UPDATES:

Interview with Lhinghoikim Touthang, IFS

kimtouthang thumbMiss Lhinghoikim Touthang, in zanzek a UPSC saina nuai a Indian Forest Service Examination 2011 result suak ah a lohchinna thu ZOGAM.COM in a zak phet in kipahpih nuam leh houlimpih nuam in New Delhi a omna ki kansui a, aman leng a hun manpha tak hon piak man in i kipak mahmah hi.

Miss Lhinghoikim Touthang @ Baby  ahih leh Hill Town, Thangzam road a om Pu Semjakam Touthang tanu upa pen ahi. Amah Class VII a kipan Shillong ah lekha sim in boarding leh hostel ah ana om hi. Hun awl a neih chiang in novel sim leh movie et nuam a sak dan tak ahi. Amah mi hin zia mi pautawm ahi a, ahih lam lam a mi chi tak ahi. Amah tawh houlimna a nuai bangin I taklang ahi:

 

ZDC: ZOGAM.COM
Kim: Lhinghoikim Touthang

 

ZDC: Kim, tutung IFS na lohchina ZOGAM.COM in kon kipahpih mahmah uh ua, nang mu dia hong ka hi uh.

Kim: Ka lohchinna ZOGAM.COM in non theihpih ua, keile kaki pak lua.

ZDC: IFS a dia na ki prepare dan tomkim, na laisim dan leh na study materials te non gen thei diam?

Kim: Ni khat in dakkal 6-7 khong lai ka sim a, kal khat in ni 5 khawng regular tak in ka sim hi. IFS exam july kha a omsek ahi a, February kha apat laisim ka pan taktak hi. Coaching class ahihleh Evolution Coaching centre ah ka tel a, study materials hoihtak hon piak ziak un, ka main paper (Botany) leh optional paper (Agriculture) ading in book dang ka refer tuan se kei hi. General Studies di'n newspaper ah The Hindu ka sim a, magazine- yojana, kurukshetra, pratiyogita darpan leh competitive magazine te ka sim.

ZDC: Interview na ah bang bang hon dong ua? Na dawng theivek hia?

Kim: Tutung interview ka lungkim mah mah, nikum a ka interview na sang in ka hih hoih zaw. A hon dot uh ahih leh bio-data related leh Hobbies, Optional Subject, Women empowerment chih ahi. Avek in chuh ka dawng thei kei hi. Hon dotna  khat uh ahihleh DFO(Divisional forest officer) hi le chin, nang chauh in Naxalite te mi 10 tuak kha lechin bang na loh di? Na thau in na kap diam? chih ahi. Ka dawnna ahihleh kei kia ka hihman in, amaute ka provoke kei di chi in ka dawng. Aban hon dong nawn ua, ahihleh nang bangmah lohsom lou,amau nang hon kidnap le uh bang na chi dia?. DFO ka hihna ah responsible takin negotiation ka bawl di ka chi hi.

ZDC: Na Results na theih a na reaction banga?

Kim: “Exams ngai nawn lou ding” chi in ka lung a muang mah mah. Huaizawh in Pathian kiang ah kipahthu ka gen.

ZDC:  Na tuptan tung hin naki thei hia? Hiai na lohchinna kua credit na pia a?

Kim: Hi, ka tupna tan tung hin kaki thei. Ka lohchinna Pathian malsawm na ahi a, tua banah ka nu-le-pa te leh well wishers te hon thumsakna te ziak hi in ka thei.

ZDC: IFS chih lou exam dang bang bang na pia a?

Kim: Civil Service ka pe zel a himahleh ka lawh ching khol kei. MCS le ka pia a, tu in result ka ngak lel.

ZDC. Bangziak a IFS lunglut na hia?

Kim: Ka neu apat in environment leh nature lam a lunglut mi ka hi a, huai banah IFS ka ut ziak mah a Botany subject ana la ka hi, ka subject line a official tak a administration ka lak utziak ahipen mai in ka thei.

ZDC: IFS te nasep bang ahia? Na lungsim a sepsuah masakpen dia na tup bang ahia?

Kim: IFS te nasep pipen hi a ka theih dan in, Scientific management of forest, Implementing forest laws in scientific ways chih ahi, Forest resource te scientific deuh a manage di, huai banah tribal rights toh forest management lam apai khop gige ding ahi. Nasepte ka pat ma in a local situation leh programme tuamtuam ana paisa te study masak poihmoh kasa. Ken ideal deuh a kana ngaihtuah ahihleh forest a sing kung vasuan bang ahihkei leh town sung a sing kung suan chihte kana ngai poimoh mah mah. Gamdang khawng i et  leh lampi kiang khawng ah singkung pou i muhchiang in chidam huai kasa a, i gam a hiaibang hihtheih ding hiam chuh ka theikei hilele ken ka ngai poimoh mahmah hi.

ZDC : IFS ah bang cadre na tang a?

Kim: Tu lel in bangmah ka thei nai kei. Ka preference ahih le bel amasa pen in Manipur & Tripura cadre ahi a, a nih na in Assam & Meghalaya cadre leh a thumna in AGMUT cadre ( Arunachal Pradesh, Goa, Mizoram and Union territories) ahi.

ZDC: Manipur pen tak bang ziaka na tel a? Singnuaimi tuam tuam a tamlua a nasep haksa lou di hia?

Kim: Manipur ahihleh i home state ahi, i home state a forest conservation lam ah sep ka ut ahi. Nasep haksat leh haksat louh chu Manipur chihlouh ale koimun peuh ah om ding in ka gingta , himahleh ka sep ding pen hoih tak a sepsuah ding ka tup ahi.

 

adminswithkimtouthang

ZDC: I gam ua sing-le-lou/gua kiam hul hul, vuahtui lah tawm deuhdeuh hiai bangloh leng a hoih dia?

Kim: I gam ua environment lam a siatna uang mahmah kha shifting cultivation ziak hi deuh pen in ka thei. Shifting cultivation pen khenkhat a dia nekzonna ahihziak in va khauh pai theih ahi kei a, huaiziak in alternative solution zon ngai hi’in ka thei. Amasa pen in hiai lam tawh kisai ei lak a awareness kitasam kasa a, hiai pen pi bawl di'n hoih hi. Seminar tuam tuam, talks, school field trip te neih tam hoih kasa a. Project omte monitoring leh implementation lam etzui hileh hoih mahmah ding in ka ging ta.

ZDC: Singphuk, mei hol haal, sa kap leh adang dang te i environment leh climate nasa tak in a khoih kha a, hiai te bang chi leh i bawl hoih thei ding a?

Kim: I gen sa mah bangin mei hol haal, sing phuk a zuak etc te mi khat a dia nekzonna ahih ziakin, va khaam pum lum pen haksa mai thei. Himahleh nature replacement om thei zel leh hoih mahmah ding etsakna in sing khat phuk na in sing nou khat suan hi thei zel leh. Tua banah sing nou suan culture i society uah ki encourage leh ut huai kasa. Event khat khong a mi poimawh Chief Guest te khong sing nou suan sak zel leng, mipi a dingin example hoih tak hong hi dia, i gam in a environment lam a phat tuam pih mahmah dingin ka gingta.

ZDC: I lamka kho sung a vasa muh ding a tam nawn het kei a, a om sun sun teng i kap lum gai ua, tua banah gam sa bang le kiam hiai hiai in muh theih hi. Hiai te ziakin ecological balance nasatak in su buai hi in na mu hia?

Kim:  Nature sung a om plant leh animal te a ki balance tuah vek uh ngai ahi. Khat a tam zawk or a tawm zawk le ecological cycle teng buai vek thei ahi. Huai ziakin hiai tawh kisai bang le awareness mah pi bawl ding a hoih ahi.

ZDC: Laisim lai a ngaihzawng neih hoih hia hoihlou? Nang tulel in ngaihzawng na nei hia?

Kim: Hiai chuh mimal decision ahi, ahihziak in laisim lai te ading in ngaihzawng supportive deuh leh understanding te nei thei leng ahoih ding ka ging. Tu lel in ngaihzawng ka neikei.

ZDC: Tulai in facebook a ki thang mahmah a, nang facebook na hih zel hia? Zogam.com lah na en zel hia?

Kim: Facebook account nei mah ing e. Ei lam news theih na dingin Zogam.com pha tuam kasa a ka en gige.

ZDC: Nang bang a IFS lunglutte ading in bang advise nawp na nei a?

Kim: Lungkiak hetlouh di, i lungsim a hih theih ding ka hi chih gige a confidence nei deuh a pang ding ahi. Tua banah consistence tak a laisim ding ahi. Kei le ka attempt masak lai in confidence kana nei tawm kha a, mahni a ka ki muan zawh louh ziakin ka performance a hoih kei hi. Huaiziak in nang mahmah ki muang ngam lechin na loching ding hi.

ZDC: Na hun manpha tak na hon piak ziak in ka ki pak petmah uhi. Environment tawh kisai awareness i gam a nasatak a hon drive dingin ka hon deihsak ua, hiai tawh kisai a panpih dingin Zogam.com team te ka man gige uhi. Na nasepna maban a na hong lawh chin touh ka hon deihsak uhi.

Kim:  Ka kipak e. I gam a dingin sep theih theih sem dingin ka hon pang di. Ki thuzak zel leng maw.

 

BIO DATA:

Name: Lhinghoikim Touthang
Fathers name: Semjakam Touthang
Add: Thangzam Road, Hill Town
Dob: 16 June 1980

Father's Name: Semjakam Touthang
Mothers Name: Thianneihoi
Brothers: 1.K.Boilal Touthang
               2. Genminlun Touthang
Sister - Chingbiaklian

Education - Class A - VI Donbosco churachandpur
          - Class VII - X (1996)St.Alberts School, Shillong 1st div
          - Class X1 - XII (1998) Lady Keane College Shillong 1st div
          - BSc (Botany) (2001) Lady Keane College Shillong 1st div
          - MSc (Botany) (2003) NEHU Shillong 1st div   

Optional for IFoS : Botany, Agriculture
No.of interview for IFoS - 2
Email id: This email address is being protected from spambots. You need JavaScript enabled to view it.

 

adminswithkimtouthang2Kim with Ginza and Archi Lun

.
COMMENT (26) PHA TA..  
  •  
  •  

#26#26 Paite John » 2013-04-25 00:04

Mahila District ah hong omkha le maw...Lamka mahila dist. mah hilou maw :lol:

  •  
  •  

#25#25 tawtorot HD » 2012-06-22 14:41

ken zaw i gam uh khantouh nang in amipite mh2 mohpuak liansa zw ing.. lookng back d past... Govt in singno teddim road gei tengah asuan lam uh theikha ngei ing,hilezong a mipite mh2 in kep malak salak sangin a um na dai leh a dang2 hihsia bngzah hyam k theikhata hi. Govt moh sa pah2..hilele Govt in ahih sun2 ei mite mh2 in kemlou a susai ,.tuailai zukham kiphasak te bngle uang diak.. lanva lui mh2 le en leng dust bin lui himaimah ta.. population tom mh2 lah..

  •  
  •  

#24#24 tawtorot HD » 2012-06-22 14:39

ken zaw i gam uh khantouh nang in amipite mh2 mohpuak liansa zw ing.. lookng back d past... Govt in singno teddim road gei tengah asuan lam uh theikha ngei ing,hilezong a mipite mh2 in kep malak salak sangin a um na dai leh a dang2 hihsia bngzah hyam k theikhata hi. Govt moh sa in gen sia2 lai zoh mah..hilele Govt in ahih sun2 ei mite mh2 in kemlou a susai ,.tuailai zukham kiphasak te bngle uang diak.. lanva lui mh2 le en leng dust bin lui himaimah ta.. population tom mh2 lah..

  •  
  •  

#23#23 sontunglut » 2012-04-11 20:25

Khatvei lawmte toh houlimna ah Govt officer na hih chiangin na posting na mun din koi mun na tel di chin ka kihoulim ua, lawmte teng in shilong, Delhi, Mumbai etc etc chin ahon dong ua. Tua nang Home state manipur mah natel hi thupi konsa a phat huai konsa petmah hi. I gam ipuahkei leh kuan hon puah dia, Officer Bihari pa'n maw or Tamil Officer nu'n mo? No No...! Ei man igam puah dia ikisak ding uh mah ahi. Banah, igam a gamsa hin vasa hita leh muh ding om non lou, Airgun leilei pawl te tung ah FIR hon bulh khum vek dih....Good Bless YOu!

  •  
  •  

#22#22 thangzamuanguite » 2012-04-09 19:47

Thilchhia a awm avang in thil thra hi awm ani a,chu ti ang bawk in hmelchhia a awm avang in hmethra chuh a awm bawk ani,itilou em mi,thian a? 8) :lol: mahse areng reng in a hmel pawh achhe bawklou.Athrabe m lutuk ani.a fuh tlat ani top mai asin :-)

  •  
  •  

#21#21 haNShipQuaKS » 2012-04-08 16:52

Kim Congrats!!! Pu Semzakam Touthang kha 2000 or 2001 apan PTC ah kong om uh hi. Vengkhat a tengkhawm hihna ah theiluat te ana himai mah uh. Kipahhuai mah2 ei, laisiam te mah2 hampha uh chia!!!

  •  
  •  

#20#20 system32 » 2012-04-08 12:56

Quote:
12 Vangngaihk » 2012-04-03 15:32
Kipahpih huai lua(2).A limlak nanung pen bang tuh, agei a tegel ziak le ahikawm deuh diam, amel bang le hoih deuhdeuh bang ve aw......Suangpi kaal a Lengchenghoi Pak mah bang ...ha3.
:lol: :lol: :P :P :lol:

Quote:
5 tempawng » 2012-04-03 10:43
awnglai chihdan aihtu..a email id om zomah...piching iau di himai
Lungke lou in aw lawm :-* :-* :lol:

  •  
  •  

#19#19 thangzamuanguite » 2012-04-05 21:39

kim na suahpihpa ka hi aw kong congrats ahi. Ginza le threm thram zezen.ha ha :lol:

  •  
  •  

#18#18 biak_08 » 2012-04-05 08:20

Kipahpih huai mahmah e, Hearty Congrats... ! Kim. Inspiring leh challenging mahmah e, sinlaite adi diak in.
Kudos to Zogam.com, Interview simnuam mahmah e.

  •  
  •  

#17#17 mm11000volts » 2012-04-04 22:53

Congratulations !!
Quote:
#12 Vangngaihk » 2012-04-03 15:32 Kipahpih huai lua(2). A limlak nanung pen bang tuh, agei a tegel ziak le ahikawm deuh diam, amel bang le hoih deuhdeuh bang ve aw......Suangpi kaal a Lengchenghoi Pak mah bang ...ha3.

hagaga :lol: :lol:

  •  
  •  

#16#16 Ahijel » 2012-04-04 20:47

Kipahpih Huai AHIJEL pilna ichih amau inkuan apan om mawk ahih chia, Tz road a a om ua leh PTC Vajing a om ua leh Kuki Innpi hithei te ahih chia. Buailai bang hileh Tuibuang tawnsuk ngam Light House hong pel tou ngam te pawl himai thei maw.

  •  
  •  

#15#15 skngaihte2004 » 2012-04-04 09:18

Kipahpih huai mahmah e. A last sentence " I gam a ding in sep theih theih sem in ko'ng pang di" chih kipahpih huai diak. Midang tampite ading a etton taak ahong hih ka lam a, ka deihsak. Toupa Thupha !

  •  
  •  

#14#14 adule » 2012-04-03 19:27

congrts

na kuhkalna leh lohchinna etton tak huai mah ma e !

  •  
  •  

#13#13 tclguite » 2012-04-03 15:49

Apa Semzakam, kipahpihna thu kahawn khak e.

  •  
  •  

#12#12 Vangngaihk » 2012-04-03 15:32

Kipahpih huai lua(2).
A limlak nanung pen bang tuh, agei a tegel ziak le ahikawm deuh diam, amel bang le hoih deuhdeuh bang ve aw......Suangpi kaal a Lengchenghoi Pak mah bang ...ha3.

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING