Zogam.com DOTNA 5 Dawnna - V.Hangkhanlian

User Rating: 0 / 5

Star InactiveStar InactiveStar InactiveStar InactiveStar Inactive
 

hangkhanliandawnna

58 - Churachandpur A/C  pen miteng bildohpen ahih manin, mipite decision bawlna panpihtu ding leh candidate te adia platform hi ding in Zogam.com in candidate teng DOTNA 5 kibang ana ki bawl a, a nuai a bang in dawnna Pu V. Hangkhanlian akipan ki mu hi.
Zogam.com in Pu V. Hangkhanlian lohchinna leh deihsakna lianpen pia hi.

 

NOTE:

Heutu muan,

Ginza Vualzong leh a teamte tutung 11th Manipur Assembly election toh kisaia laikhak leh dotna kamuh in lunglut huai sa in ki-pahhuai kasa mahmah hi. Dawnna abaih pen a honpiak ut mah leng tutung ki-sakkholhna ki-bichilhtak a om ziak in nahon theihsiam uh kahon ngen hi, Zogam.com team te’n kum tamtak a I society sung athu-leh-la ki zaak tuahna leh thilhoih tampi na sepsa uh leh seplelte uh thupisa in ki-pahna alian mahmah hi. Anuai a bang dotna omte dawnna kahon pia hi.

 

Zogam.com Dotna 5te:
1. Bang ziak a hon vote ding ka hi ua? Candidate dangte sang a na hoih zawkna bang a?

Dawnna: Kasepnop leh lungluutna mipi lungsim toh ki-tuak a ka theih ziak in na vote uh ka kinem hi. Candidate teng hoihna leh hatna a tuamchiat hi le-leng leitang humbitna leh Tribal issue khen khat a bang zah vei hiam Assembly walk-out hun paisa term te a kana neihkhak ziak in tulai vai a mipi lungsim kilkhat zou in ka mu hi.


2. Telching in om le teh na bial ah bang development nna nasem masa pen dia?

Dawnna: Kum 15 nung a term 3 ka na chin na mun ah nna sem dia hong ki-panthak dek kahihna a kei mimal vaai a ka sepnop leh bawlnop tampi a om, Himahleh mipi lam a hiai apoimoh leh kuul hih masak ding chih a om leh tuate sep masak ka-ut hi.


3. Na bial a muanna leh bitna bang chi'n na bawlhoih in na kembit dia?


Dawnna: Thupil in “Injustice anywhere is a threat to justice everywhere” a chih bangin ka Manifesto a current agenda a ki-gelh Martyrte tungtang sukfel di’ng ban ah Point 8 na a Law and order etkai a muanna leh bitna kepbit poimoh kasak te lak a kana gelh hi.

 

4. Election siangthou tak a om theihna dingin bang chi'n pan na la dia?

Dawnna: Mimal in vote khatchiat inei, huai diklou taka midang in ahon khiat sak theihlouhna dia kepbitna leh etzuina I mohpuakna kia hilou in I right le’ng ahi. Tua te theikawm a I pankhop chiangin Election siangthoutak ineithei di’ng gelh hi.


5. Na gam leh na mite rights bang chi'n na kembit in na enkol dia?

Dawnna: Amasa pen in right nei ihihdan awareness or consciousness itheih vek a poimoh , Tua kia hilou in I theih chet mah mah a poimoh lai hi,I lak a theikim lou leh theisiamlou I om kha di’ng. Tuate adia right om bangbang constitution leh development leh a tuamtuam om a ka theihte mipi lak a naaktak in semin hatsak ka-tup ahi.