2013 SSPP Foundation Day Special Article

User Rating: 0 / 5

Star InactiveStar InactiveStar InactiveStar InactiveStar Inactive
 

minsang guite2013 in Siamsinna ah Kikhekna Tampi Om Ding

Amasa in, Siamsinte Chibai.

National Youth Readership Survey 2009 apan in ei Northeast tuailaite India gamsung adia laisim peih/mun pente chih hon suikhiat dan uh ahi.1  Huchihlai in, 2012 October kha bei tan in sepna deih ziaka Employment Exchange ah min pelut Churachandpur district kia ah mi 65,220 pha in, huai teng lakah 73% dingte pasal hi uhi.2  Huchibang bok in, 2009 December tan a Manipur ah sepna zong 6.7 lakhs vel in min pelut ua, huai teng lakah 63% dingte laizil (educated) hi uhi.3  Himahleh, 2013 kum sung in lakh 10 vel ding sepna thak kihong beh ding a tuat ahi.4  Lungkelou, thanuam leh kuhkal taka pangte adin kong kihong gige veve ding hi.

Nikum zek in, Lamka khua apan Lalpuithluaii Foundation School (LFS) ten laibu (textbook) tanga Tablet zatdin ana enkhe khinta hi.5  State Level Talent Search Examination (SLNTSE), State Talent Search Examination (STSE) leh National Means cum Merit Scholarship Examination (NMMSE) te ah CCPur apan naupang hunkhop in exam va pia uhi.6 A patna di in, mi 3500 val diten Lamka khua a Churachandpur College leh Lamka College ngei ah class 12 level Staff Selection Commission (SSC) exam ding in minkhum in exam khin uhi.7  Huaibanah, ‘National Seminar on Zomi Literature’ chih bang sai khiat in omthei ta,8  ‘Lamka Book Fair’ leng a kum nihna dia saikhiat hita9, Career Launcher Ltd. kichi Rayburn College ah honkhiat in om ta hi.10  BPO sector a sem nuamte adingin Digital Centre pansan bangin Lamka khua ngei ah interview bawl in om hi. Hiai teng banah genbeh ding tampi omlai ding hi.

Siamsinna lam leh huai pansan a nekzonna a poimoh dan i theih uh kia hi nawnlou in, kalsuanna leh kitaitehna nasatak mai hun ah omta ihi uh chih muhtheih in om hi. Eilak kia hilou in, tu naizek apanin India gamsung pumpi ah leng siamsinna (education) toh kisai in siamsinlaite phatuampih zawk sem ding tupna in kikhekna leh thusuah gil pipi tampi ana omkhin hi.

Tu kum 2013 a siamsinlaite leh a kisaikhak pih nu-leh-pate, School, Colleges, Institutions, Student bodyte, khotang pawpi tuamtuamte lam chi tuamtuam hon hetkha ngeingei ding bildoh tuak kasak leh ka theihkhak chiang tamlou kon tak lang ding.


1. Right of Children To Free and Compulsory Education (RTE) Act 200911 zat phatuam sem ding12
April 1, 2010 kum apan hiai RTE Act zat pat hi a, naupang kum 6-14 kikal kuapeuh a din ‘education’/‘school kaiding’ kichi ‘alou theilou’ din India Constitution a Fundamental Rights khat din Article 21a ah guanglut hita hi. Kum khat zoha report kimu dan in, India pumpi ah naupang kum 6-14 kikal 8.1 million dingte ‘school kailou’ mawngmawng uhi. Hiai teng laka i ‘Guite Kual’ uah naupang bangzah simtel khak in i om ding ua? Sut tham leh theihkhiat poimoh mahmah hi.

Hiai toh kisai a ka taklat utpen ahihleh, gam Dan in azawng-ahau ahihkeileh khopi-khota chih tuam omlou in, miteng hamphat pih ding a kibawl RTE Act 2009 sepsuah na ding in apoimoh bangbang sum-leh-paai leng om ding chihna ahi.

RTE Act 209 in, a tomkim a angiat ahihleh -
a)    Kum 6-14 kikalte school a kai ngeingei ding uh chi a, a thawn a akaisak ding uh Sorkar leh local bodies (ADC) te mohpuak ahi.
b)    Private school ten ‘azawng leh haksa zawte’ a ding 25% seat akoih ding uh chih ahi. Huaite Fee ding tang State sorkar in ‘Public-private partnership plan’ tungtawn a piaksak ding chih ahi.13
c)    Sorkar theihpihlouh school himhim leng hon phallou hi.
d)    Sinlai naupangte kuamah mawk tawpsak, vuak/zep, pawlsuan saklouh chihte himhim phallou hi.
e)    Admission hun chianga screening na toh kisai ah ‘donation’ ‘interview’ chih himhim phallou hi.

Ei lak ah, RTE Act 2009 akizuih vek theih nailouh ziak tampi omte lak ah, mipi ten ina ‘theikhaklouh ziak’ uh ahihkhak ding lauhuai mahmah hi.

Hiai RTE Act 2009 pen a zattheihpah dingdan enchian a, suizui a, sutkhawm a ataksuahna dia kalsuanpah tuak hi. Hiai thu pen sorkar apan hamphatna dang i muhsekte maimai ahihlouh banah Fundamental Rights dia guang ahihman in, koih dap theih maimai louh ding hi.

2. TET Exam kia hilou in CTET kichi leng ngaihven tuak mahmah
A tunga, RTE Act 2009 apan leh kum khat report na ah, school kailoute kia hilou in, India bubpi ah a sinsaktu (teacher) ding leng 508,000 in tasam dan in mukhia uhi. Hiai ziakin, July 29, 2011 in National Council for Teacher Education (NCTE)14 in Class I apan VIII tante sinsaktu (Teacher) hithei dingte ‘minimum eligibility’ exam hon gel uhi. Hiai apan in, CBSE sai sakin Central Teacher Eligibility Test (CTET) kichi hong om khia hi. Hiai toh kizawi tawn in State in leng RTE Act 2009 leh NCTE te guidelinete khungte zui ding chih ahihmanin, state tuamtuam ten le amau State chiat a ‘schoolpu’ ding lakna din State TET exam sai pan dan ahi uhi.

Central Government (KVS, NVS, Tibetan Schools, etc), NCT of Delhi leh UT tuamtuamte nuai a schoolte a Teacher hih lunggulh ten CTET kichi exam piak a, chin ngai ta ding hi. State govt. in NCTE guidelines zuia atuam a state TET a saikei ualeh CTET zat theih ding chih ahi. Himahelh, Manipur in bel state TET exam kineih khinta hi.

Hiai toh kisai a ka kup nop pen ahihleh, tutung CTET-2012 exam na result ah 99% in failed15 uhi. CTET-2013 a ding in kongkhak tampi kihonglai chihna leng hong hipah. Banah, RTE Act 2009 om nung ‘schoolpu’ ding taksapna lianpi om leh sepna dinga kongkhak zapi kihong ding ahihna ah ei singtangmi ten leng a zekai luat ma a hiailam leng nek zonna ding a kimoptuah hun mahmah ta hi. Delhi khong ah khosa utte a ding bang in leng mitsuan tham pha mahmah in ka mu hi.

3. CBSE in Hospitality and Tourism panthak ding; Sex Education le pat hiding.
Central Board of Secondary Education (CBSE) in 2013-14 apan Hospitality and Tourism16 toh kisai in vocational courses 5 (nga) viz Food Production, Food & Beverage Services, Front Office Management, Bakery & Confectionary, Travel & Tourism pan thak hiding hi.

Sex education pen subject tuam a pat ding MHRD in hoihsa mahleh doudalna tuamtuam a om ziak in, syllabus dang khat gunglut in pat hiding hi.17

4. Nursing, MBBS leh PG medical seat khang ding18
Academic year 2013-14 apan MBBS leh postgraduate (PG) medical seat 50% leh 100% tuak in khang ding hi. India a health sector lamah semtu ding taksapna lianpi om ahihziak a hiai bang thil India vaihawm ten hon sawm uh chih ahi. Huai toh kizawitawn in, Nursing institute leng mun tampi ah hon beh in om ta hi. Medical line lunglutte adin kong za pi kihong ding chihna ahihman in, lunglut ten bildoh tuak mahmah hi.

5. Manipur Govt. in MBBS/BDS Entrance Test sai nawnlou ding, CBSE in saita ding19 
State in RIMS khonga MBBS/BDS ziltheihna dia entrance test a saisek pen sai nawnlou ding a, AIIMS hi in RIMS ah hitaleh, MBBS/BDS zil utten, Medical Council of India (MCI) vaihawmna in CBSE saina ah 1st NATIONAL ELIGIBILITY CUM ENTRANCE TEST (UG) or NEET (UG) exam a piak vek uh ngai ta ding hi.

NEET (UG) exam 2012 kum a pat ding chih himahleh thulh in ana om hi. All India level a combine exam apatna ding ahihziak in, mahni siamna liauliau a MBBS/BDS entrance gelhching dia kilamente a din, kongkhak lianpi kihong suak hi.

Online application forms with late fee Rs.1000/- = 31 Jan 2013 ahi.

6. AIEEE Exam kichi om nawnlou in, JEE set hiding20 
Pawl 12 zou, NIT a BE (engineering)/BArch (architecture) ziltheihna dinga AIEEE Exam pansan sek pen, pansan nawnlou ding ua, tukum 2013 apan CBSE saina a Joint Entrance Examination (JEE)-MAIN leh JEE (Advanced) pansan in IITs, NITs, Central funded Technical Institutions khenkhatte ah BE/BTech/BArch zil dingte lak hita ding hi. Manipur NIT a ziltheihna ding in leng JEE (Main) 2013 exam April 4, 2013 chiang a om ding pen zuih hipah ding hi21.

7. NIT ten leng IIT apan final year hihtheih ta ding uh22 
Board of Directors, Indian Institute of Technology (IIT) ten National Institute of Technology (NIT) apan kum thum paisa sunga asiam tungtuan ten IIT apan final year zoh phal ding chih thukim uhi. Ministry of Human Resource Development (MHRD) in lem sakpih leh zuih ahihpah lamet ahi.

Hiai omdan ahihleh, BTech final year leh PhD course te IIT ah zilsuak theih ding ua, BTech degree pen a kipatna uh NIT in degree pe ding a, PhD Degree ahihleh IIT in peding chih dan ahi. NIT lamah eimi kilut zeuhzeuh ahihna ah hamphatpih thei i om uh lamet huai mahmah hi.

8. Engineering course leng Correspondence a ziltheih pah ta ding23
Medicine leh Architecture lam chih louhsiah engineering course teng phial innmun apan ahihkeileh semkawm in degree ngahtheih pah ta ding ahihdan hiailam a etkaina mohpuakna len All India Council for Technical Education (AICTE) in thusuah bawl hi. A deihlouh hunkhop omlai mahleh, a paisuak ding lamet ahi.

9. Delhi University in Four Years Degree Course pan ding24
Delhi University a ‘Executive Council’ in Graduation coursete kum li sin ding in namkip ta uhi. Hiai ding in college teacher ten amau course structure chiat bawlthak ding ua, DU a Academic Council in ‘hihen’ a chih zoh chiangin, academic session 2013-14 chiang in pat hipah ngal ding hi.

Hiai in a tup dang bel, graduation hih sung in, mahni subject kia lou subject tuamtuam leng lak beh theih ding a, kum 4 leh 10 kikal sunga bachelor degree ngah theih hiding dan ahi. A utte adin, kum 2/3 zoh in leng course zillai tawpsan in diploma toh pawt khiat theih ding chih bang, ahihkeileh extra-curricular activities leh sports a kihelna te ah credit/mark simtel hiding chih ahi. Hiai in graduate level a siamsin dan nasatak in hon khek lamdang ding hi.

10. University apan Dual degree ngah theih pah ta ding hi25
Post-graduate course leh diploma course dang khat zilkhawm a ahun kibang a degree muh khawm theih ding deih leh ngimna in UGC in India a University tengteng kiang ah ngaihdan dawp lellel hi. Tu naichik a kigenchet leh namkip pah ding lamet ahihna ah, siamna leh theihna punbeh lunggulhte a din kong kihong zazaw semsem ding hi.

11. UGC-NET exam ah top 15% teng kia NET certificate peta ding26
TET or CTET dana India a University leh College tuamtuam a teacher ie Assistant Professor dia hihtheihna dia exam na ah, nikum Dec-2012 a UGC-NET exam dia 7.8 lakhs minkhumte lakah a siam tungtuan 15% teng kiang kia ah NET (National Eligibility Test) certificate piak hita ding hi.

2005 a ST/SC te a ding a Rajiv Gandhi National Fund (RGNF) Scholarship a kipat nung, STte lakah leng ‘higher studies’ lam sunzom punbeh a, top 15% kichi in eite leng hon hetkha ngeingei ding ahihna ah, hiai lam career dia telte hahpan zawk sem ngai ding hi.

12. BANKte leh University khenkhat kizomta uh27
ICICI Bank, HDFC Bank leh Axis Bank telin Bank tuamtuam ten amau deihdan a sum-leh-paai zekna toh kituak a sinlai naupangte sek ding tupna in Manipal University, NIIT, IFBI leh Guwahati University toh kizopna bawl uhi. Hiai University/Institute ten sinlaite kiangah kha 3-6 sung ding khong a kizoppih Bankte deihdana Course kibawlte sinsakna nei ding uhi. Banking lam lunggulhte adin bildoh tuak mahmah hi.

13. DOEACC extension centres Lamka Khua ah ompah ta ding28 
Govt. theihpihna a Computer course ziltheihna, Manipur govt. panlakna toh tukum ngeia a om lamet ahi. Tulai in, Govt hi in private ah hitaleh, sepna tuamtuam zonna ah computer lam theihna nei ahih ding chih anget tangpi uh ahihtaak ziakin, hamphatpih sawmchiat ni.

14. Class X Board Exam leng Om Nawnlouh pah dia gintat ahi29
Siamsinlai ten Board Exam hun ah, lungsim gimna nasatak atuah sek uh deihlouhna ziakin, 2009 kum in Centre Govt (MHRD) in pawl sawm zoh theihna din Class-X Board tuamtuamte exam taang in Class-X ‘School-based’ exam leng set theih ding ana chi uhi. Himahleh, hiai kikhekna pen a pomtheilou leh theisiamlou pumdim lai ahih banah mun tampi ah Cl-XI admission na ding ah, ‘School-based’ a zoute College/Insituition tamzaw in ana deihlouh ding ziak un, zuitheih taktak nailouh hi.

Himahleh, siamsinna toh kisai a nasataka kikhekna a omlel laitak ahihna ah, pawl 10 board exam leng awla hong beipah ta dinga gintak ahi veve hi.

15. Scholarship tuamtuamte Unique identification (UID)/Aadhar tungtawng a hawm hipah ta ding30 
Nikum in Lamka khua a sinlai tuamtuamte bank account hong ding in SBI kong ah kiphu luailuai uhi. Huai ma pek apanin, ei theihdan leh, ‘biometric card’ (UID) ana kibawl nainai a tun le pai lailai hi. A tomkim a gen din, UID/Aadhar/biometric card ah i bank account number kizomsak ding ua, huai UID tungtawn in, sorkar a kipan/tawn a Student scholarship tuamtuam hong paite i Bank Account ah ana guang lut zetzet pah ta ding uhi. Solkal thusuak31 dungzui in siamsinlai (Studentte) toh kisai in UID pansan in hiai anuai a scholarshipte piak khiat ding chih ahi.

- Post Matric Scholarship for students with disabilities
- National Overseas Scholarship for persons with disabilities
- Scholarship for top class education for students with disabilities
- Top Class Education Scheme
- Scholarship to Universities/¬College Students.
- Fellowship Schemes of UGC.
- Fellowship Schemes of AICTE
- Subsidy on Fee to Students.
- National Means cum Merit Scholarship.
- National Schemes for Incentive for the girl child for secondary education.
- National Overseas Scholarship for ST students
- Post Matric Scholarship Scheme
- Upgradation of merit scheme
- Rajiv Gandhi National Fellowship (RGNF)
- Matric Scholarship Scheme
- Maulana Azad National Fellowship
- Merit cum Means Scholarship Scheme
- Stipend to children in the special schools under the Child Labour Project.

Hiai project a theisiam baih ding siamsinlai te toh kisai laka pat hipah ding banah tulel in India mun khenkhat ah sepsuah pah din thupawtta hi. Ei lakah bel, singtangdawn a bank omlouhna munte ah buaihuai pi suakthei veve ding hi. Himahleh, huchi pipi inleng, ahong sepsuah pah ding uh lamet ahihmanin, siamsinlai ten hiai UID/Aadhar adia minkhum ding aloutheilou hong hipah thouthou ding dan ahi.

Thukhitna:
Hiai a tunga thute apan India gam ah siamsinna/education toh kisai ah kikhekna lianpi hong om ding bang hi. Ahoihna leh hoihlouhna ding chihte nounel taka sut tuak himahleh sutman i hi nai kei phot hi. Nu-le-Pa, Student bodyte, khotang pawlpite, sorkar a education dept. a semte leh sorkar vaihawmte a ding in thilthak, bildoh tuak leh kalsuan beh ding tampi hong om  pah ta ding chihna leng ahi. Siamsinte awlmoh kuapeuhin hiai thute sut in theichian sem in, i tanau-laina, lawm-leh-vual,  khopih-sapih te kianga atamthei lamlam puangzak theileng i chi hi. Kipak.
 
Siamsinte Takheh!

© 130113 This email address is being protected from spambots. You need JavaScript enabled to view it.

-------------------------------------------

References:

[1] www.indianexpre­ss.com/news/­%22ne-youth-read­-more-than-othe­rs-study%22/­1033499/

[2] Zogam Thupuak, December 7, 2012 at Zogam.com.

[3] http://pib.nic.in/newsite/erelease.aspx?relid=84002

[4] www.indianexpre­ss.com/news/­%2210-lakh-new-j­obs-expected-to­-come-up-in-201­3-survey%22/­1049230/

[5] http://­www.e-pao.net/­GP.asp?src=9..041012.o­ct12

[6] www.lamka.net/­news/lamka/­430-candidate-20­8-in-talent-sea­rch-exam-pia.ht­ml

[7] http://e-pao.net/GP.asp?src=10..220912.sep12

[8] www.e-pao.net/­GP.asp?src=15..2­01112.nov12

[9] http://e-pao.net/GP.asp?src=Snipp8..200612.jun12

[10] www.lamka.net/­news/lamka/­433-coaching-cen­tre-honna-nei.h­tml

[11] http://eoc.du.ac.in/RTE%20-%20notified.pdf

[12] http://www.educationworldonline.net/index.php/page-article-choice-more-id-2720

[13] http://righttoeducation.in/25-reservation-private-schools-resources

[14] http://ctet.nic.in/ctetnovwebsite/index.html

[15] http://­timesofindia.com­/home/­education/news/­99-fail-test-for­-school-teacher­s/articleshow/­17848944.cms

[16] http://articles.timesofindia.indiatimes.com/2013-01-01/chandigarh/36093457_1_academic-elective-subject-hospitality-and-tourism-sector-vocational-subjects

[17] http://­www.dnaindia.com­/academy/­report_sex-educa­tion-yes-but-no­t-as-separate-s­ubject_1783623

[18] http://­timesofindia.ind­iatimes.com/­home/education/­news/­Minister-promise­s-increase-in-M­BBS-and-PG-seat­s/articleshow/­17803592.cms

[19] http://www.htcampus.com/article/mci-final-syllabus-neet-2012-common-medical-entran-1009/

[20] http://jeemain.nic.in

[21] http://www.ifp.co.in/nws-10813-cbse-to-conduct-jee-exam/

[22] http://www.indiaeducationreview.com/news/iits-allow-nit-students-complete-final-year-iit

[23] http://articles.timesofindia.indiatimes.com/2012-12-22/news/35968654_1_technical-education-courses-hrd-minister

[24] http://­timesofindia.ind­iatimes.com/­home/education/­news/­Four-year-gradua­tion-calendar-i­n-Delhi-Univers­ity-now-receive­s-Executive-Cou­ncils-nod/­articleshow/­17774268.cms

[25] http://articles.timesofindia.indiatimes.com/2013-01-03/news/36129936_1_degree-courses-dual-degrees-diploma

[26] http://­timesofindia.com­/home/­education/news/­Only-top-15-on-N­ET-merit-list-e­ligible-for-lec­tureship-UGC/­articleshow/­17787518.cms

[27] http://­economictimes.in­diatimes.com/­news/­news-by-industry­/services/­education/­banks-universiti­es-in-tie-up-to­-train-staff/­articleshow/­17792652.cms

[28] www.e-pao.net/­GP.asp?src=16..1­31212.dec12

[29] http://indiatoday.intoday.in/story/cbse-likely-to-phase-out-class-10th-board-examinations/1/143135.html

[30] http://www.business-standard.com/india/news/34-schemes-identified-for-cash-transfers-chidambaram/495565/

[31] Download Govt. Notice http://financialservices.gov.in/download.asp?rec=187&;NotificationType=C