UPDATES:

An interview with M.Kamminthang (Director, Amazing Grace Babies Home)

Tuni in Pathian ’hehpihna tawh M.Kamminthang tawh houlimna hun manpha i zat theih manin lungdam mahmah hi. Heutupan zong a hun manpha tampi ei a ding in hong piaktheih lailai man in ama’ tung leh a innkuanpihte tung ah lungdam hi. Amah ahihleh Amazing Grace Babies Home a Director ahi.

Thudang gen nawnlou in a nuai ah readNlive admin. leh M.Kamminthang (Director, Amazing Grace Babies Home) houlimna sim ni!

PERSONAL PROFILE
Minpi: Kamminthang
Min neu: Nei tuanlou mi hon sap dan2 hi mai
Pa Min: (L) Engvum
Nu Min: (L) Nemsiam
Beh: Munsong
Education: B.A, B.Th.
Hobbies: Laibu sim, mi panpih, naupang toh kipolh etc.
Seplel: Director, Amazing Grace Babies Home

rNl: Amazing Grace Babies Home nawn pat mi tampi te adia panpihtu hi ngei din iging a bang chik apan a nana lunggel a?
Dawnna:- Tagah khanglian ka hia, tagahte itna, awlmohna leh veina ka sisan ah belh gige hi. Ahihhang in, Tagah etkolna patkhiak ding chih kana lunggel ngei kei. Kum 5 bang Orphan Home (Mt.Carmel, Muolvaiphei) ah kana semkha.

rNl: Kua kiah na share masa pen a like nu/pa, lomte or Pathian?
Dawnna:- Ka lunglutna pen ana himahleh sponsor khong omlou a hihthei mok din kana koih kei a, kei hih dia kana koihlouh ziakin Toupa leh midang kiangah kana share kha kei him2 (To be frank). Mission field a skul khong va bawl chu ka lunglut in ka gen sek a Lamka a ka om ding vanglak leh awlmoh huai kasak banah ki self support thei ngal ding chiin Drugs Addict kepna pat kana tum hi. Huai toh kisai Heupa Rev. Khen P. Tombing kiah  August 2008 vel a ka gen leh hon awi kei a tua ka nnasep uh hon kokmuh hi. Ka ut pentak hiven chiin, Toupa kon buan ek ua, hon chiamtu om kei mahleh Ginna a kipan ding chiin April 25, 2009 in kong kipan khia uhi.

rNl: Grace Home a naupang na kep te mi bang chi deuhte, kum bangzah mi ahi tang pi ua, leh bang chi dan in na la zel apai dan nawn hilh thei zek diam?
Dawnna:- Amazing Grace tuppen chu kua mah deihlouh naungekte piakkik louh dia kep ding chih ahi. Naungek piangtung a kila deuh a, ka zong tuan kei ua, ahong kipia chu Toupa apat ahi chiin kana la mai uhi.

 rNl:Tulel2 in mi bang jah na kem a, maban(tukum sung) in mi bang zah khong na lak beh som?
Dawnna:- Naungek 7 kana hun khiata uh. Nih ta neitheiloute kana pia sawn ua, khat in ahon sihsan a, tu lel in kou a (1) toh 5 ka kem lel uh. Mabaan ding bang mah ki gentheilou hi. Toupa a kinga ka hihman un, amah hon pidan dan ahi dia Naungek ahon piak leh lak ahi mai ding. Fund ki neilou ahihman in naungek ki zawng tuanlou hi. Bang kim Toupa khut ah…..

rNl:Hon pitu/panpih tu bang jah khong na nei a?
Dawnna:- Hon pitu leh makaihtu nuai lam apat ka nei kei.Regular sponsor chihdan omlou, gifts a ki manage! Ka pat ua pat tunitan khut ka doh nai kei ua worker leng hire zolou in ka zi toh ka single handle mai uhi!
rNl: Pathian nasep na chi khat ahi a lamjangthou naki sa hia? If yes, hiaisang a panlak thak zawk/keklet zawk na som hya le?? Heutupa…
Dawnna:- Ka gintak kheel in Toupan hon pi a lamdang kasa hi. Kum 3 ding ahita a, official nna leng sem manlou a naungek buaipih den, fund zonglou a ki om a, Toupan ahun leh amun zil a panpihtu ding hon piak chu thupi leh lamdang kasa, ka manglam khong kasak hun atam.
Ma ban ding ka ngaihtuah lel2 laitak ahi, bang hong chi diam ah, I gam ah thilhoih/nna hoih sem kipahpih leh phungvuh chih aom lua kei a maw!

rNl: Pathian na sem la hi / social worker la hi thou nang bang a na ngaihdan?
Dawnna:- Adik hi. Revealing Christ in words and deeds. Pathian mihing ah lunglut ahia, abik takin tagah, genthei leh meithaite a kankuah pente ahi uh, ka lung a kim mah2. Tunglam adia theihpihtu muanhuai, nuailam adia social worker hi mailou ding? Salam leh khalam nnasepna ahi mai kei maw?

rNl: Gen dik mahmah chia, I gam ah thilhoih/nna hoih sem ki pahpih lehphungvuh chih a om nak sang a I Paite sung a khat-leh-khat ki gen tuahna kou le thang mahmah a ka theih te uh leh ka deih louh pen uh ahi. Rumors khong hun paisa ah tuak kha tham mah niteh maw? If yes, huai te na bang chi maituah?
Dawnna:-  Rumors I chih chu nna kasep leh ka kho-ul apawt chih toh kibang ahia ahi ding him a ngaisut a kho-ul nulkhiat a sepzom zel ahi. Opposition party omlou in ruling party aom thei kei. Huih ahong nung a, koi a hong kipan, koi lam manoh chih I theilouh leh buaipih louh bang un ahi rumor kana maituah sek but thil nuam zaw ahi gige khol kei. Rumor chu I zak leh zaklouh aom dia, serious lua ka zakha nai kei, sum a kibuallou ka hihman un hon demna ding uh, muzou lou lampang ahi ding uh, hou chik2 khong hi hon gente uh (hehehe). Eg: Mi chalak pil, baihlam tak a nekmuh tum, sum leh pai, lalna, dinmun etlah man a hiai khong hih, mi ki liansak ka innsung uah min nekding hong pia uhen, nekzong lou semlou chih khong ahi. Asia lam sang in ahoihlam ka zatam zaw vanglak uh.

rNl:Naupang te bang c bang in na enkol tangpi ua Salam le Khalam ah?
Dawnna:- Home Piching tak a ki vaipuak leh ki enkol ka hinai kei ua banah amau leng neu chik2 ahi lai ua (pau kisin pan) innkuan bang in ka om un ka khosa lel uh. Ka ta ahi tamai ua, kei tate toh khenkak theih ahi kei. Salam leh khalam a ka innsung a ka hihtheih teng amau tungah leng ka hih chihna ahi mai, tomkim taka gen in.

rNl:Haksatna tampi na thuak ngei d ua naupang chih jiak a mai2 tuanlo d ahih na ah, huai te lak a khat(1) na hon share thei diam?
Dawnna:- Haksatna tam mah ei, I kho-ul kai hial inbel a kisem  kei chihman hi. Tampite lak a khat hon teelkhiat ding vuak le haksa sim hiveh aw. 24hrs duty ka hi ua ihmut taksapna leh tawldamna om mumal lou ahi haksate lak a khat. Ut hun2 a luptheilouh, thohtheihlouh, a sun azan a khat khit khat khit  buaipih ding om den phial hi.

rNl: Hichi bang nana sepna uh thupi kasa ua maban a le hon hahpan zaw sem in, kou rNl ten le naktak in thumna ah kana phokdiu omnuam leh mangpha… Lungdam lua ung Toupan na nasepna uh naktak in hon vualzawl hen aw.
Dawnna:- Kei le lungdam nong kuppih nuam man un. Ka taksap pen uh Toupa thilhihtheihna ahia, huai chu thumna mah a muhtheih ahi. Thumna in thilhih thei hi. Toupa thupha, na vek un…

Source: FB Zogam.com Group

.
COMMENT (9) PHA TA..  
  •  
  •  

#9#9 thangzamuanguite » 2012-05-17 19:25

hichi bang na hoih sem kipahpih huai mahmah e! genthei tagahte panpih kilawp huai mah2 e.Tamsem hong om henla gentheihluat jiaka siatna khukpi a lutlai dingte humbit in hongom le uh

  •  
  •  

#8#8 zomching » 2012-03-23 13:32

u r blessed, and will be.... keep it up

  •  
  •  

#7#7 zolian » 2012-03-20 07:04

Hiai interview na ana simkha a, thil omdan enkhe dia hong kuante lak a Toupa Sikha muanhuai apat ka mail muh kon tanglang. Tha hong pia mahmah hi. Toupan vualjawl hen. Sum leh pai khel2 ngailou hi. Thumpihtu, vehtu, khamuantu, panpihtu, gensaktu etc aom gige ziakin i kipak mah2 hi.
"Amazing Grace Home na bawl uh ka mit uhtawh kong muh uh ka lungdam. Ngaihsutna tampi hong pia hi. Na kipiakzawhna uh thupi ka sa lua. Topa'n hong ompih den hen la, na ta note uh leh no innkuan hong vualzawl den hen aw."

  •  
  •  

#6#6 Tribalgirl » 2012-03-18 02:49

Quoting zolian:
@Kamlian, Bungmual, Lamka ah.
@Tribalgirl, Theih leh theihlouh aom. Anu/Apate uh ka muhkhak aom kei. Ka innsung a hong kipia na na2 chu nial chih om theilou. HIV chihte kha lungsim ah omthou mah ei. A kipoimoh a, Doctorte banah NGO dangten le hon kithuahpih lua uh. Thumvei sisan test ahita ua, a siang sitset ua, lungdam hang. Toupa hoih hi, Toupa thupha.


Kipah huai e,non dawng a,banah, hon kithuahpih tu di bang a na omzel na tung ah le kipah huai mah2 e.

  •  
  •  

#5#5 Kopthep » 2012-03-16 21:34

Hoih lua..tagah, genthei leh meithaite panpih kha Pathian deih lam ahi.

  •  
  •  

#4#4 zolian » 2012-03-14 11:52

@Kamlian, Bungmual, Lamka ah.
@Tribalgirl, Theih leh theihlouh aom. Anu/Apate uh ka muhkhak aom kei. Ka innsung a hong kipia na na2 chu nial chih om theilou. HIV chihte kha lungsim ah omthou mah ei. A kipoimoh a, Doctorte banah NGO dangten le hon kithuahpih lua uh. Thumvei sisan test ahita ua, a siang sitset ua, lungdam hang. Toupa hoih hi, Toupa thupha.

  •  
  •  

#3#3 Thangbiakmuang Guite » 2012-03-13 19:34

Pathian min a na nasepte athawn hilou ahi. I will remember u always...! God bless

  •  
  •  

#2#2 kamlian » 2012-03-13 08:32

Good work. Koitak ah, koi khua ah, kuateng in nasep hoih sem uh ahia cih gelh khalo hia le, ka mu kei a... :oops:

  •  
  •  

#1#1 Tribalgirl » 2012-03-13 02:29

KMT, hong lohching tou zel un,kon deihsak. Questions neukha kon dong nuam sim a,kei lunglutna lam leh awareness ahia ka theih ziak in hiai ah kon dong mai di.

1. Naupang te nu leh pa theihlouh hia/theihlouh?
2. Thei louh bang hita leh,background la theihlouh ahi mai ta a,tulai in HIV leh natna tuam2 tam toh,sisan test sak chih khong na hih uh hia?

Chihteng in kon zou phot di. Ngaihsiam louh lam ahihleh,ngaihda m.

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING