Zogam.com 16th Anniversary Message

Zogam.com 16th Anniversary Message

Zogam.com kum 16 chinna chibai!

ginza vualzong

Hun ana paipai ahi ding a, theihlouh kal in Zogam.com le kum 16 ana chingta hi. Pathian vualzawlna ahi a, thupina teng Amah i pia ahi.

2003 kum in New Delhi ah Zomite a dia kithuzaktuahna platform khat poimoh chi in awlmawhna toh ana kipan khia a, memberte leh adminte pangkhawm in tutan Zogam.com melmuh theih in om lai hi. Huai hun lai in nam dang Naga leh Mizo te bang in le website ana bawl mah le uh, sawt daih zoulou uh hi. Huchi ahih manin ei singtangmite a dingin Zogam.com a kumlui pen chih theih hi.

I nam leh gam a dingin lam tuamtuam ah phattuamna Zogam.com in bawl hi. Gamsung news leh information muh baihlamna ahih ban ah, thu leh la a kikup khawmna, laigelh lam a khantouhna leh khotang a khanlohna tampi tun hi.

Mimal awlmawhna akipan kibawl khia ahih man in, Zogam.com in kizoppih organisation nei tuam lou a, ngaihdan tuamtuam genkhiaktheihna platform bawl a tup hi gige hi.

Kum 16 bang chingta ahih manin, a kal lak a haksatna kinei sek mah leh, tatlou a tutan Zogam.com a om theih lai manin kipah huai kisa petmah hi. Deihsaktu memberte hanthawnna leh panpihna ka poimoh gige uhi.

Pathian in Zogam.com vualzawl zel hen la, Zogam.com damsawt hen!

Admin teng sik leh tang in,
Ginza Vualzong,
Admin and founder, Zogam.com
Date 09 March 2019.