Engineering service result toh kisai

User Rating: 0 / 5

Star InactiveStar InactiveStar InactiveStar InactiveStar Inactive
 

Engineering service result toh kisai
-By Thangmuansang Guite, Admin-Lamka Engineers  

thangmuansangguitenew

Kum 20 phial nung, bangchik chik ahi de aw chihchih nung in Manipur sorkal in State Engineering service recruitment honbawl khong hi. Pawlkhat in bel ngaklah mahmah in result a leng eimi hunkhop I om ua kipak hang. Ahi a result suak nanung pen a Electrical Department SO grade-I & II exam na a seat 54 ST (Singtangmi) te a di liu-liau a kikoih na a ST 32 keleu a list a tuang hi. A candidate omlou mah ahih lamen in, hiai hi om mengmeng lou thil ahihna ah a pam-maih mahmah mai hi.

Hiai toh kisai in Lamka Engineers in ngaikhok mahmah in poi kisa mahmah hi. I ST vacancy le ki luah dim zoulou chu ahilai.

Government paidan in bel backlog vacancy a om di in, kumnawn a exam a om ding, ST te-a pen kuaman luah theihlouh chih ahi. Himahleh Manipur a bel General te’n ahon mawk luah khak uh lauhuai lah lou hi. I theih mah bang in SO level a Engineering Service lut te mah promotion hong omtou in tunung a Assistant Engineer, Executive Engineer I neihte hong hi uhi.

Hiaiteng baan ah eimi te mentality khat pen Class-X leh XII first a pass lou ten engineering zil kisawm lou naak hi. Phai a Polytechnic bang aleng kumteng in Electrical ST seat 14 leh Civil ST seat 19 om in eimi te sang in unau Naga lam ten ana luah zel uhi.

A mi in kidaihlou hiam, ngaihsak louh ziak hiam?  Hihtheih tawm mahmah in poi mahmah hi.

A tawpna ah, engineering lunglut a bang line/stream lunglut chih chiang loute adia a deihsak huai bel Civil, Elecrical leh Mechanical Engineering te ahi. Hiaiteng core engineering branches kichi in engineering stream teng lak a upa pen te leh line dangte hiaite apat suak-khia ahi uhi. Anihna a Government/Public sector in poimoh gige hi, aziak a service uh basic infrastructure ahihziak in. India dan a developing gam in developed gam sang in poimoh zaw diak hi. A thumna a nasep manufacturing sang in construction oriented zo hi- automation tawm in mihing khuak mahmah ngaise. 2004-2006 lak in Pentium IV computer chihte kizang in Computer Science Engineering hon bloom (laar) mahmah hi. Ahihziak in Computer Science engineering kichi a nasep mi khat in ahihtheih, a command theih lianlua in mi tawm poimoh hi. Computer engineer khat in programming/coding bawl in software khat a bawl pen mi a ut zahzah(infinity) in zangthei hi. Huaiziak in employment leh opportunity tawm zaw hi. Electronics engineering leuleu ah chip (mobile phone a om IC I chihte) khat bawl nang in mi khat in a design khit chiang in printer a paper I print mai bang in print theih in, kiman tak in bawltheih hi. Automated ahihziak in manpower/brainpower tam ngailou hi.

Neek-taak zonna, survival mah ki buaipih lai hiven maw.