LAAM-HAI!

User Rating: 0 / 5

Star InactiveStar InactiveStar InactiveStar InactiveStar Inactive
 

LAAM-HAI!
By. G.Zo

ginneithangzou

Manipur MLR (L&R) acts 1960 Section158. Special provision regarding Schedule Tribes :
"No transfer of land by a person who is a member of the Scheduled Tribes shall be valid unless (a) the transfer is to another member of the Scheduled Tribes; or (b) where the transfer is to a person who is not a member of any such tribe, it is made with the previous permission in writing of the Deputy Commissioner, provided that the Deputy Commissioner shall not give such permission unless he has first secured the consent thereto of the District Council within whose jurisdiction the land lies : or (c) the transfer is by way of mortgage to a co-operative society."

I gam huinun jie leh Zosuan (Chin-Kuki-Mizo-Zomi)te social politics, economy leh population dinmun et in lungjing huoi ahinamai e chilou gen ding umlou hi. Singnuoimi tamtah um a, tuoten gam ngainat na toh theitawp suo kisa in panla uhi. Ahin lah a bawn in ngaidan ki banglou leh deidan tuam ngen na himawh hi. Tam ngaidan leh movement kibat louna tah in I minam sung a chihoi lou tu in sangam melma hing suoh a, Zosuan kaal a ki melmat na leh kitual delnan I gam hing jel suoh a, tuni tan in sanggam kituoh theilou leh political aim kibang theilou in kisih et-in hoi lang sang in siet nan I gam jel den hi.

I pupa satsa I gamlei kepbit ding a kipan singnuoimi ten SoO hing kai in i gam nei na ding, bitna ding leh damna ding hiva chia ikinep lai in" Manipur Integrety kep bitna ding na hijaw mawh hi ( Agreement a Manipir Integrety susie lou ding chi point khat na hi ahi man in). Zalengam dei a eima kivai hawmna dei ihileh Manipur integrety kep bit na ding a suoi kaisang in 6 schedule or district autonmous tan beh muna ding in na kai uhleh sildei huoi mama leh umlaw umjaw ding in gingtat huoi jaw tham hi. Khang khat phial sisan naisan toh lam etna lian tah nei a kisual Zalengam/Zogam/Kuki land khu khat vei satmit ahita phot mai hi. India Indipendent umjou apat in Zosuan sung a political movement jieh a a hinna na pie hunkhop te sisan toh te i dinmun uh kikhie in neo hina mai e chilou gen ding um lou phot hi.

Manipur a singtang miten I gam huh theina dan(Law) I neisun uhleh tutan a,jangmiten i gam ang thunei theilou na dan (law) umsun khu Manipur MLR (L&R) acts 1960 section 158 ( Atung a kang tahlat) leh India Constitutional article 371C na hi giep hi. Tuo dan(law) na umlou hileh gam neilou te naki hi ding a, I gam a Meiteite hing lutta ding uhi. Adieh in Manipur states sung a ding a gam ang huhpieh dan(law) umsun chu MLR(L&R) acts 1960 section 158 na na hi veuvou hi. Population ni chin in khang a nanleh gam khanglou ahi man in, tam dan khu manipulate akin thei bang a bol ahilou leh a gam nei a kigen Meiteite a ding in umna ding mun kochih ahitah jieh in, tam dan(law) indirect tah a hending khu amau te a ding a hinsuo na lampi umsun a hing hita hi. En amate gam kilei thei a amaten eigam a leithei lou pen, siljum huoi tah khat jong hing suoh veve hi. Ahin, i gam humbit thei na ding power like autonomoustan beh mulou a i gam i sacrifice mai ding pen, khangsawnte a ding in mangthah na hoi tah hing suoh hi. I poltical leaders te, gam huh ding a kipie i nam sepai ten, bang politics tawl a, bangpen I target uh ahia chite gen chian thei tahtah umlou bang hi. Atahtah a gen in jaw politically a LAM HAI! na kihi a diei maw chithei khop hial din mun i tung uhi.

Khristian hi na centenary bang kilawmta a, miten Khrist khu damna, hauhna, ki lemna, ki ittna a a neilai un, eite Khrist pen bang tuam ahi mawh diei?! Chibang ngaisut thei khop hial in um hi. Bible in ang na hil ki ittna te apat in i gam la mama mawh ua. Innsung, khawsung, hattuam sung, nam khat leh khat kituoh lou leh ki ngaidam theilou te leh phulah(revence) tuo utt ngen tang ki hipian mawh hi. I Khristian na uh lah I tengpi nam te kung a, i ensah thei mawh ta sih ua?!. Ki dihsah na ki chapou sahna leh kibol theisah na khu thungpi (beg) puo a puote na kihi laijang mawh hi. I Khristian lamjawt na leh ua LAM HAI mi nam ana ki mawh a diei chi bang ngaisut na a hing um hi.

I society a plateform mutam pen te khu hattuam nasem Pastor leh Upate hi uhi. I society heng lam dang na ding in Politiciante khut guoh a kinga hijaw lou in, hattuam Lamkai leh Pastor/Upa te khut a atamjaw tham kinga hi chi utt dan ka hi hi. Pastor/Upa te ding in boundary umlou in a peina chin uah mipi mai a thugen thei na plateform tangte na hi uhi. I gam siam hoina ding leh i gam damna ding in, mihing silbawl sa thau leh hiam heite hilou a, THUTAH ahi hi. Thu in mihing lungsim jou a, kivuo, kisat, ki elgawt na toh lem na u ngai lou hi.Tuojieh in i society damlou siam hoina ding in Pasian Thutah toh ikipat lou un chu, I gam gen tah lou i-ta,i-naote leh i-jii te nasan jong ki huhjou lou ding hi.

"LAM- HAI" ichi chiang in, mihing khat mun khat juon a a pei a lampi dihlou juikha a a tung na ding mun a tung lou chiang in lam hai kichi hi. Ni dang in paa(mushroom) sui a kuon ahilou leh sabeng a kuon te lam-hai mun dieh ua, khawsung mipin na gam suijel uhi. Tuo bang tuohte a tangpi in, tuoh khial (dawi in a pui) mite na hi utt uhi. Tuo bang in, i tudin mun uh ih ett leh i political movement uh bang a hia, i Khristian thugin uhleh iKhristian hin dan uh ett in lungkham huoi hinna e chilou gen ding umlou khop hial in ki um phial hi. I minam (Kuki/Zomi) dinmun ett in Social Politics, economy leh Christain principle a LAM HAI ita diei maw chi ngai tuona lian tah hing nei sah hi.. Tuojieh in social politics, religion leh economy reformed ding khu tu dinmun a Zosuan te ding a poimaw mama khat ahi hi. Politics ah law ching vai ichileh i Christian Principle uh hoitah a ijui masat uh silpoi maw tah khat ahi hi.Tuo ahilou leh ikhawsuo na ding uh sil hamsa mama khat suoh hi. Jerusalem chiimsa kilam kia bang ai social political, religion leh economy dinmun lamtha kia ding a pan lah khu kulleh poi ah. Lungdam ing..