UPDATES:

Nu Vungzanem toh houlimna

nuvungzamenawards

NATIONAL FLORENCE NIGHTINGALE AWARD FOR NURSING, Nursing toh kisaia Award sangpen Ministry of Health and family welfare, GoI apan ana sang Nu Vungzanem Valte toh Houlimna.

Nu VZM: Nu Vungzanem, SB: Siamsin Bullettin


Bio data tomkim:

Min: Mrs. Vungzanem Valte
DOB: 22/10/1956
Present designation: Joint director(Nursing)
Date of first appointment: 20/10/1981.
Name of Husband: Mr. T.S.Thangta
Address: Hebron veng, Teddim road
New lamka, Churachandpur – 795006.
Class X: 1972 (Little Flower School, Imphal)
Class XII(the then PUC): 1974 (G.P. Women’s College, Imphal)
Bsc. Nursing: 1975-1979 (Christian Medical College, Vellore)
B.A.(Arts) – 1982 (program)


Hiai award ana sang khangeite:

1. Nu Vungkhoniang @Buang w/o N.Nengzasuan, Bungmual, Lamka civil Hospital (year of receiving the award: 2011)
2. Nu Nianglian, Deputy Nursing Superintendent, w/o Roukung, Kholum (year of receiving the award : 1986)
3. Nu S.Hoihkholing w/o Phungzakham Songput, D.Phailian (year of receiving the award: 2012)


SB: Tutung award namuh Siamsinpawlpi Ghq. Delhi in kon kipahpih mahmah ua hiai award namuh in bangchi in na react a?
Nu VZN: Praise the Lord! Pa Pathian ziakvek ahi. Kipahna  alian a lungsimah hichibang award latheidia hon support gige te hong lang hi. Amaute ahihleh; Ka nu leh Pa, adiak in ka Nun’ tunitan hondampih a ka award san hontheihpih ban ah Ka pasal iittak leh ka tate, ka sanggamte leh lawm-leh-vual hon support gige te ka phawk a atung uah kakipahna alian hi. Ban ah, hon deihsaktu Vualnam Vumlunmang leh Muan tombing te ziak in kakipak mahmah hi. Govt. of India, Ministry of Health and Family welfare leh Govt. of Manipur, H&FW dept te’n hon recommend ziak ua award sangthei kahihziak in atung uah kakipahna alian hi.


SB: National Florence Nightingale Award for Nursing kha bangchibang mite tankhak theih leh bangchibanga saankhak theih ahia?
Nu VZN: National Florence Nightingale Award for Nursing ahihleh Ministry of Health and family welfare, GoI in kumteng a mi sawmthum-leh-nga kiangah apiakkhiak zel ahi., ei state Manipur apan in mi thum nominate in ka om ua huailak ah kei hon select suak ua hucia hiai award sang thei kahi. Hiai award sangtheih nading in kum sawm(10) bek service experience neih apoimawh a, hucilou inle criteria bangzah hiam omte lak ah hon select na uh hidia kagintak aziak khat-leh-nih te ahihleh: (a). took initiatives in upgradation of G.N.M. School into college of Nursing. (b). took initiatives in upgradation and re-designation of Nursing Superintendent and Deputy Nursing Superintendent to Joint Director(Nursing) and Deputy Director(Nursing) te ahi. (c). strengthening and improving Manipur Nursing Council.

SB: Nursing na zilsung leh nasep sunga challenges(hon chou tu) natuah khenkhatte na hon hilh theidiam?
Nu VZN: Arts background apat B.Sc Nursing zildia kisa kahihman in science background neihetlou phial a zil kahihnatoh a kum khat/nih na tan chu haksa kasa mahmah hi. Kaipih lawmte sang a lumhak zaw leh thohbaih zawk thuah in lai kasim hi. Manipur ah nursing institution gina omlou G.N.M. school level apat college level ah dopsang pen challenging kasa mahmah.

SB: Nursing lam lungluthuai nasak ziak?
Nu VZN: Ka pianthak a kipan in Pathian apat sapna dan in ka mu a. Kazil ngeilouh leh ka subject toh kisai khalou himahleh mihinpihte panpih theihna lampi khat hi a ngai in Nursing zil ding in meltheihlouh gam vellore lam keimah in ka zuan vengveng hi.

SB: Nursing lam toh kisai ahihchiang in numeite adi biik deuh in ikoihsek ua. Huai hi in nathei hia?
Nu VZN: Tulai khovel kikhekta. Numei tetoh mekmat sese ahihsangin pasal tele kichihmuh in hiailam ah lunglut omleh profession hoih mahmah ahi. Pasalte phatuamna khenkhatte ahihleh; (a). Pasal tamleh nursing profession hatzo ding, administration lamleng numei sang in a fel zo ding uh. (b). Pasal tamleh naa(work) paihoihthei zoding in kagingta adiak in orthopaedic lam khong ah.

SB: Nursing lamah career bawl utte ading in thuchah.
Nu VZN: Nursing toh kisai bang institute hoihdeuh? Delhi leh asehvel khong leh south lam khong ah ei singtangmite adia sum seenglou a ziltheih na mun government institute te leh institute tuamtuam hoih pipi tampi te ki explore nailou lua kasa a alunglut omleh chiklaipeuh in hon dong le uh panpih uthuai sa kahi. Hiai informationte theihsak tuak tampi om hi. Hon dong le uh theihdan tawk a ahoihpen kawkmuh ut kahi.

SB: Siamsin Studentte kiangah thuchah.
Nu VZN: Laisim kha hong serious deuh le uchin. Kuhkalna leh ginomna toh simding ahi. Pathian phawkkawm in hon sim le uh lawhchinna om ahi. IAS kherkher chih ngailou, ihihna lamlam siamdeuhin zawhsawm le. Mobile phone a ki helhel penle asum mahmah sangin hun pammaih zo ahi.

SB: I minam in apoimawh pen hidia na gintak.
Nu VZN: Diktatna, Ginomna leh Kuhkalna.

Nu VZN: Bsc Nursing zildia kakisak lai a honna encourage gige te;
(a). Ka lawm iit mahmah Mrs.Nunmawi w/o T.Hangzo
(b). (L) Nu Nemkim & S.N. guite
(c). (L) U Jelshyam
(d). (L) Pu Vungluai & Pi Chhunmawi
(e). (L) Pa Kamgou te nupa
(f). Ka U Dalzathang Valte
(g). U.S. apat Brother Willis Richardson
(h). Little Flower School Headmistress Sis. Celine Michael & Supervisor Neile
(i). St. Mary School Vellore, Headmistress and staff
(j). Mrs.Niangkaihchin w/o Rev.Dr.Luaichinthang
(k). (L) Mrs. Ginzaniang w/o Mr.Chinkhenthang
(l). Pu. H. Nengsong
(m). Mrs. Ngaihvung w/o (L) Jamkhojang
(n). Mrs. (L) Maria Vungthang w/o Mr.Pumkhanpao.


Houlimna ah Nu Vungzanem gen khenkhatte:
1.  Laisim lai a chu min hon try le uhle kimansak lou photmai.
2. Interviewer: Nang science background neiloupi bangziaka interview dia na hong kuan?
Nu VZN: Bangziaka interview dia na hon sap uh leh? (preliminary test a through zoh a interview)
3. Bsc Nursing zil ding mi sawm-nga(50) alak nalak uah a sawm-nga(50) na chet kahi.
4. Sum seeng hetlou a kaam mu kahi.
5. Dorm ah dak kua(09:00)pm tan laisim phal uh. Ken dakkua zohciah toilet meivak nuai ah lai kava sim zel. Zingkal lam leng lawmte thohma khovak ma in puan kikhuh khum in torchlight toh pang in lai kasim zel.
6. Entrance exam ding hun kineh lawta lenna a pai ngai teitei lah seat tangngeilou kahihziak in seat tangloute bus ah a ding dandan ua dingmai poisalou a vaki ngenngen inga atawpa air hostess te tutna dandan hisim foldable chair khat hon dawhsak  huaitoh belh in hon gaakkhawm ua hucia Vellore zuan ding stop masa Calcutta tan lengtung thei kahi.    

* Nu Vungzanem interview na Lamphel SSPP, Imphal Block, panlaknatoh kineitheih ziak in Lamphel SSPP unit tungah kipahna lian hi.

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING