Career | Games & Sports Lam Lunglutte adi

User Rating: 0 / 5

Star InactiveStar InactiveStar InactiveStar InactiveStar Inactive
 

minsang guiteGames & Sports lam lunglutte din PHYSICAL EDUCATION (P.Ed) zil tuak mahmah hi.

Govt School, College leh University/Instituition tengteng ah ei theihdan leh 'PET Teacher' or 'Sports Incharge' or 'Sports Director' I chihte a sem mi 2/3 om suak vek hi. Subject dang khat a Teacher poimoh zahzah phial P.Ed. a siamna neite poimoh uhi. Hileh, India ah Govt School, College leh University bangzah tak om a, hiai lam ah mi bangzah poimoh himhim ding hiam chih le ngaihsut tham ahi.

Course ziltou theihte:
~ B.A. (Physical Education)
~ B.Ed. (Physical Education)
~ B.P.Ed.
~ B.Sc. (Physical Education, Health Education & Sports)
~ M.P.Ed.
~ M.Phil. (Physical Education)
~ Ph.D. (Physical Education)

Prospects:
~ Competitive Exam tuamtuam le pe thei veve uhi.
~ B.Ed. (Physical Education) zil a KVS, JNVs leh Govt School tuamtuam a PET Teacher hithei uhi.  As TGT = PB - 2 Rs.9300-37900 + Grade Pay Rs.4600 As PGT (with M.P.Ed) = PB - 2 Rs.9300-34800 + Grade Pay Rs.4800
~ Kimawlna lam a aniampen a State or College/University ai oh a ana kuankha bante a din M.P.Ed, MPhil, PhD ziltouh a, UGC Academic Grade Pay (AGP) hamphatna toh College leh University te ah Direct in PB-3 Group A postte ah luttheih ahi.

University/College alutte Entry leh Promotion hiai dan ahi.

~Assistant Directors of Physical Education and Sports (DPES)

Entry = (1) PB- 3 Rs.15600-39100 + AGP Rs.6000

For M.P.Ed, after 6 years in above (1), or
For Ph.D (P.Ed), after 4 years in above (1) =
(2) PB- 3 Rs.15600-39100 + AGP Rs.7000/-

~ Deputy Directors of Physical Education and Sports (DPES)
 After 5 years in above (2) =
(3) PB- 3 Rs.15600-39100 + AGP Rs.8000

After 3 years in above (3) =
(4) PB-4 Rs.37400-67000 + AGP Rs.9000/-

~ Director of Physical Education and Sports (DPES)
(5) PB - 4 Rs.37400-67000 + AGP Rs.10000/-

Physical Education ziltheihna College/University te ah semkhate bel Teaching Faculty dan a, Assistant Professor, Associate Professor, Professor hiding uhi. Tulel a, Delhi a St. Stephen College a Vice-Principal lenlel le, Associate Professor in Physical Education ahi.

Physical Education Ziltheihna Khenkhatte:
~ Indira Gandhi Institute of Physical Education & Sports Sciences - Delhi University
 ~ The YMCA College of Physical Education, Chennai
~ University of Mumbai
~ BHU, Varanasi
~ University College of Physical Education - Osmania University, Hyderabad
~ College of Physical Education, Bangalore University
~ Lakshmibai National Institute College of Physical Education, Gwalor, MP
~ St. Joseph’s College of Physical Education, Idukki, Kerala.
~ College of Physical Education - Pune, Maharashtra
~ Lakshmibai National College of Physical Education - Thiruvananthapuram, Kerala
~ College of Physical Education - Pune
~ Bombay Physical Culture Association’s College of Physical education, Mumbai
~ Chandrashekhar Agashe College of Physical Education - Pune
~ Mundang tuamtuam le omlai ahi.

Kimawlna chituamtuam ah lunglutna nei mi, jing 'PT tai' nuamsa mi, nitaklam teng phial a kimawl peih, Field leh TV a Games & Sports tuamtuam et nuamsa a Laibu toh sutsut peih mi na hih leh nang tempaina leh nekzonna dia hoih mahmah hi kha ding ahi. Hichibang mizia nei a, Bachelor degree adia subject lak di le theingellou lah hiai lam ah lunglutna nei a na kitheih leh Physical Education ZILPAH LEL IN.

National/State level championshipte or Inter-College/University level khong a kimawl kha ban bang na hih ngial leh, ZILTUAK SEM AHI. Na lunglutna ahihleh ZILPAH IN, KISIKLOU DING NA HI.

© 130609