Scholarship

User Rating: 0 / 5

Star InactiveStar InactiveStar InactiveStar InactiveStar Inactive
 

TamungHauzelHehna/lungkimlouhna I genkhiak leh a dam chih I thei. Siam leh siamlouh thu hillou in Kenleh ka lungsim a om; hongkam gige kon gelh khe di adam theih khakleh.
Oxford MiniDictionary in Scholarship thumal hichi’n ana let khia hi, “Scholarship is a grant made to support a student’s education”. Bangziak a hiai hongtel(select) khia kahiam I chih leh kasiamsin pihte ading a aphatuam theih khak aleh chih ka ngimna ziak a hi.

Vangphat huaitak in kum 2008 in ken cl-X, CTHSS apat in kana zoukhia hi. Ka hamphatna sawn sawn bel Maths ah letter mark kamu. Huai kamuhziak in school in vaidangka 1000+some amount honpia uh hi. Huchi bang bok in ka maths teacher uh Sir Lianzapau Samte(Tulel a SSPP Gen. President) toh Sir Nilabi in sum a sang tuak tuak uh hi. Asum sang uh amau kipiakzawhna(sacrifice)tawh teh in a tawm mahmah hi. A poimawh pen bel sum a hikei a, a min hoihna uh a hizaw. Huchi’n Higher secondary I hong kaitou chu high school tawh ana kibang nawn hetkei. Vasa/sava a buk(cage) apat a leeng khia mah kibang himai. High school kailai a I teacher te’n hon “spoon feed” petmah uh ahihlam kitheikhe phing aka le.

Tleirawl tung laitak hi zomah, curiosity a kidim.Thiltheih/experience ut kihau petmah(good & bad). Et ut, theih ut, zak ut, try ut mah hongtam. A hatpen bang kisakkhak a om khanak. Mi khawng tawh kisual.Thuaksa khawng a inn kitung; mi I vuakna khut khawng bang hek. Mi’n I mai hon sukna uh biang khawng bawk, annek theihlou hunkhawng bang le omtham hi’n maw…an nekham phet khomui zul a lawmte toh kipolh bang nuam ki a kisa. Huaihun ah chiamnuih, skul a nungakhoih I sakte khawng kikum hanga theihlouh kal a dak tam pi pi ana gingzel. A tangpi a dak 7-8 a inn kipai. Lawmte, lungsim neideuh ana om uh(kei bang banghilou). Huaite’n bel a laisimna uh a ki subuaisak het kei ua a sim di zahmah a sim thou uh hi. Himahleh kei bel inn katung tawh lup hun sawt kihal nawnlou. Hichidan a nuamsa(ana kisa) tak a hun zangtou pa kha cl-XII exam hontung dek tak tak zaw aw buaithou sam keive. Lah, thilteng ana kikhel vekta. Note ka neih sun sun teng sim in exam kava pia a, vangphathuaitak in 2ndclass in kon zou khe ham ham hi. Cl-X a maths a letter mark muzou pa’n cl-XII ah 17 kon mu chu et nadi kitheilou phial himai. Ka kisik petmah a himahleh hihtheih kanei nawnkei hi.

Manipur Board, I theihsa mahbangin a suakhak thei petmah a, admission I deihna ah a kimu kei tangpi hi. Ken kahihleh Dawi havangkal ah St. Anthony’s college, Shillong ah kamu hi. Scholarship apply hong hunta Cl-XII(commerce) a 60% tunglam mute’ng in MERIT scholarship apply uh. Huaizah mu zouloute’n tribal scholarship ki apply nai nai. Sum lak hon hunta; amau tam hon la zawta uh. Eng huaisim. I eng dek chiang a highschool/higher secondary school kailai a I hunzatdankhawngmitkha a honglang dun dun. Engthei di din mun a kidinglou. Lungsim a chu,” ken leh huailai in ana sim khale’ng zaw amau muh zah mudi inga, kanu dawn zangkhailotel di hi’ng a” chih khawng ka ngaihtuah chiang in poi kasa deuhdeuh hi. Tantawk a lungkim lou pa chu ka hi phot maive. HIMAHLEH(kon chi lai lai dia) ka siamsin pihte, tua Cl-IX, X, XI, XII sinlel(sia leh pha khen theite chiang)ka hasot nopna a honggelh teitei kahi(zum huaisim mah leh).

I nuleh pate ei adia a kipumpiakna uh thupilua. I damsung in I dinseng ngeikei ding uh.Thudik ahi. I nute/pate’n I theihlouh un mittu ibangzah vei a nul ua chih I theihpih kei. Ei ziak a mittui nul nul maidi uh mo amau? Ei ziaka a dah/lungkham theih uh leh ei ziak in le a kipak thei veve uh hi. Huaiziak in laisim lai ihihleh, I lai mahmah chi tin ten photle a hoihpen di’n kagingta. Hileh I tuhgah mah I at dia cl-X I zawh apat in scholarship te tungtawn in eileh ei kitoudelh(atleast to some extend)theidi ihi chih kangaihtuah khia hi. Cl-XII zawh bangchu I siam a I siamnak a leh scholarship apply theih nadi nak tam lotel. Tua ka lawm pa mahmah(meiteite) in le cl-XII a ahih hoih ziak a scholarship apply a, tua ngak lel lel ahi(a sum a amuh di ahihleh, vaidangka 1.6 lakhs chouh ahi)

Nidangchiang a mi eng a om na ut kei uh leh, Ka thiltuah(experience)a kipat in a tuak nailoute’n kibawlna in ana zangthei mahmah le uh chin kachi telmai. Kei ma(before me)inle mi’n ana tuak ta tham di un kagingta, himahleh kei a tawpna hi mahmah le’ng chih ka thumna ahi. Simtute tengteng limlang a mai en bang phet hilou di’n Toupa’n hon vualzawl hen.

.