Theih a val lou Internet Facebook!

User Rating: 0 / 5

Star InactiveStar InactiveStar InactiveStar InactiveStar Inactive
 

#Mihing 13 ah 1 jel in Facebook zang phial uh.
#USA a internet zang sek lak ah 71.2% in Facebook khoih uh.
#Facebook ah minute 20 sungin link 10,00,000 share in om.
#Facebook ah minute 20 sungin event 14,84,000 bawl ahi.
#Facebook ah minute 20 sungin lemlak 13, 23,000 tag a om.
#Facebook ah minute 20 sungin status update 18,51,000 ching.
#Facebook ah minute 20 sungin mi maktaduai 1.972 in friends request
ana accept uh.
#Facebook ah minute 20 sungin lemlak 27,16,000 upload ahi.
#Facebook ah minute 20 sungin message 85,94,000 sent ahi.
#Facebook ah minute 20 sungin comment maktaduai 10.2 a om man.
#Facebook ah minute 20 sungin lawmte' wall ah post 15,87,000 om man.
#Facebook ah kalteng in photo maktaduai 750 upload ahi veu.
#Khovel tuailai 48% te'n Facebook tungtawnin chanchin thak ngaihven uh.
#Facebook khoih 42% te'n jing thoh phet chiangin check pah ngal uh.
#Facebook khoih sek mi 50% in niteng in khoih uh.
#Facebook khoih na'n khateng in minute 700 billion kizang jel hi.
#Facebook user mi maktaduai 900 zet tuh page, group leh event ah om kop uh.
#User khat hi page, group leh event 80 jela om bang ahi.
#Atangpi in user 1 in khateng in group/event/page 90 jel bawl bang ahi.
#Mi tuklehdingawn 30 te'n khateng in link, news, blog posts, notes,
photo albums, leh adg.dg. share gige uh.
#Khovel a Facebook zang 20% USA mi ahi uh.
#Facebook ah pau tuamtuam 70 zat theih.
#Facebook ah pau lettu 3,00,000 val om uh.
#Facebook in gam 190 val ah mun nei.
#Facebook zangtu te'n niteng in application maktaduai 20 install uh.
#Facebook mobile user maktaduai 250 vel om lellel.
#Al Pacino tuh Facebook homepage masapen ahi.
#Facebook a 'Poke' kichi hi a hilhchetna taktak a om kei!
#Atungin Facebook tuh file share/transfer na kia di'n ana kizang.
#Australian te'n gamdangte sangin dakkal 7 in Facebook zang nasa jaw uh.
#Facebook tuh khovela website lunpen Google zomtu ahi.
#Tulel in Facebook manphatdan tuklehdingawn 80 dollar vel ching ta.
#Facebook in leng website dangte bangin advertisement leh
thilbawlkhiak tuamtuam apan sum mu veve hi.
#Facebook ah Fan page 1,60,00,000 om hi.
#Texas Hold'em Poker hi facebook page minthang pen hi lai a, fans
maktaduai 67 val nei hi.
#Active taka Facebook zang mi maktaduai 650 om lellel.
#Kum 2011 March kha in Facebook apan profile 20,000 vel paihin om.
#Facebook zang nu-le-pa 48% a tate uh toh ki-friend uh.
#Facebook zangtu 47% te'n a wall uah paukam hoihlou leh thanghuai pipi zang uh.
#Facebook user 32% te'n midangte' profile check ching uh.
#American Academy of Matrimonial Lawyers in a suidan in Facebook zang nupa kikhen mun 5 a mun 1 tuh Facebook jiak ahi.
#Psychologists te'n Facebook addicts (Facebook Addiction Disorder/FAD) mi maktaduai 350 om chi uh!
#Ohio State University leh Ohio Dominican University a Professors Aryn Karpinsky leh Adam Duberstein te'n a suidan un social networking khoih sek school/college kai siamsin naupang maktaduai 800 valte lakah a khoih ngeiloute sangin a zillai uah hihse jaw uh chih mukhia uhi.

Zomi-te leh Internet Facebook

Khovel khantouhna leh changkanna in hon puakkhiak Mass Media Communication lam ah ei Zomi te'n ma i sawn mahmah ua, niteng chanchinbu leh local cable network Tv lam kia hi nawn ta lou in internet lam ah zong website tuamtuam nei in munchih mualchih a om Zo minam tuamtuam i kithujaktuah vengvung ta uhi. Hiai in i lak ua kitheihtuahna, kilainatna leh kipumkhatna tuh a, tunai zek 21st century akipanin houh i halhkhe tuan mahmah ta ua, lungdamhuai petmah a, Pathian kiang ah kipahthu i gen hial uhi. Himahleh tuni'n i dinmun uh en lehang nampi khat hi dinga i ihmutna laikhum tung apan khanglou pan, jingthou pan i hihna uah hiai internet/facebook media-te nam changkangsa, siat lam nawt nawn ta telawi zatdan banga a selam a i zat khak ding lauhuai petmah hi. I gam simleivai leh sum-le-pai dinmun et in malakna ding tampi kinei lai a, gam adia nna sem dinga i kuanna ah i theih nam damna thupuak tampi om lai hi. Huaijiakin, thil bangkim i hih peuhmah uah thilhoih lampang ngen delh lehang, hiai internet facebook pen ei adi'n vualjawlna leh nam khantouhna hong suak daih thei ding hi. Australian sociologist minthang Sir Kewaff Webber in "Mass communication is the speed of national integration" ana chi a, ustralia gam khantouhna jiak a gendan in, "Veng/Khua tengin information centre neiin group tuamtuam in kikhen ua, tua ah naungek apan tekse tanin voice suah thei ua, michih a kithujak jiak un lam khat ah luangkhawm thei uh" chi hi. Tuabang mahin ei Zomi te'n internet/facebook-te a se pumlum a va ngai mawk louin, i gam-le-nam tungding nadi'n zang lehang khanglousa kilusu nawn lou ding a, siamsin momnou te'n zong a lungtup uh mualsuah na'ng in zang ta ding uhi. Huaijiakin, tun-le-jua te'n leng i deih vontawite tua 'pilna- kongzing a kikou' thugen va ngaikhe dingin thuhilh tawpsan kei ni.