Interview with Miss Kut 2012

User Rating: 0 / 5

Star InactiveStar InactiveStar InactiveStar InactiveStar Inactive
 

Interview with Miss Kut 2012
M. Kimhoithem Gracy Haokip

gracykips misskut2012

Miss Kut 2012 lukhuk khuk, Nungak fel, melhawi leh duang ting M. Kimhoithem Gracy Haokip chu tuni (Nov. 2, 2012) nitaklam dak 8:30 in a chenna inn mun, Tuibuong (Opp Tuibuang Oil Pump) Manipur Express staff te’n holimpina a va kinei hi. Ama hi Ex-Minister Chungkhosei Haokip chanu ahi, Kochuam leh khawtang ah kimang mama a hi. Holimna tangpi chu zia anuai ah gual ahi.

Miss Kut 2012 la hi la hiat ah la reaction bang a hem?
Lamdang kasa mama, ahinlah, Pathian kianga pauchap zing ka hi ziakin kei ah ki muanngamna (confidence) a lian mama hi.

La lawtinna thuguk bang a hem?
Hardwork and self-confidence.

La lawtina hi kua credit la pe ut em?
Pathian ka pe ut hi. Pauchapna tamtak zia hun hi pang ka hi ziak in Pathian hepina leh malsawmna ziak liauliau a hi.

Bangziak pen taka Miss Kut contest ah pang la hem?
Miss Kut hi thingtangmi te nunnawp himaleh eimi a pang ngam a um pua, phaizang mite’n a la mun zawu’ ah.MissKut2012Gracie Zia chu ka ngaitua phat leh puaknat um kasa mama hi. La teitei ding ah kinepna neilo maleh kenle puaknatna lianpi tawh va pang ka hi. Kochuam ahle thei dandan ah pang ka hiziak in zia pan ding chu mi’n banggual in ei ngaidiam ti’n le ka ngaitua sek hi. Pathian dawng zing kawm ah pang ka hiziak in ka lung a muang hi. Chuleh, zia kipat mite’n ei hiat ua, thei dandan ah Pathian lopina ding ah kasep thei zawkna a hiding kinepna ziak le a hi. Ka pa politician ahiziak in keile ka lungthim zosia hi society ah sep nawpna lungthim ka nei hi. Officer leh mi liantak hizolo ding himaleng zia lamkai bek ah mite hiat hi ah society a ding ah hawizaw sep thei ding chu ka tup ahi.

Thingtangmite’n Kut I matsek dan uhi nang ngaidan in pha lasa em?
Kei ngaidan in ziagual ah programme I suam uhi a pha mama hi. Miss Kut kitelna le phachuam kasa mama hi. Mipi te’n self control nei thei deu leu hin chu pha ding a hi.

Eimi lak ah Miss contest hi a phalo ah gelna a umsek a, ahinla, a lunglut le a ki um tho hi. Khangthak ziagual ah Miss contest lunglut te a ding ah bang thu la vaithak nuam em?
Eilak ah Miss contest/beauty contest hi a phalo dan in I la kawi ua, zia chu a sunggil tak hechianlo ah pawlam mi genna mai a hiat uh a hiziak ahi. Nu leh pa khenkhat te’n chate lunglutna ngaisaklo ziak in mi tamtak a siat khawlaw le a um hi. Numei hina dawl in, ziagual ah panthei dinmun ah um hi thil kipak umtak a hi. Ziaziak a chun, ziagual lunglutna nei te chu Nu leh pa te’nle a hiat thiampi ua, vangphatna a gel zawk uh a pawimaw a, mawk khap/phallo ziang sang ah, hawitak ah kaihuai leh enkai zo zaw leu phazaw dingin ka gingchai.

Judge te’n bang question a hung dawng uh em?
According to you, what is Men’s weaknesses? Wine or Women. Ka dawnhuna chu a hileh pawsal te a ding ah subuaitu chu Wine or Women a hi gelgel a, zia chu a chuamchuam in ka khen diak puai. Zialak ah kiveng thei pawsal chu lekha thiamlo himaleh pawsal lopitak a hi. Zia Wine leh Women ziaka pawsal ki subuailo leh I insung, khawsung leh gamsung ah kituakna, kichamna leh kipakna um ngei dingin ka gingchai.

Miss contest kiti hi ei Christian te a ding ah siatna um in la he em?
A phatna leh siatna a um gelgel hi. Mi a pha ding chu khawitak in pang lehle a phai. Thuthang khenkhat te achun Miss Kut ah pang te le dukdaklo in ala gen ua, himaleh ka pan a hileh a siatna ding le ka mu diak pua, ziaziak achun eima mimal ah kinga a hi. Khenkhat in a siatpi a, himaleh siatpi teitei ding tina a um diak puai.

Miss Kut kitelna tingtangmi lo namdang a pan uh hi nang bang ngaidan la nei em?
Kei ngaidan in vang kua hilehle a pan uh chu khawkna um in ka he puai. Ei mi te’n phaizang mite leh namdang a hung pan phat leh I huphul ua, a lau I bang sek ui. Zia chu hilo ah theitawp sua hapan zawkna ding ah kisa leu hin pha dingin ka gingchai. Namdang a pan tampo leh eile tam pang dingin kisa hitin, Miss Kut lukhuk chu namdang I khuksaklo ua, eima’n I khuk theina ding ua pan ilak zawk ding uh a hi.

Khanglai te siatna hi nu leh pa ziak a diam, ahiloleh kua ziak a diam?
Nu leh pa te’n mawpuakna a zawlo ziak ua khanglai tamtak hi siatna thaang ah awk uh hi’n ka mui. Chuleh, society ah leader te’n khangthak te a ding ah ettawn tak in um leu tusang ah khanglai siatna tawmzaw dingin ka gingchai.

Banggual mi pawsal dingin la dawi em?
Sum leh pai nei ah mi hausa maleh ei lungsiatlo nei sang in, ei lungsiat leh hethiam ding chu pawsal dingin ka dawi hi. Pathian he mi a hi a, khamthei kibuallo leh innsung enkai zo mi ka dawi hi.

Miss Kut prize la lakte bang in la mang diam?
Cash prize Rs. 1 lakh ka lai. Mi tamtak te bawl gual in a tamzaw chu charity ah pe ding ka hi. Himaleh, ka nu leh pa te tawh genkhawm ka tin u, amau phasakna, malatna leh puihuaina bawlzaw ding ka hi. Charity chu ka first preference a hi.

Dawisaktu (fans) te kiang ah bang la gen nuam em?
A mau ziak ah confidence sang ahi ziak in kipakthu ka gen hi. Ei dawisaktu leh ngainatu mi tamtak um te ziak in ka lung a muang a, ka lawtinna dingin hun tiang in ei panpi ui. Ka lungdam takzet hi.

interview

Bio-data:
Name : M. Kimhoithem Gracy Haokip
Father’s Name : M. Chungkhosei Haokip
Mother’s Name : M. Kiankhohat Haokip
Date of Birth : 13th Oct. 1992
Qln. : BA (Education) final year, Presidency College, Motbung
Height : 5.6cm
Weight : 55kg
Hobbies : Travelling, Reading, Designing & Modelling.
Aim in Life : Designer
Brothers : 3
Sisters : 2