RUSA I Chih Bang ahia?

User Rating: 0 / 5

Star InactiveStar InactiveStar InactiveStar InactiveStar Inactive
 

Rashtriya Uchchatar Shiksha Abhiyan (RUSA) I Chih Bang ahia?
-S Muansangluai Ngaihte @ Sangluai Paite
M.Phil Research Scholar UGC NET
sangluaipaite
“The most important and urgent reform needed in education is to transform it, to endeavor to relate it to the life, needs and aspirations of the people and thereby make it the powerful instrument of social, economic and cultural transformation necessary for the realization of the national goals. For this purpose, education should be developed so as to increase productivity, achieve social and national integration, accelerate the process of modernization and cultivate social, moral and spiritual values.” (Radhakrishnan Commission on University Education-1948)

Thumapi
India gam pumpi  mun chih mual chiha siamsinna lam dop sangna ding ngimna in phualpi solkal in scheme tuamtuam, plan tuamtuam leh project tuamtuam te parliament session om chiangin lui khiakna nei zelin, tamzaw in a pompih leh namkip in hong om zel hi. Lam chiha khantouhna om theih na ding in Siamsinna lam a khang kuul ahih manin,  india kumpi in daan bupi (constitution) article 21 (A) nuaiah  naupang chih kum 6-14 kikar a zong a hau in siamsinna dia opportunity neih theih vekna ding ngim na in Right To Education (RTE) 1st April 2010 in hong phuan khia hi. Tua bohzuina in programme tuamtuam hong om touzel hi etsak na ding in;  Sarva Shiksah Abhiyan (SSA) chih bang hong om a. Hiai in ahih leh primary education lam focus deuh in, tu lel dinmun in I state inle hamphat pih in tuailai tampi takte sepna muhna suak sak hi. Ahih hangin a sangnaupang ten siamsinna lamah bang tan a phatuam pih ihi hiam chih bel muhsuah theih ding om chiah nailo bang. Tua mah tawh kizawi tawn in Kum 2011 in Rashtriya Madhyamik Shiksha Abhiyan (RMSA) hong ki phuan khe non a hiai in ahih leh secondary education lam focus deuhse hi. Tuate teng banah hun paisan sawtloin RUSA chih program hon phuankhe non hi. Hiai in ahih leh Higher education lam ngimna a hong ki bawl khia ahi hi.

Ahih leh RUSA I chih bang ahia?
Rashtriya Uchchatar Shiksha Abhiyan (RUSA), kichi ahih leh SSA daan deuh Ministry of Human Resource Development (MHRD) nuaia scheme khat ahi a, State level chih a Higher education system lam puahphat na ding a program hong ki bawl khia ahi hi. Hiai in ah Higher educational Institution state level chih a ki taksap bang dungzui a bawl thak ding leh a omsa te puah phat a tuppi pen ahi hi. Cabinet committee on Economic Affairs (CCEA) in National Development Council (NDC) tung tawn in ah approval bawl in 12th Five Year Plan (FYP) a tel ding in nikum June 20, 2013 namkip hi. (Source: http://mhrd.gov.in/rusa)

Funding/Buget paidan tawh kisai
Phualpi solkar nuaia om Cabinet committee on Economic Affairs in Hiai scheme adiing in cheng 1, 28,000 core budget lui khia hi. RUSA in ahih leh state chih ah 316 universities banah, 13,024 collegete huam kha hi. Fund hong ki released ding dan ahih leh phualpi solkar in a tamzaw tham 90:10  malsuah biala (North-East) statete leh Jamu and Kashmirte a din sponser bikhiah hi (i.e. 90 per cent center in fund hon piak hidia  adang 10 per cent fund state contribution). koihtuam deuh  state khenkhatte (Sikkim, Himachal Pradesh and Uttarakhand) ah ahih leh contribution ratio 75:25 dia seh ahi hi.  Tua banah State dangte ah bel center-state Fund contribution 65:35 dia seh ahi hi (Source:http://mhrd.gov.in/rusa). Private government-aided institutionte leng dinmun khandan leh paidan dungzuia funding piak ding kichi hi.

Tup leh ngim pipen deuhte

•    Indian State level chih a Siamsinna degree sang lam (Higher Education) ngentel taka puahphat ding, banah dinmun dungzui a sangtaka tawisang ding.
•    Mun tuantual leh tanggam zaw deuhte ah Higher education institution taksap dan zuia tundin ding.  
•    Tanggam leh phaizanga sisamsinna sanglamte kirual taka dopsang ding (all round development).
•  Nam tuantual deuhte, poilong mite leh numeite adia  hamphatna hawmrual sak theih na diinga Siamsinna sangzaw sinna dia konghoihtak honsak ding. Sinsaktu degree tawh ki tuaka qualification dungzuia kiningching taka college levelte ah koih ding.
•   Research and development lam enkai deuh ding leh, tua pen lailam degree ngah nang chouh hilou in I gam khanna dinga telsui (Research) lam poimawh ahih bang in tuate dopsang ding chih ahi hi.
•   Siamsinna sangzawlam sin tuailai minkhum kiphudan liluanga (Gross enrolment ratio) tu dinmun a 19% a theih a om pen 30% tana (kum 2020 huna) dopsang ding.
•    Information kining ching tak leh ki chian taka piak theihna dia facilities tuamtuam state universities leh college taksapna neite kul leh poimawh banga koihsak hi ding.
•    Autonomous power enjoy theihna ding ua collegete dinmun uh dop sang ding.

Hiai hamphatna pen state solkar etkai collegete chouh hilo in private insititue te adinga aleng hamphatna om kha veve dinga scheme kibawl ahi hi.

Tu lel a dinmun om dan
Phualpi solkar cabinet in 3rd October 2013 a approve dungzuiin state chih a chief secretaryte (Mizoram, Madhya Pradesh, Delhi, Chattisgarh leh Rajesthan chih louh) kiangah theihsak nalai (official letter) thon khin vekta hi (Source: MHDRA/DO No.4-18/2012 U.II). Huchi ahih leh tuh tukum 2014-financial year sung beeka naa hong kiseppat theih ding lamet huai din munin om hi. Tua dingin thuneiten enkai thei in, mipi ten bil doh leng chih huai hi.

Bang chi banga eiten phattuam pih theih ding
Tulel a MHRA.gov.in website uapan a kimuh khiak danin abikin Manipur state ading in preparatory grant dangka teng ₹ 27,000,000 cabinets’ in approve ta hi. (4-17/2013-U.II /2/27/2014/NER). Hiai tawh kisai thunei tuten etkai ua hoihtaka a ki implement theih lehbel kongtampi ah hamphatna hon tun ding hi.
Lamka khopi sunga I government college neihsun uh Churachandpur College leh Lamka college banah private collegete adingin dopsang theih na dinmun hoihpi hong hi ding hi. A nuaia hamphat pih theih dia I lamet tamloute en le:
•    Lecturer department chih a ki ning ching qualified leh well trained neih poimawh dungzui a huaite huk dimna dia chance hoihtak hi ding hi. Huaite qualified nading in UGC theih pih NET/SLET nei te a ding bikin sepna lampi kihong hoihtak hong hi ding.
•    Institution Resource center poimawhte laka khat college Library etkai louh a omte bangleng phuaphat na ding a lampi hong hi ding. Tua dingin hoihtaka enkai thei ding qualified Librarian college chihin hoihtak semtu lathei ding hi.
•    Accredation rate suksang theih nang in college nasep etkai na kong bangkim ah panlak theih na kong kihong ding hi.
•    I District sunga sub-divisional HQ (etsak na dingin: Thanlon, Singat chihte) te ah bang leng college tun ding theih na ding lampi naak taka hong ki hong thei ding hi.


Thukhitna

Lamka a College I neih sun te’n; chitna nei staff kiningching tak, leh lamka mipi sangnaupangte adia ki ngakna taak taktak Higher education Institution I neih kul mahmah ta hi. Tua haksat na leh taaksap nate hukdimna dinga hiai programme RUSA I chih hong ki lui khe pen eite adinga hamphat huai tuanse dingin upna lianpi om hi. Quality education poimawh hanga, ahih hangin infrastructure kining chinglou, zuun zohlouh, leh khuampi taaksap (primary necessities) a om louh chiang in Siamsinna buk apai ding bang in pai thei lou hi.
Primary leh secondary level puah phat na ding in bel SSA leh RMSA chih te I gam uah pat in hong om ta hi, tuate bangle gahsuah manphatak hong neih touh theih nagaa I etkai ua, I zuun touh uh kuul hi. Tun I maban a hun sawt lou in RUSA chih higher education lam puah phat na ding in hong ki tunding non ding a  hiai bangleng ahi ding banga hong ki sepsuah theih nang in thuneitute leh mipi te I pankhawm poimawh hi.
Gam leh Nam khanna ding in Siamsinna lam poimawh hi. Siamsinna poimwh chi in tangkou pihmah leng infrastructure tuamtuamte leh, basic necessitieste I neih kei leh phatuamlo hi. Kawlgam, vaigam chih ngailo in I gam mah ah leng Siamsinna Buuk ki ngakna taak mundang tawh dinmun kibanga hong om theih na dingin nang leh kei khut ah kinga hi.