UPDATES:

D. Suanhau, Hebron Hair Cutting Salon neipa toh houlimna

hebronhaircuttingsalon

D. Suanhau, Hebron Hair Cutting Salon neipa toh houlimna


Zum leh zah khual lou a, ei singtangmi ten ana hih ut louh sam met hon sem a, tu in a sam met nung kum 25 chinna ahih toh kiton in Pu D. Suanhau Hebron Hair Cutting Salon 25th Anniversary i kipahpih thu Zogam.com tungtawn in i gen ahi. Sam met toh kisai a, a kipat khiak dan, haksatna a tuah te leh mai lam a kalsuan a sawm dan te houlimna a nuai ah i taklang ahi.


Bio Data:

Name: D. Suanhau
Zi min: Ngailianmawi
Ta neihzah: Thum
Pianna Khua: Pearsonmun
Tulel a omna: Vengnuam, New Lamka
Dawr min: Hebron Hair Cutting Salon, Hebron Veng, New Lamka.


Q.    Bang chik kum apat Hebron Hair Cutting Salon ana pan nahia?
A.     May 1st, 1995.

Q.    Bang ziak pen tak a, ana ki pan khia nahia?
A.    1995 kum in nikhat bazaar ah sam met sak dia ka kuan leh eimi a meet di a om kei a, vaite ngen a om ua, Pu-le-Pa te' hun apan ei-le-ei ki meet hanga, I khan touh deuhdeuh leh midang khut ngen ah ikinga deuhdeuh ua ka chia, huai ziak a hong kipan kahi.

Q.    Ei singtangmite' lak ah sam met na bawl masapen nahi hia?
A.    Hi.

Q.    Hon back up/hon patpih a om hia?
A.    Hi, ka u Upa D. Kamlianthang te' nupa in a lampi hon bawlsak ua, a capital di hon pia ua, a tung uah kakipah na alian mah mah.

Q.    Na nasep (sam met) toh kisai ah haksatna na tuak ngei hia?
A.    Tham tham. Ki kakipat tung in min' lamdang sa in hon et ut thoh ua, huan kilawm lou simpi a hon dek chiang un leh simmoh huai hon sak hunchiang un.

Q.    Sam met kivak na tham ching nasa hia?
A.    Etsakna din ah vaiten Bihar/mun tuamtuam akipan in hong delh vengveng ua, hiai apat a zi-le-tate uh a gal a chawm zoh uh leh ken zi leh ta 3 nei ing a, a thum ua Private School a kaisak zou sam (Pathian vualzawlna in) inn bahara, dawr bahara, nek di ki tasam tuan lou, kivak na tham ching lua maw le.

Q.    Sam met napat tung in mikkhat sam na met man bang zah, tun bang zah ahi a?
A.    Kakipat tung in mi khat sam met man Rs. 3/-, tun ah Rs. 30/-.

Q.    Na met tam ni pen in mi bangzah sam na met zou a (record na koih om hia)?
A.    Ka met tam nipen in mi 73 chet a ka met zou.

Q.    Huchi ahihleh bang ziaka eimite'n mukmul na met/kiat louh uh a?
A.    A thawn di ngen a aki koih ziak ahi, a hon gen ua leh ki met/kiat sak ahi a thawn a.

Q.    Tun ah eimi sam met mi bang zah nap ha tau a, vaite' le bang zah khong a pha di uh?
A.    Eimi siang chi ni Paite 12, Hmar 13 leh vaite 61.

Q.    Huchi sam met te' bang chi bang dinmun in naki koih ua, bang ziak in?
A.    The great silent politician‚Ķ hahaha‚Ķ. Lamka a sam met na eimi ten luah suak le, i market humbit hi ding, I gam ei khut a om hi ding.

Q.    Vaite dawr te' ah mi 4/5 bang a om ua, nou bang ziak a nou kia ah sem na hia ua le?
A.    Kei tel in eimite' ki society dan i siam kei ua hi.

Q.    Mi dang sam met dan train na sawm hia?
A.    A ut teng train ding, tun SSPP HQ toh hiai thu process a pai lel lel. A tam theipen kipat mengmeng hoih kasa.

Q.    Kum 25 bang sam met ta nahi a, na damtheihna lam toh kisai a su kha in na thei hia?
A.    Tampite' gintak dan in khut a kham kei zaw a, khe a kham a, kawng a na a, achang in khe a bawk hun ton bang leng a om hi.

Q.    Na nasep toh kisai in appreciation chihdan na mu kha ngeita hia?
A.    Hi, 2003 in SSPP HQ in New Field Explorer ah certificate, Angel's Vision ten interview 2 vei, leh tun ah nou.

Q.    Customer toh kisai kipahna tuam bik, mun gamla, gintak hetlouh sam hon met sak om uhia???
A.    K. Salbung, Rengkai apan permanent bangzah hiam ka nei a, Tuibuang  ah leng. Huan Delhi apan, Imphal apan, khopi tuamtuam apan kei met ding mawng mawng a innlam hon pai chiang un hon naih ua, huai in tha hon pia mahmah.

Q.    A bul ah kik nawn zual le, Sam met na i chih vaite a di kia i sa a, nang na hon bawl pen bang tupna nei a hon bawl na hia le?
A.    Nam khat ihih leh mahni poimohte midang aki nga lou a, mahni a ahithei tan sepkhiak poimoh kasak ziak ahi

Q.    Na kiang a samtan dan hon zil/na sinsak te'n hamphat pih in nektawm zonna amu in akitou delh thei un na mu hia?
A.    Hi, akitou delh zou ua, a loh ching mah mah uh.

Q.    Tutan a sam metna kum 25 vingveng na bawlna ah lohchinna hiaizah na muhna ah khangthakte a di'n thuchah nop bang na nei a?
A.    Lampi khat peuh zui mah le hang lung ke lou a kuh kal a poimoh a, survival of the fittest a effective kei leh "survival of the zummoh" bek apply din hoih kasa.

Q.    Kum 25 bang sam na met nung in nang ah bang musuah na nei a?
A.    Ka muh suah leh kavei tuh i khua Lamka ah vaite tam gawp, septheih leh theih louh teng sem uh, huaite enle sem thei thou hang a, en sem vek le vaite kiang a "pawt khia un" chih se ngailou di khop in lam chiteng zui in ei kipat ding leh I market eimah in control poimoh lotel petmah ahihdan ka mu suah thak thak.

Q.    A tawpna pen din ah hiai interview na tungtawn Lamka mi te' kiang a thukhah/thuchah nop na nei hia?
A.    Hi. Nek zonna khat peuh aneu lua a om kei a, kuhkal isuah peuh leh nek kimu ahi chih theikawm in pan la thak chiat ni.

Q.    Kipah huai ei na hun manpha tak na hon pia a, na customer te' bang in hon ngak dipdep ua.
A.    Keile kakipak.

Houlimna hon khak tu: Siamlallun Nunthuk.

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING