,Tunkhopum Baite, Kaihau Vaiphei telawi in Lal Bahadur Shastri kiang ah memorandum vapia uh.(Imphal ah).
- 1983 kum in ZNC in Re-Unification policy paipih kawm in back up plan in ki base na diing deihna kawm in India Prime Minister Indira Gandhi kiangah Zomi te’ kivaihawmna diing “Union Territory” nuai a provision bang a bawlsak diing in memorandam ana pia uh hi.
- ZNC General Assemply Kangkap - 22nd-25th January 1985 sent to Prime Minister, Governor of Manipur.

1970-90 –KIGAWMNA(RE-UNIFICATION) ZOMI MIN TAKTAK A PANLAKNA:

a). INDIA – Zomi National Congress (ZNC)- January 21, 1971 a kiphut ahi. President Upa. T. Gougin MA, Semkhokam Samte(secretary) – amah thakheng – Thangkhangin Ngaihte Mphil, Lalneihthang Hatlang(V.President), Women wing secretary - Kimneichong ahi.
ZNC - Armed wing Zomi Revolutionary Volunteer(ZRV). ZRV commander Khamkhogin Thangjom

- Hiai pawlpi in ahihleh policy nih nei uh hi. Kigawmna(Re-unification) leh India a Zomi te Union territory provision nuai a kivaihawm ding ngen uh hi.
- Den a i gensa bang in - 1983 kum in India Prime Minister Indira Gandhi kiangah Zomi te’ kivaihawmna diing “Union Territory” nuai a provision bang a bawlsak diing in memorandam ana pia uh hi.
- Luang le vaisuah(Tipaimuh) a kipan Tuibuang a DC’ office tan slogan sam in khe a pai ngatngat ua –ZNC manifesto leh slogan tuamtuamte sam kawm uh hi. – Eg. We Demand Union Territory Provision”. If ZNC dies who lives; If ZNC lives who dies” Zomi in ka piang a, Zomi in ka nungta a, Zomi in ka si diing”.
- ZRV te’n Singngat sub-division, Thanlon Sub-division leh Henglep sub-division ah lamlian ana sial uh. Khau-le-khua kizopna(communication) ah pan nasatak in ana la uh hi.
- ZNC General Assemply Kangkap - 22nd-25th January 1985 sent to Prime Minister, Governor of Manipur.

ZNC/ZRV puksiatna ziak tampi om ding. Tu khang a mite athei tampi om diing i hihman in kei a theiloupen in ka gen poimoh hi’n ka ngaihsunkei hi. ZNC/ZRV ziak in Mipite’n sinlai tampi muh uh ka gingta hi.

Siamsin te’n i subject ah ki sin ngeilou a, khangthu i sin ciang in Vaite leh Sapte’ history kia kisut ahihman in i KHANGTHU(History) sin ngeilou na nana khangthu nei ngellou bang a kingaisuna om thei ding mah hi. Hiailam a lunglutte’n sui zek lehang laibu sim diing zong tapi mahmah ana omdan ahi.

Ahi a, kei mimal’ muhdan in tu khang a ZOMI I hihlam kiphawkna diing a VAAK hon kawkmuh, asuk-atou, azu-aham thuak a TANGKOU Pu T. Gougin leh ZNC a akaihzatamte ahi uh. Tua hang in “Zomi Nampa” cih a om hial Pu T. Gougin ahi. Amau tuk a tha le zung seng a, doudalna nasatak nuai a pang ngam heutu tamlou cileng kigenkhial lawmlawm lou diing hi. Tuni’n Zomi Nam Ni i zat toh kiton in ZNC aphamta leh damlaite i pahtawi ahi.

ZO SUANTE’ KIKHENDAN - 1970 leh ama lam:
1. GAM LEH LEITANG A GAMGI (GEOGRAPHYCAL BOUNDARY)

a). FIRST ANGLO BURMESE WAR : Kum 2 sung khawng akidou nung uh February 24, 1826 in kilemna suai hon kaaithei khongkhong uh hi. Tua kilemna “Treaty of Yandabo” kici hi. Hiai a kipan vaihawm(administration) anop zawkna diing in gelhlouh gamgi (imaginary line/Demarcation line) hon khung uh hi. British government in India leh Burma khut a zalenna (Indpendence status) a piakkhiat dektak un hiai demarcation line zangsuak uh hi. Zomite’ a di’n poi petmah !

2. LUNGSIM GAMGI (EMOTIONALLY BOUNDARY): Nomenclature

A SAKMIN AH BANG OM HIAM ? IDENTITY/NOMENCLATURE CRISIS
(Know the symptom in order to give treatment)

a) KUKI: I theihsa ban un nidang a Manipur singtangmite Kuki a chiamteh vek i hi uh hi. Bang hang a taikhe pawl om hiam chih i sut zek diing.

1946 kum in Heutupa Zavum Misao makaihna in Imphal a Old Lambulane ah KUKI COMPANY phut ding ci’n kikhopna thupitak ana sam uhi. Tua hun ah nam tuamtuam Non-Nagate Kuki, Thadou, Paite, Hmar, Gangte, Gangte, Vaiphei, simte, Zou, Mayon, Lamkang, Maring, Anal, Chiru, etc.. chihte telkim phial uh hi. Himahleh hiai kikhopna ah Haokip te’n Haokip pau official language diing ci uh hi. Official language thu a kithukim theilou ahihman un kimkhat in meeting pailai pawtsan uh hi.

Tua hang in Khul Union leh Kuki National Assembly hon piang vilvel hi.

Eipaw Khul Union ah ki-om a kum tamlou nung in Khul Union zong active taktak lou in huchikawmkal ah Tribe recognition mu tribe tampi hong om a, huai nung kigwmkhawmna pawlpi taktak omlou in eimah paipai in i pai uh hi.

Khul Union apan Hmar te’n Mizo Union zom uh hi. Tua nunglam in Mizo Union in Lushai Hills Autonomous District Council hon ngahtak un Hmar bial(tipaimukh) huamkhalou maimah a, thangpai lua in Mizo Union nusia ua, atuam a ding diing ci’n December 5, 1960 in Hmar National Union phut uh hi.

1991 KUKI-NAGA clash hong kipattak chiang in alang tuak ah pressure om hi. Tua kawmkal ah Mayon, Lamkang, Maring, Anal, Chiru, etc a diak in Chandel District lam a tribe om deuhte’n Offciial tak in Naga ana zom uh hi.

MNF(Laldenga) leh KNA(Demkhosiek Party) kithuah ua, Chin LA leh NNC(Phizo) a te kithuah uh hi. Tuabang in MNF(Laldenga)-KNA(Demkhosiek Party) kipthuah in Chin Army (Tunkhopum Baite) tepawl aguktak in ana dou uh hi. Incident gentheihte bel – Maite incident, Teikhang(Baklui Camp) incident.
Conflict of Interest - Chin & Kuki & MIZO

b). MIZO: Laldenga in Tunkhopum Baite Mizo a fight khawm diing in ana kun hi. A convince louhtak in koihkhia hi. Amah kia lou Sialkal tangdung a CLA supporte (1966 – 1968 kikal sung in thah in om uh hi. Chin Army(Tunkhopum) leh MiZo Army(Laldenge) te Sialkaltang kituh uh hi. Confilct of interest –Mizo & Chin.

c). LAIMAL (LITERATURE):  Pau kibang nangawn laimal zatdan akibatlouh ciang in pawl khatte’n simhak sa uh a, pawlkhatte’ laigelhte sim peihlou se uh hi. Tua in tancin kitheihtuahlouhna piangsak hiaihiai a, atawp in kingaihnatna zong kiamsak a, ki-lainatna dausak hi.

Dotna : Bang ziak a ZOMI hingal a CHIN/KUKI ana zang uh hiam ?
Dawnna: Burma Government hon theihdan CHIN, India government hon theihdan KUKI ahihziak ahi.

Mimal ngaihda kupna1: Vaigam ah na om a, vaite’n na min Eg – THANG pen a lamsiamlouh ziak uh TANG hon ci ua, NGAIHTE pen NIGAITE hon ci uh hi. Ahihleh nang na min TANG hia-hilou. Na behmin NIGAITE hia?. Amau sim siamlouh ziak a na min leh behmin khek ding mo ? Ahihleh bangziak a Burma leh India hon theihdan meilet mawk diing ?

Ka min TANG ahikei a, THANG ahi na cih diing hilou diing hia ? A simsiam keileh “mawl e laisiam di’n le” cigeih lecin.

Ka hihna KUKI/CHIN ahikei a ZOMI ahi ci a government record kheksak diing hizolou ding hia ? Bangalore – Bangaluru, Orissa – Odisha, Culcutta – Kolkata etc etc. Min govt recognised min dikloute mindik a akheektheihleh en bang diing a kheek theilou tuanse diing i hia ?

Mimal ngaihdan kupna2: Sacrifice

Lohchinna diing a apoimoh leh i taan(sacrifice) ding khenkhat om maithei, tuate i theihsiam a i kimanna poimoh hi.

1969 a Laldenga in Kawmpui khawmpi ah Manipur South Distirct a heutute muh theitheih hong mu chi uh hi. MIZO nomenclature diing a hon compaign lai in ana pom utlou uh hi. Mizo a merge diing kimanlou cihna.

KNA-UK(Demkhosiek Party) leh MNF kizuiden ahi ua, Lushai Hills a MNF Camp khawng a omkhawm ahi uh. A tawp a Kuki sacrifice a MIZO a merge diing a Laldenga in a gen tak in utlou ua MNF pawtsan hiau uh. Mizo a merge diing kimanlou cihna.

Lusei/Lushai te’n amau Tribe taan (sacrifice) ngam khop in ana pang ua, Young Lushai Association kichi 1947 kum in Young Mizo Association (YMA) in kheek uh.

Tulai a in Tribe base a philanthropic organization te ZYA a khek diing kichi – hoihsa leh hoihsalou ki-om – Lets look for the next 50 yrs and beyond. Hileh a hoihpen diing hong piang diing hi.

Mimal ngaihdan kumpna3. Geographycal Re-Unification – tangtung di’n na gingta taktak hia ?

Kei mimaltak in Re-Unification(geographically) a taktak a tangtung thei diing in mengmuhna(vision) ka neibankei hi. India policy leh Burma policy i et ciang in baihlam hetlou diing ahi cih ka mu a, impossible bangphial in ka mu hi.

Himahleh Pathian nei namte’ ai hi a, Pathian a diing in thil hitheilou omlou. Amah ngen ni.

1960s: Chin Re-unification movement hunlai a Chin Army a ana pang ngeita mi bangzahhiam ka dong hi. Atawmza a kipan dawnna ka muh ahihleh –

- Back up Plan: “Tupna a saan leh kiatna sang” ci uh hi. Sialkal tang, Churachandpur, Chandel teng beek a lou theilou a UT/state a koih ding back up plan ahi ci uh hi.

“Ahihleh bang in hon daal pen hi’n na thei ua “ ci’n ka dong hi. “India a Zomite’n democracy nuamsa lua, political autonomy/status neihna diing a ataktak a sual(fight) peih omlou” ci uh hi. “Burma pen Military nuai ahihman in khauh mahmah a, i geographical location in a citlouh ziak in Karen/Kachin te bang in sawt kipang theilou” ci uh hi.

MNF movement lohchinna leh hatna bel Mizoram a 1959 – Mautam(famine) ziak ahi. Assam leh India government in ngaihsak lolou a, tuahang in tampi’n kialsih ua, mipi thangpai tinten uh hi. Mizoram National Famine Front (MNFF) pen 1961 kum in Mizo National Front ci’n khek ua “India solkal dou diing, independenc diing a sual ding” a cih ciang un mipi kithalawp mahmah uh hi. India solkal tunga thangpaihna tinten ziak ua mipite kithalawp uh ahi. 1971 in Union territory provision mu ua, 1986 in Mizoram full fledge statehood mu uh. Independent bel mu hiallou uh hi.

Tupna asaan leh kiatna saang !!

CONCLUSION:

Ei Heutute’ theihtuak:
a) Bang pawlpi hitaleh – a pawl neulua omlou in - Khotang vai ah, Sahkhua vai ah, Politics vai ah – Heutu nna lenkhate’ i theih diing ua deihhuai bel mipite’n hon phunsansan/gensiasia kawmkawm a hon zui thou uh ahi. Heutute’ dinmun a dingte’n i mohpuakna lian mahmah ahi cih mangngilh louh diing ahi. Heutu khat in YES/NO i cih un khangthu khekzou ahihman in angma sial lou leh mimal’ hamphatna diing kia en lou a, i mipite’ khualna a pan i lak taktak uh ngaita ahi. Thupukna i lak peuhmah ding chiang un tuak kipan kum 50 leh abaan ah mipite’ a diing in a phatuam diam, cih en masa gige lehang paikhial lawmlawm diing in i kigingtakei hi.


Ei Mipite’ theihtuak:
Christian kici ngen, Laisiangthou sinsak a kibulphuh(base) te i hi a Laisiangthou sinsakte salam kia a diing a kigen hilou a leitung i hihsung a i hihpih diing a sinsakna ahi cih phawk leng deihhuai i sa.

a) Kingaihdamna(reconciliation), ki-ittuahna:

Nunglam a omte mangngilh diing – Philippi 4:13-15 Nunglam a omte mangngilh in malam a om pen ka delh hi. Khrist Jesu a kipahman sang phakchiam ka delh hi. I lak ua a pil deuhdeuh bek in huchibang lungsim i nei diing uh.

Hun paisa a Heutute mohsaksak phatuam nawnlou. Hun paisa a tribe khat-le-khat kitheihsiam louhnate ki mangngilhsak tani. Sensitive lokeini. Mimal khat-le-nih toh kitheihsiam louh(Personal enmity) a amau nam (tribe) teng dembawl ekmawk keini. A diak in Facebook, internet media, leh TV leh media tuamtuamte ah communal thilte post leh comment nawn kholkei leng cidamhuai zaw diing hi.

Kingaihdam tuah diing –
Matthai 6:14-15 - 14Mi a tatleknate uh na ngaihdam uleh, na Pa uh van a om in leng a hon gaidam sam ding. 15Himahleh, mite a tatlekna uh na ngaihdam keingal un, na Pa un na tatleknate uh angaidam sam kei ding.

Ephesate 4:32 - 32Huan, kihehpih chiata lainatna nei in om unla, Pathian in Kris a ahon ngaihdam bang in, noumau leng kingaidam tuah chiat un.

Kolosa-te 3:13 - 13Kuapeuh in kua tung ah leng thubuai nei bang hile uchin, kithuakzou chiat in, kingaidam tuah unla, Toupan a hon ngaihdamtak bang in, kingaidam sam un.

Ki-ittuah diing –
Rome-te 13:8 8Kiittuahna loungal, kuamah bangmah ba kei un; amau mihinpih itpan dan a jui kimta ngal a.

Na mi hinpih, na chi na namte na it diing na bat ahi. Na it masiah bat pelou na hi.

Lemna zon diing –
Phatnalate 3:14 – Gilou paisan inla, thilhoih hih in, lemna zong inla delh in delh in.

Mathai 5:24 – Kilem loupi a maitam a thillat sang in kilem masak ding a gen hi.

COMMENT (2) PHA TA..  
  •  
  •  

#2#2 lemthei » 2013-03-02 10:56

Quote:

1. Ei Heutute’ theihtuak:
a) Bang pawlpi hitaleh – a pawl neulua omlou in - Khotang vai ah, Sahkhua vai ah, Politics vai ah – Heutu nna lenkhate’ i theih diing ua deihhuai bel mipite’n hon phunsansan/gens iasia kawmkawm a hon zui thou uh ahi. Heutute’ dinmun a dingte’n i mohpuakna lian mahmah ahi cih mangngilh louh diing ahi. Heutu khat in YES/NO i cih un khangthu khekzou ahihman in angma sial lou leh mimal’ hamphatna diing kia en lou a, i mipite’ khualna a pan i lak taktak uh ngaita ahi. Thupukna i lak peuhmah ding chiang un tuak kipan kum 50 leh abaan ah mipite’ a diing in a phatuam diam, cih en masa gige lehang paikhial lawmlawm diing in i kigingtakei hi. = Hoih e.

2. Ei Mipite’ theihtuak:
Christian kici ngen, Laisiangthou sinsak a kibulphuh(base) te i hi a Laisiangthou sinsakte salam kia a diing a kigen hilou a leitung i hihsung a i hihpih diing a sinsakna ahi cih phawk leng deihhuai i sa...
Hun paisa a Heutute mohsaksak phatuam nawnlou. Hun paisa a tribe khat-le-khat kitheihsiam louhnate ki mangngilhsak tani. Sensitive lokeini. Mimal khat-le-nih toh kitheihsiam louh(Personal enmity) a amau nam (tribe) teng dembawl ekmawk keini. A diak in Facebook, internet media, leh TV leh media tuamtuamte ah communal thilte post leh comment nawn kholkei leng cidamhuai zaw diing hi. = Hoih e.

3. Pu Martin Luther King Jr. in, "Khawmial pen gensiat suk mailouh a, a hawlkhiakna di'a vaak (light) zat/puaklut diing; muhdahna hawlkhiakna di'a muhdahna i zat (sawm)leh muhdahna paikhe lou diing, itna zat diing ahi" acihte pompihhuai. Sia Rev Dr JM Paupu in, "Mi it le'ng maw, mi'n honghaw lou uh eive" ci hiat lai ei! Heutu dinmun a dingte bang in, ei ngaihdan hon pompih teng it a, tua ciloute huamlouh (exclude) theih mawkmawk ahi. Huan, ngaihdamna/ maisakna tellou a vaihawm kici zong lamzan huai hetlou khat ahinawn. Mimal leh mimal kal ah, pawlpi khat leh pawlpi khat kikal ah ngaihdamlouh lungsim (unforgiving heart) neikha i om zenzen uhiam, i omleh tu mahmah in minu/mipa ngaihdam ni - the one who forgives first wins the day, cih khat le om hilou hia. Lungdam..

  •  
  •  

#1#1 liana » 2013-03-02 08:40

Lungtai huai mah2 e. Asim kha khempeuh in ahoihlam ngaihsut tei2 sawm in pang le maw. Re-unification lam i simtaak mah bang un thil hithei hinapi in geographical border in hondaal pen namai leh thumai hilo ahihman in India ZOMI leh Burma ZOMI te pen ZOLAND neithei tei2 din pankhawm sepkhawm (lungsim & thaa tawh) kihuh dial te lemgel in gam lai khiak tei2 som le.(Mahni Country tuak ah)..i pawl min te uh ZOMI min ngen mah a puah phat hun petmah, ei a mi tamdeuh (Thado, Paite, Hmar etc.) ten i nambing min te uh phiat meng meng in ZOMI min mah2 in paipih meng2 ni uh maw..abaan zaw amah leh amah a hong kisial to mai na di ahi..huai chian, Unau Mizo te a kinepna i koih sang luatkhak ding uh leng ngaihmawh din hoih..(inam min uh aki leh bulh geih bang in ikinepna uh le ki leh bulh geih kha mawk thei) huchi kawm kal ah panpih na, lamtuam tuam a i nget ua iva kuun ding uh bel haksa sak luat di le zaw hi kei zel...i gam i Nam adin DIKtatna tawh pang chiatni,..

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING