Tulai thupil leh hunpaisa thupil i leh bulh uh enthak ni

User Rating: 0 / 5

Star InactiveStar InactiveStar InactiveStar InactiveStar Inactive
 

Tulai thupil leh hunpaisa thupil i leh bulh uh enthak ni

By James NT Biakmuan

NTBiakmuan

Hunpaisa : Where there is a will there is a way = Tupna a om leh lampi a om

Tuhun ah : Where there is a way there is a will = Lampi a om leh tupna a om

Hilhchetna....

Nidanglai a mi masaten a dinmun uh kitheisiam tak in nasep, laisim leh adangdang ah naktak in ana pang uhi. Tupna kichiantak khung masa in, tua phak zohna ding in naktak in panla uhi.

Ets. A hon paisan sa Pu Jelshyam bang aneulai in naudon kawm in lehkha ana sim a, a siamna ding in skul ah kai gige in, a puanak ban mong bang a naudon nap nulna in gep nilnel zawzen chi uhi. Lehkha leng a kidaih ngah zoulou himahleh, kholak ah mi laizial tepna hawng goldflakes leh adangdangte khawm in tuate in note ana gelh hi chi uhi. Hun hong paitou zel ah, lehkha sim ding tamdeuhdeuh ahihman in a sim hun ding sung meivak kichawm senglou ahihman in, khatang nuai ah lehkha mulah pipi in ana sim hi. Amah kuhkalna ziak in ATUH GAH INDIAN ADMINISTRATIVE SERVICE ANA MU HI.

Lou nasepna ah leng nidang a i pi leh pute uh tulai in a phazou ki om nawnlou hi. Lou mual khat vat bang neu sa mahmah anahi ua, tua ziak mah in bazar thupi khovel a om ahihlam leng phawk lou ding khop in ana khosa zou uhi.

Ngaihtuahna ah leng tulai a miten i pha mahmah kei uhi. Singtangpa Damdawi tampi tak tuh tulai a damdawi tampi in leng a phaklouh ding khop a hoih ahi. Tuate lak a khenkhat:

Singnahtang - Hiai tuh gamlak a sing chikhat ahi. Anah pen lohkhiat a tuikhup chihdan a bawl a, chini hel a dawn ahi. Sungna damdawi ahi a, tulai a damdawi tampi sang mah in a hoih zawlai hi.

Gulpi sinkha - Hiai tuh santen damtheilou in a hun tak (a damlai) a anek man nak leh hoih mahmah ana chih uh ahi. Hiai leng tulai damdawi tampite sang a hoihzaw a kigen ahi.

Tuchiang in bel, khopi a ten a, tua sung nopsakna omte zalzoh ding mah pingaih in, singtang dawn a niang leh tai a khosa tamtak te khopi ah haksatak a khosa in, khovel changkang mahmah tuh a zal i zouta uhi.

Awl in i hong pil hiaihiai a, abaihlam ngen a thil muhsuah ding tuh tuppen in i neimawk uh abatna tam mahmahta hi. Abaih ngen i zon nalam un, ahoihlou tampi leng ahoih bang a i ngaih uh a omta hi.

Nasep lam gen lehang lah, mi masate i phazou nawn mahmah kei ua, ahoupen in gen lehang, innsung nna maimai leng zoulou kitam mahmahta hi.

Lehkha sim na lam ah leng zawntat mahmah ta in i piilpai ua, examna a diktatna sang in a result pawt ding pen in i lungsim a natsak zawk ziak in, simluat khollouh pipi leng koihiam apan laihsuah teitei tum tampi ki omta a, i maban ding tuh lungzinhuai mahmah hi.

Solkar mun hoihte i tangzounawn kei deuhdeuh ua, mi nuai a dak ding tuh maban ahihjiak in LUNGKHAMHUAI MAHMAH HI.

IAS tulel a ineih uh i khutmal langkhat in kuaithei lai i chih chiang in khang mahmahlou ihi i chi hi.

Solkar ah dinmun hoih tangzou bang leng sim taktak lehang tam mahmah lou khat ihi phiing maimah diam? Thukhenna innpi a tuzou bang leng ki omtam din a gintak huai kei hi.

LAISIAM IN, IAS - OFFICER TAMPI KIBEHLAP IN, OFFICE TENG I LUAH DIM DING UA, MANIPUR - NAMCHIH TENG TENNA: SIAMSINPAWLPI GAM LEH VAIHAWMNA HONG SUAK DING A ; EITE MAHMAH

Hiai la ana thupi law mahmah mai chih bang muhthak in a om hi.

Sinlai na hihleh, tuhun na hun hoih ahi chih thei inla, i gam a ding in nang KINEPNA na hong hihtheihna din, ahunlai in hong pang tinten ding in i gam in hon poimoh hi.